بسم الله الرحمن الرحيم

السلام عليكم ورحمة الله وبركاته
أحببت أن أجمع ماأجدة من شعر وقصاءد للشاعر الغالي

والكبير جوهر غالب الحربي
----------------------------------------------------
فـكــرت بـالـدنـيـا وحـصـلــت ثـنـتـيـن = هـــن كـــل مانـتـعـب عـلـيـه ونـقـولــه
حرصٍ على الدنيا وحرصٍ علـى الديـن=ولـكــل مـنـهــن مـاتـجــي بالـسـهـولـه
حرصـك علـى الدنيـا بوصـل القريبـيـن = وشــيٍ تحـوشـه فــي سبـيـل الرجـولـة
وحرصك على دينك عن المذهب الشين = بـاطـاعـة الـمـولـى وطـاعــة رســولــه
والصـبـر بالـشـدات والعـطـف بالـلـيـن = ونـبـذ الكـبـر والـهـرج والـلـي سعـولـه
تــرى مـقـام النـفـس بالسـمـع والعـيـن = كـف البصـر والسمـع عـم مـن حكـولـه
وعامـل جميـع النـاس بالمنطـق الـزيـن =وكـلــن عــطــه فيمـايـنـاسـب مـيـولــه
وان جاء الغلط من باب جاهل ومسكيـن =خـلــك نـحــاوي كـــن مـانـتـه بـحـولـه
وان جاء الغلط من باب بعض الخبيثيـن =فـصـل لــه الكـلـمـة عـلــى قـــد قـولــه
وان عــاد عـنـدك لاتـمـيـل الـمـوازيـن =عطـه الكـلام الخصـم عـرضـه وطـولـه
وصــادق رجــالٍ بالصـداقـة نصيحـيـن =الـلـي ليـاصـار الـلـزوم حـضــروا لـــه
الـلــي لـيـاجـا ذكـرهــم قـيــل نـعـمـيـن =وميقافـهـم كــل الجمـيـع شـهــدوا لـــه
دايـم عـلـى زيــن المـبـادي حريصـيـن =لـو ضدهـم جـور الدهـر ماخضعـوا لــه
ومــن يسـتـسـرك عـامـلـه بالبـراهـيـن =وعـزز لـه الكتـمـان لــو شـفـت هـولـه
تــراه مـابـدى لــك خـفــي المضـامـيـن =الا بـغـيـبــة عــالـــمٍ مـاصــفــوا لـــــه
والـسـر لامـنــه وصـــل ثـالــث ثـنـيـن =يـدرون بــه كــل الـعـرب لافطـنـوا لــه
ويـــاك والــلــي يـشـذبــون المـقـفـيـن =الـلـي لـهـم مــع غفـلـة الـنـاس جـولـة
خـويـهــم دايــــم بـوجـهــه لـطـيـفـيـن =وان غـاب بالسـرار البـلاء عرقبـوا لـه
دايــم وواحـدهـم مـثـل عـقـرب الطـيـن=مــع غفـلـة الـعـربـان يـشـعـب ذلـولــه
وان جـاك مـن ينخـاك لاتـقـول بعـديـن=بـعـديـن مــاهــي لـلـرجــال الـزحـولــه
عـزم تـرى عـزم النجـم يقضـي الـديـن =وعـلــى الله التـوفـيـق والـلــي تـنـولـه
ولاتـجــادل الـعـاقـل جـــدال المجـانـيـن =ولاتـقـول هـــرجٍ قـبــل حـــزة حـلـولـه
الهـرج شــوك الكـبـد والـنـاس داريــن =وبعـض الحجـج مـن كـل بـاب محبـولـة
والحـلـم والحكـمـة صـفـات الحكيـمـيـن =ومــن فــاز بالثنـتـيـن طـابــت فـعـولـة
وارجـو السموحـة يالـرجـال الفهيمـيـن =المجتـهـد بالـلـي يـقـول اسـمـحـوا لـــه
ـــــــــــــــــــــــــــــــ
ياريح من شرق البلد غربيبي = وطيري بروحي مع هوى نجد يا ريح
ياريح سيري بأتجاه المغيبي = برعاية الله عن جميع السواميح
ياريح عز امناي ماهو نصيبي = حظي يقوم بحكم الاسباب ويطيح
ياريح لو يكشف خفايه وغيبي = كان اصدقايه من شقايه مجاريح
ياريح لو جرح الضماير عطيبي = من طبعي اكتم ما بقلبي ولا ابيح
ياريح ابي لي ديرة(ن) تحتفيبي = وديانها القيصوم والنقد والشيح
لا جيتها ياريح فكيت جيبي = من بين قطعان القطا بالصحاصيح
ياريح قلبي من هواها يطيبي = لو اني اشكي من شقى الحال واصيح
ياريح انا اللي مسرف(ن)بي من حبيبي = راعي خدود(ن) مثل نور المصابيح
ياريح راح الزين واصبح غريبي = ما ياصله منا رسايل وتصريح
ياريح دار الزين ماهو قريبي = مايدركه سرب الحمام المراويح
ياريح مندونه عوى كل ذيبي = في صوح قفرن مارعوه المصاليح
في حاجر(ن) ياريح مابه عزيبي = مقاطعن يبرق رضمها الصلافيح
ياريح انا اللي ذاهب(ن) من ذهيبي = والكبد فيها مثل سم الذرانيح
ياريح جيت مراحهم بالشعيبي = مافيه للي يطلب الدرب توضيح
ياريح زيلان السراب تغديبي = واركض بليا وصف ركض المشافيح
ياريح اجر الصوت محد(ن) يجيبي = الا الدموع اليا انقطع صوتي تسيح
ياريح والله مايفيد الطبيبي = هاف الخواصر شرح القلب تشريح
في قذلة(ن) ياريح مثل السبيبي = شقر(ن) تطلق فوق مثل التفافيح
وامبيسم(ن) طلع خفاي ونحيبي = وردف(ن) كما طعس(ن) زوى ترابه الريح
اركى علي يا ريح سيف الذويبي = والحق علي براس شلفا شليويح
ياريح راح الروح محد(ن) دريبي = وسجن المحبه ما لبابه مفاتيح
ياريح قلب الزين ماهو لبيبي = يوعد وعند اللازمه فيه تصفيح
وان قلت عطني قال لي وشتبيبي = وان قلت مقفي قال مامن تساميح
ياريح هذا هو جداي ونصيبي = ردي علومي للوجيه المفاليح

