بسم الله الرحمن الرحيم


السلام عليكم ورحمة الله وبركاته

من قصائد النقد التي قالها الشاعر ابوفهد
هذه القصيده وقد قالها من حوالي سنه عساها تعجبكم



يقول ابوفهد:



ماعلي من السوالف

لادعاني واجبي لو يسبب لي نقاش
ماعلي من السوالف والنقاش وليه ليش

الخطاء من أهل الخطاء ماقبله وأرد كاش
حذفتي من عادتي ميعادها راس الحنيش

كل ماقلت القوافي من سمعها قال عاش
كل مامرت على المجتمع قالوا يعيش

واضح(ن) مضمونها لاغبار ولا قشاش
يقتنع فيها البغيض الياسمعها من الهويش

تشبه الطلقات لاساقها بطن الكلاش
بالهدف مضرابها لاتهس ولا تطيش

واعترض لي واحد(ن) كلمته من برد جاش
مامعه مايملكه في جوشنه غير الجويش

قال مانفهم كلامك كتبك ومعناك ماش
قلت ماتخفى اللبيب اهدافها والديش ديش

لاتقرا سطور المعاني وانت بعيونك غطاش
دايم المعنى الدقيق ايهمش الشوف اتهميش

خل الشعر لا هله مالك ابسوقه مهاش
كان تقبل بالنصيحه ولا حملي منك ريش

الادب والشعر مثل الذهب ماهو بلاش
مايتصرف به قليل المعرفه ولا غشيش

ودك اتفصل اثياب من اطيب انواع القماش
مار قالوا مامعك حتى مفاتيح الحشيش

كنك اللي مع طلوع الشمس ضاق من الرشاش
والهوا شرقية(ن) للشجر منها وشيش

تكرمون ولانسبب لاهل العرف اندهاش
اقصد اللي بالخطاء كل ماشيًش يشيش

غره اللي شجعوه وصفقوله لين شاش
وجنبو واخلو سبيله مادرا انه باب خيش

يترك الدرب العزاز وينتحي يم الهلاش
والحريقه من شراره ولا سبة سلك فيش

للشاعر القدير ,مرزوق بن مقبل بن غثيان الفهيدي الحربي

ابو فهد

صح لسان الشاعر مرزوق

وتسلم يمينك يالذيب على النقل الجزل

ابيات مليئه بالصور الشعريه الجميله

تقبل حضوري واطيب تحياتي..

السلام عليكم ورحمة الله وبركاته
صح الله لسانك مليوون ولا يكفون يالسنافي

قصيده جزله ومن شاعر جزل
وتقبل تحياتي