السلام عليكم ورحمة الله وبركاته
أخترت لكم هالقصيده وأتمنى تعجبكم



سلامي ياللي عليه الدمع مسفوحي = طول غيابه وحال الياس من دونه

خبري به العام يوم الوصل مسموحي = يوم الهوى سنته للناس مسنونه

واليوم عني وزين الروح مطروحي = حسبي على اللي على بابه يردونه

ليلة فراقه بعيني عيت تروحي = دايم على البال تخطر دمعة عيونه

هو نور عيني حبيبي هو بعد روحي = وشلون ابقضي حياتي سالي بدونه

لي قلت ابنساه احس بنزعة الروحي = وان جيت ابلقاه عيو لا يخلونه

يفوح صدري على شوف الغضى فوحي = نار الهوى تشتعل بالجوف مكنونه

باقي على الود لوني فيه مذبوحي = لا خان عهدي وانا والله ما أخونه






للأمير الشاعر / خالد بن سعود الكبير


تــحــيــاتــي لــلــجــمــيــع
بدراني الرياض

صح ألسانك وألسان الامير الشاعر

وبيض الله وجهك على النقل الجميل وبارك الله فيك

ونحن بنتظار كل مواضيع تأتينا من صوبك


أخوك/ فهد الحربي

هلا أخوي فهد
صح بدنك
ووجهك
مشكور على مرورك