ـــــــــــــــــــــــــ
اقيمت اصبوحه شعريه في جامعه الكويت وكان في تاريخ4_5_2004
الله واكبر يوم مره علي الرنج = تقول تاخذ للوادم تصاوير
بخدودها كهرب وبعيونها بنج = شيء يخدر راعي الحب تخدير
والوجه تفاح ونواوير وترنج = واكثر جمال من جمال النواوير
تكسر وتلخصني بنظراتها الغنج = وتضفي علي النهدين شغرا دعاثير
والردف رافعها علي كرسي اسفنج = وليامشت يدفع قدمها علي السير
تلعب بقلبي لعب شطرنج = بيدين ناس لعبهم بالدنانير
لوانها عندي حرسها من الزنج =وفرقه حرس شخصي من اقول المشاهير
وفرقه علي المنزل وفرقه علي اللنج =وفرقه تحييها بطل ومزامير
------------------------
حرب النجوم وحرب تسليط الأقمـار = وسلاح ناسا بالزمان الصناعي
وخطة برامج حرب تدمير الأقطار = اللي بها ضاعت جميع المساعي
وش عاد مهما تحرق الناس بالنار = كلش ولا حرب العيون الوساعي
سود العيون اللي بها العقل يحتار = منهن وفيهن مستمرٍ صراعي
بين الظواهر والبواهر والأسرار = حاولت أعرف أسباب حق انتفاعي
ويوم طعنتني بالهدب والشذى ثار = سلمت وانهارت وسائل دفاعي
قالت علامك شارد الفكر محتار = قلت انتظر تفسير سر انطباعي
والله مدري يا سناء البدر وش صار = في حالة اللا وعي لو كنت واعي
أشعر ولا أشعر والمشاعر والأشعار = ضاعت وضعت ومن عيونك ضياعي
طمّن عيونك قبل الأعصاب تنهار = وأقصر نظرها واستمع لا تراعي
لا تنزع الخافق ترى خافقي طار = بين الظلام وبين حد الشعاعي
نظرات وحكايات وأظهار وأضمار = وأسرار واستنكار من غير داعي
أنت اندفاعي بس أنا كنت صبّار = وإلا اللقاء صار اندفاعاً جماعي
تبغى الكلام اللي وراء حد الإنكار = أنا الذي من يدك صرت اندفاعي
والله ماذكر لك تفاصيل ما دار = إلا يمينك يوم تلوي ذراعي
مجرم ومع سبق الترصد والإصرار = رغم إنك أكبر عاطفي واجتماعي
حلمٍ بقى مع طلعت الشمس تذكار = والحمد لله كنت قد امتناعي
صار اللقاء اللي صار في حكم الأقدار = وطويت من عقب المتاعب شراعي
جيتك بعد صبر وغرابيل وأسفار = ولقيت غاية رغبتي واقتناعي
وش هالجمـال اللي تقاسيمه أطوار = مالـه مع أهـل الكون غير أنت راعي
المفردات تغادره سر وجهار = والصمت يلقى فيه كل الدواعي
حدثت به للشمس والماء والأزهار = والريح ونجوم الفضاء والمراعي
وأبلغت فيه الخمس واعطيتهـا اقرار = وأعلنـت له فصلٍ جديد بنزاعي
سلمت تسليم المهاجـر للأنصار = فيما تراه وقدر مـا تستطاعي

