السلام عليكم ورحمة الله وبركاته
كيف الحال أخواني وشلونكم ؟ وش أخباركم ؟
أخترت لكم هالقصيده
و أن شاء الله تعجبكم




قبيلتـي يـوم افاخـر فـي فعايلهـا

ماهو على شان ربي حطنـي حربـي

لاوالله الا فعايـلـهـا تجـمّـلـهـا

من نجد لااخر حدود الساحـل الغربـي

من دون اخصص قبيله مـن قبايلهـا

اعزهـم ماحسبـت البعـد والقربـي

يفخربها الطيب باخرهـا مـع اولهـا

ويقول افاخـر بربعـن دوم تفخربـي

ماهي سوالف مراكـي يـوم ابجلهـا

كسبوا ثناهم بوقت الحرب والضربـي

وقت اللقـا جمعـة العـدوان تاكلهـا

واحدهم ان لان طيّب وان ضرب صربي

ومن جالهم طالـب ٍحاجـات يزهلهـا

بأية وسيلـه وبايـة حالـه ودربـي

واليوم وقت الرخـا والليـن امثلهـا

(اخوان) متخاشرين الاكـل والشربـي

من بدّ هالخلـق يعجبنـي تواصلهـا

والبال يصبـح لياجـا يمهـم طربـي

يلحقني اللوم يـوم اذكـر فعايلهـا؟؟

لاوالله الا افتخر لا قيـل لـي حربـي





للشاعر / سلطان بن بندر بن بتلا الغيداني الحربي





تــحــيــاتــي لــلــجــمــيــع
بدراني الرياض

الله الله الله

صح السان شاعرها وهو شاعر معروف غني عن التعريف

لاهنت يا بدراني الرياض على النقل ولاتحرمنا من جديدك

هلا أخوي أبن حباب ألف شكر ع مرورك

بيض الله وجهك وصح لسانك

صح لسانك قصيده جزله من راس جزل

هلا ومرحبا يامشاري مشكور على تعقيبك طال عمرك
يالبى قلب البدراني أنت لك تحية خاصه
كلكم على العين والرأس وشرفتوني

تسلم يمين من نقلهااا

قصيده طيبه مثل طيب الي ذكرهااا

الله يسلمك ياذيبان
ومشكور على مرورك
منور طال عمرك

صح لسان شاعرها ولا يهون ناقلها عزالله ماقصرت على القصيده

ماتنشل اليمين هذه انشالله الي انقلت القصيده

ارجوو تقبلوو مرووووووري

اخـــوكــ:: طـــلال عجيـــل البـــــلالــــي

هلا أخوي طلال مشكور على تعقيبك
يامرحبا فيك يابن عجيل

والله ونعم وكفو ياحرابة الدول وصح لسانه ولاهنت اخوي ع النقل
اخوك نهار العوني

صح لسانك ياابن العم

قصيده جزله من شاعر جزل

صح ألسان شاعرها وبيض الله وجه ناقلها

والله ما قصرت وجززاك الله ألف خير

صح لسانك
وبيض الله وجهك

نهار العوني - فواز الحربي - فهد محمد - عمر العوفي



هلا والله بعيال عمي الغالين
شاكر لكم مروركم وتعليقاتكم
يامرحبا فيكم مليون ترحيبه