السلام عليكم ورحمه الله وبركاته اضع بين انظاركم هذه الابيات الجديده امل ان تحوز على رضاكم

الدين دين أهـل الوفـاء والمعاريـف=مـاهـو بنـكـن تشتكـيـلـي اظـروفــه
اللـي تسـدده السنـيـن الـمـراد يــف=ويـزيـل هــم ولاحسـبـت امعـروفـه
هــذاك والله مــا لاحقـنـي تكـالـيـف=مـن همـه اللـي مـن زمانـك تشوفـه
هـمي افعـول اللـي رقـوا بالمشاريـف=يومـن خطـو الـلاش كثـرة احلـوفـه
بالطـيـبـة ماحـسـبـوا للمـصـاريـف=لاجـاهـم الـلـي هــم بقـعـاء يـلـوفـه
ضايـق ولإلـه غيـرهـم بالمواقـيـف=لأشـــال حـمــل ولاقـونــه اكـتـوفـه
بعـد الولـي لـه يفتـحـون المغالـيـف=لوهمـه اكـبـر مــن طمـيـه اصـوفـه
ذولاك هم ديني ولـه هـي سواليـف=مـاهـو بـديـن الـلـي يـفـرك اكفـوفـه
جزعان ماحده اظروف وصواديف=عـلـيـه إلا يـــوم شــــاور هـنـوفــه

السلام عليكم ورحمة الله وبركاته
كفيت ووفيت جعل الانذال تفداك

ولاهنت على هذا النص الجميل

صح لسانك وقصيده تشكر عليها

صح لسانك صحيح الدين دين المعاريف

جزاك الله خير وبيض الله وجهك

على القصيده الجميله ولا هنت

وصح ألسانك

موفق في اذن الله