يعطيك العافيه يا دينمو المنتدى ..

ويستاهل الشاعر جوهر الحربي ان تنشر قصايده .. لأنها كلها ابداع

بخدودها كهرب وبعيونها بنج ===== شيء يخدر راعي الحب تخدير

هواوي :)

بس تنويه بسيط على العنوان .. اسمه جوهر مو جوهور ههههههه..

ترا الصايم مسموح لو يقط بدليات :)

وانا عندي قصيدة لشاعرنا الكبير ..

يقول جوهر:

الليل حل ولا درى الليل وش جـاب
والساليات من القلـوب ارجهنـت

كل دخل في منزله وأغلـق البـاب
ناس بحضرت مـن تـوده تهنـت

ورجعت للمنـزل حزيـن ومرتـاب
بالبال شـئ وفرحـة مـا تسنـت

قلت الصباح أرباح مالك والأنشـاب
ما كل نفـس حصلـت مـا تمنـت

واطفيت لمبة غرفتى والهوى طاب
واخذت افكـر واستمـع واتصنـت

اوحيت لى صوت على مسمعى ذاب
والنفس مع محزونة الصوت حنـت

حمامة يصغى لهـا كـل منصـاب
بالنوح والعزف الحزيـن استجنـت

ما غنت إلا لين نور القمـر غـاب
حسبي عليها بالدجي كيـف غنـت

ومن السعاده ما بقى عندها حساب
نادت لمجـروح الضمايـر وونـت

واخذت اجاوب صوتها حب واعجاب
وحالى من اللي حل فيها تـد نـت

من عبرتين فى الحشا تقل مشهاب
وحده دندت والثانيـه فيـه كنـت

تالى الدجى قمت اتمشي بالأسبـاب
والعين نادهـا السهـر واستعنـت

والله ما ادرى ويش ذنبي والأسباب
يوم أنهـا جـارت علـى وتجنـت

تقبل تحاتي

مشكور على النقل وبارك الله فيك

لاغتراب

اشعلي نار الغرام اللـي تشـب الشاعريـه=واحفظي لي كل كلمـه قلتهابـك واكتبيهـا
وصارحيني في مفاهيـم الكـلام الفلسفيـه=وكل كلمه تحتمـل تفسيـرٍ اخـر علليهـا
خلي افلاطون يضحك في زمـان الجاهليـه=وادخلي في مملكة نـازار يـوم وفجريهـا
وخرجي من عصر تيمور ومفاهيمه وغيـه=وانفذي بين الاتـون المظلمـات ونوريهـا
واكتبي بعض الرسايل بالحروف السومريه=وانقشيها نقش من كل النواحـي وابرزيهـا
رجعي صوت المحافل بالعصـور البابليـه=والحياه اللي تعبنـا مـن صخبهـا لونيهـا
خلي اذكى من يعرف الرمز يجهل يا ذكيـه=غيري بعض المعاني والمسـارات اخلفيهـا
واكتمي سر المحبه وسكتـي كنـك غبيـه=واستبيحي جملة ظنـون الجنـون وهمليهـا
واضحكي كنك سعيده وان تظاهرتي شقيـه=اجعلي لبس المعانـي تعتريـك ويعتريهـا
طالعيني في حظور الناس بالعيـن الرديـه=حال من وده له بحاجـه وكنـه مـا يبيهـا
وانظري لي من خلاف النور بالعين الرضيه=والغيوم اللي على بعـض المعالـم بدديهـا
وزعي كل النوايـا واتركـي للحـب نيـه=نيةٍ مـا يعتريهـا شـك يـوم ولا يجيهـا
