ماني بقـادر علـى تغييّـر جيناتـك

ما دام طبعك كذا مخلوق فـي دمّـك

دوّر علـى كثـر روحاتـك وجيّاتـك

تلقى المواساه والتحنان عند ..امّـك

لاتبكي اليوم تـو اليـوم مـا فاتـك

الوقت ممدي ودمعك يمسحـه كمّـك

وان ما قبلت النصيحه يوم هي جاتك؟

لاتحسب اني حزيـن وناقـلٍ همّـك

خلّك على ما تبي تمشـي بمشهاتـك

تمشي على رغبتك وابليس مزتمّـك

متعـدّيٍ مستـوى ذوقـي ملـذاتـك

اقفيت ضامي بدون الشرب من جمّك

لوكنت ليلي وانا سهران مـا اباتـك

ولو كنت شوقي وانا مشتاق ما اضمّك

ولو ذبت لي شمع ما نّور مسافاتـك

ولو كنت ورده من الريحان ما اشمّك

لملم على باقـي الذكـرى جراحاتـك

وتذكّر اني ولو ما امدحك !!ما اذمّـك

ما دام هوج العواصف تبتلـي ذاتـك

اخاف تقفـي مـع التيّـار ويخمّـك

من يوم عادك طفل هـذي معاناتـك

الله يستـر عليـك الحـال ويتـمّـك

وان طعت ياهوه شوف افضل هوياتك

اخير من تبعـة المسمـوم وايسمّـك

الموج لاكبـر مـا تنفـع مهاراتـك

لوكنت سبّاح في عرض البحر طمّـك

لاشك ما ضنتي ..ما تسمع اوشاتـك

الصدق لوعم خلـق الله مـا عمّـك

وانكـان ودّك تذكّـرهـا بدايـاتـك

من يمي الوصل والتقصير من يمّـك

جرّب مع واحـد ٍ غيـري مياناتـك

مدري لواني بعدها صرت ما اهمّـك

اكيـد مقـدر علـى تغييّـر جيناتـك

ما دام طبعك كذا مخلوق فـي دمّـك


للشاعر/ محمد بن فطيس

قصيده جميله

مشكور على النقل وبارك الله فيك

اللة يعطيك العافية على النقل وصح السان شاعرها

حياك يابو حرب :)

والله يبارك فيك

===========

الله يعافيك يا عريفان .. وصح بدنك يالذيب

اترك عنك ابن فطيس .. وجاوب اللغز هههههههه

وان مــا قـبـلـت الـنـصـيـحـه يـوم هـي جـاتـكـ ...... لاتـحـسـب انـي حـزيــن ونـاقــلٍ هـمّـــكـ

يـــا ســــــــلآمــــــي عــلــــيــــــكـ يا ابــن فــطـيـــــس ،،،

عـــز الـلــــــــه يــســتـــاهــــل الــمــلــيـــــون ،،،

وقــــــواكـ الـلــــــه اخـــوي / مـــاجـــــد ...

عـلـــى الــقــــصــيـــــــده الأكــثـــــــر مـن رائــعـــــه وصـــح لــــســــانــــكـ ،،،

ولا هــــــــنـــــــــــــــــــــــت

مرحبا يالسنافي :)

صح بدنك.. والله يعافيك

ويستاهل بن فطيس