وحكي الغزل في صدرك أشكال وأنواع=لكن صمتك .. حوّل الصدر .. تابـوت

إلا طَلَبتك وصل .. صعّبت الأوضـاع=مدري .. من اللي درّسك جعله يمـوت


أخواني وأبناء عمومتي

السلام عليكم ورحمه الله وبركاته

قصيده ان شاء الله تعجبكم وهي للشاعر محمد بن فطيس





يا شين طبعٍ فيك .. يا زيـن الأطبـاع=لولا الرجا .. ما كان خلّيته .. يفـوت

سَنَع .. يشـوّه لا تذكّرتـه .. أسنـاع=مثل الحصاة .. اللي وسط عقد ياقـوت

تخفي هيامك .. وإنت ميّـت وملتـاع=ما تدري إنه في ملامحـك .. منحـوت

ويبخل لسانك .. وإنت للسمع .. طمّاع=والبخل .. في سِلْم المحبيـن .. ممقـوت

الحكي .. قوت السمع وأسامعي جياع=ومسامعي ماتت من الجـوع .. للقـوت

وحكي الغزل في صدرك أشكال وأنواع=لكن صمتك .. حوّل الصدر .. تابـوت

إلا طَلَبتك وصل .. صعّبت الأوضـاع=مدري .. من اللي درّسك جعله يمـوت

تصد .. ما كنّك من الصـد .. مرتـاع=وإن قلت : يا القاطع .. تلفّت مبهـوت

أقطع بـدَرْب مواصلك في الشهر.. باع=وإلاّ إنت تقطع للوصل فـالسنة .. فوت

طعني .. وطاوع واحدٍ فيك .. ما طـاع=ناسٍ صغار عقول / وأشوار / وبخـوت

وإلطف بحال اللي نحل حاله .. و راع ..=قلبٍ جروحه .. تنزف أفكار .. وبيوت

قلبي .. إلا منّه شرى قلب .. مـا بـاع=وإنت هالله هالله فيه .. والعمر موقـوت

اسمع أشعاري في الهـوى وارخ الأسمـاع=ياللي غلاك بـتربة القلب .. مكتـوت

لا .. للفراق .. و لا .. لتجديد الأوجاع=ونعم .. نعم للوصل .. لو كان بالصوت

ان شاء الله تنال على اعجابكم

بسم الله الرحمن الرحيم


تسلم على القصيدة


لاهنت

اعجبنا اكيد والله لايهينك يالامير

اشكرك على النقل

تسلم على القصيدة

صح لسان شاعرها ....

أخواني

فيصل الغضيان

و

حامد مناحي

و

طلال العوفي

شكراً على المرور أسعدني مروركم

بارك الله فيكم

بيض الله وجهك وصح ألسان الشاعر والناقل

ولا تحرمنا من مواضيعك الجميله

فهد محمد العلوي


صح ابدنك ومرورك عطر القصيده


شكراً

صح لسان الشاعر ولا هان ناقلها ومشكور أخوي سعودعلى اطروحاتك المفيده والجميله--
أخـــوك:: طــلال عجــيل البــلالــي**

ونعم يابو عجيل

وبارك الله فيك على المرور الكريم


شكراًً

صح لسانك وبيض الله وجهك قصيدة جزله

أحساس


تسلم على المرور

وكلك احساس :)

شكراً

صح لسانك واختيار جدا راقي

هلا والله يابو سعد

ومرورك هو الراقي يالغلا

شكراً