امزجي بيـن الغبـا والتوريـه والعبقريـه=وكل جمله قبل لا تبديـن فيهـا راجعيهـا
خلي المتعه تعـدى كـل تركيـب الخليـه=السرايـر بالشعـور العاطفيـه وزعيـهـا
واتهميني بأبتعادي لو بقـت نفسـي بريـه=يعني الغيره علـى قـدر المحبـه قدميهـا
واستغلي موهبة شاعـرك بأسـرارٍ خفيـه=كل شمعه تشتعل منهـا القريحـه ولّعيهـا
ناوليني كـل ورده مـن جناينـك البهيـه=واكتبي لي رمزها واسرارها وامضي عليها
غيري صيف الليالـي بالديـار الساحليـه=ذوبي ملح السواحل قدم عينـي وازرعيهـا
قدمي لي وردةٍ حمرا والاخـرى قرمزيـه=وهاتي الصفرا قبل يـوم الـوداع وقبليهـا
زاوجي بين المشاعر والكمـوم النرجسيـه=واحتفي يالنرجسيـه بالزهـور وزاوجيهـا
ورسمي لي صورةٍ ماجسدت ذنب وخطيـه=ومن هدبك اللي سبى كل المشاعر بروزيها
وعلقيها فـي نهايـات الظلـوع الداخليـه=كيفما تارين مـن خلـف الجوانـح علقيهـا
عيشيني عدة اجوا من طرف يـوم وعشيـه=اسعدي روحي جزاك الله من الخير اسعديها
اسعفيني مابقى للصبر فـي روحـي بقيـه=يرحم الله حالتي تنخـاك تكفيـن اسعفيهـا
واصنعي من كل كلمه محكمه لاهل الاذيـه=واقنعي نفسـك بتحقيـق المـرام وحدثيهـا
خلي امهر من يعرف الكذب يبلش بالقضيـه=والمعاني عن نظر بعض الخلايق حرفيهـا
لو يقال الخفجي اصبح خلف نهر الناصريه=كل كلمه من عـدوك دون ظنـك صدقيهـا
هكـذا فـن التعامـل بالاساليـب القويـه=جددي بعض الأساطيـر القديمـه جدديهـا
بس انا لامني اعطيتـك مواثيـق الوصيـه=قدريها قـدر مايقـدر ضميـرك قدريهـا
خوذي الحرفين من كل الحروف الابجديـه=واقرئيها لين تستوطن ضميـري واتركيهـا
عاد وان قلت ارحلي بي للفضاءات المديـه=كشفي كل الحقايـق والبراهيـن اطلعيهـا
واعلنـي توحيـد حبـك للحيـاه العاطفيـه=وكل بسمه تنتعش منها الضمايـر كرريهـا
خلي الاحـلام تصبـح بالحيـاه الواقعيـه=والله اني ميتٍ منها قبل لا موووووت فيهـا
واهني من حقق احلامـه بقربـك واهنيـه=ستميتي في حزينات المشاعـر وايقظيهـا
ساعةٍ مانيب قايـل مثـل سكـرات المنيـه=قلما من يملـك الحكمـه ويقـدر يحتويهـا
ثالث العيدين عيد الفطر مع عيـد الضحيـه=لحظةٍ لابعت عمري لجل عينـك مشتريهـا
المصيبه ماهو الموت وعقوبـة كـل سيـه=هذي اخـر حالـة ابـن ادم ولله يشتكيهـا
المصيبه لا احتضرت بغيبتك والروح حيـه=ساعة الهجران والحرمـان واللـي يقتفيهـا
لو عرفتي وش تسوي نظرة العينيـن فيـه=ما رفعتي لي هدبها ليـن يزحـم حاجبيهـا
