هذه قصيده,,, ابو فهد
بمناسبة خروج الامير/ محمد الفرم من المستشفى اطال الله بعمره على الخير


المجد خط اسمه

حييت ياشيخ(ن) للامجاد عنوان
والمجد خط اسمه على اعلى مكاني

يامرحبا ترحيب من قلب ولسان
اعداد من شاهد اهلال ارمضاني

واعداد مارحب بالاحباب ولهان
واعداد ماسار القلم بالمعاني

واعداد ماغنت على خضر الاغصان
ورق الحمام اللي تجر الغواني

اليوم يوم(ن) بين الايام له شان
يوم(ن) نعده مايجي بالتماني

الشكر للي كوًن الكون ثم كان
اليا ومر بالكاف والنون كاني

من فضل ربي مدنا بصبر وايمان
طيلت غيابك ياسهيل اليماني

على السلامه ياسلايل صنيتان
انهني انفسنا ونزف التهاني

لك ياسمي الهاشمي نسل عدنان
عساك تسلم من صدوف الزماني

ياشيخ شيختكم على مر الازمان
يشهد لها التاريخ وقاصي وداني

من عبدالمحسن فيك شارات وذعان
وانته بعد شخصه لها شخص ثاني

الحمل اليا منه شكت منه الامتان
تشيل حمل اللي بحمله يعاني

محمل بلاد الشام شيًال الاطنان
اليا رسى ترحب جميع المواني

كلاً ايهلي فيه لا وصل فرحان
واللي بعيد ايجيه من بعد عاني

المدح فيكم له دلايل وبرهان
وانته محله ياعريب المجاني

واقبل تحياتي بعنبر وريحان
ومسك المدينه والزباد العماني


للشاعرالكبير / مرزوق بن مقبل بن غثيان الفهيدي الحربي

ابو فهد

الله الله

صح لسان الشاعر مرزوق وعلا الله شانه

قصيده جزله ويستاهل اميرنا محمد الفرم الله يطول بعمره

والف شكر لك سعودي دبي على النقل الموفق

لك مني اجمل التحايا وأطيبها