والله اني مستهيمن بين ذيـك وبيـن ذيـه=مالي الا اشكي صوايب رمشها منها وإليهـا
بس انا طالبك حاجه غضي النظره شويـه=طمنيها قـدر ماتغضـي عيونـك طمنيهـا
كم زرعتي بي جروحٍ جت من اعيونك هديه=لكن القسمه من الله كـل مسلـم يرتضيهـا
القدر يعطي وياخذ والغرام اعظـم عطيـه=وانتي اعظم من تراها العين يوم وترتجيهـا
بالشتا خليني اسكـن فـي خمايلـك الدفيـه=وكل ثلجه مـن شعانيـن المحبـه ذوبيهـا
وان وصل فصل الهجير وهبت الريح العتيه=افتحي لي جنةٍ عـن حـر نجـد وبرديهـا
وازني بين الفصول الاربعه روحه وجيـه=وخلقي لـي جـو ثانـي للحيـاه وزينيهـا
لا لحب البعـد ومعانـاة ليلـى العامريـه=لا تطرين لحبيبك لوعـةٍ لـه قـد نسيهـا
خلي الهرجه مثل ظرب المطر بالمزهريـه=رجعها شوق ومحبه وان علت كبـرٍ وتيهـا
كـل كلمـه عانقيهـا بأبتسامـه سكريـه=وحجبيها بالكرز سبعـة ثوانـي واكشفيهـا
وانشري تال الشفق للريح واعيـون الظبيـه=ربعي بربـوع قلبـي والمعاليـق انعشيهـا
والله اني محسـبٍ للشمـس عينيـن وثنيـه=لين شفت الليل الاسـود ترتديـه ويرتديهـا
قلت ما بالكون هـذا غيـر هـذي جاذبيـه=جاذبيتها عجيبـه مـن يديهـا فـي يديهـا
والحقيقه يوم (جوهر) شاف موته من سميه=سلّم الروح وتعزوى فيـك وانتـي سلميهـا
انتي اوصافك بعيني فوق وصف الابجديـه=ياسـلام الله عليهـا يـا سـلام الله عليهـا
-------------------------
خـلك لـحالك لا تجي iiللجماهير=دخـيلك ابـعد لا تـقرب iiدخيلك
ترى صدودك وابتعادك عن iiالغير=هـو منتهى غاية رجاي iiوجميلك
لـو انت ما تحتاج نظره iiوتحذير=فـي كـل مـا يعنيك عقلك iiدليلك
لـكن بصبري لا تطول المشاوير=بـرد غـليلي بـرد الله iiغـليلك
في حضرتك ماقدر على كل iiتعبير=كـلمة هـلا مـا كـنها تستويلك
خـدرتني فـي نظرة العين تخدير=هـذا وانـا ما ذقت من iiسلسبيلك
لـو شفتني قدم العرب سالم iiالزير=يـاضعف والله موقفي يوم iiاجيلك
كـان الغلا يخلف اعقول iiالمناعير=انـا هـبيلك واعرف اني iiهبيلك
لـكن تـعال وخل عنك iiالمعاذير=تـشيلني وإلا احـتفيبك iiواشـيلك------------------
ليلك غـرام الله يمسيـك بالخيـر= الله من اسرار(ن) دهتنـي بليلـك

ليلك نسيمه عطًر البيـت تعطيـر= وهبت ذعاذيع الشذى من جديلـك

وقفت لك رهبه ورغبـه وتقديـر= عزيز اكـرم مـن تعـز وذليلـك

وش هالجمال اللي تحدى الاساطير= وميزك بين الناس عن كل جيلـك

ساعة وجودك من عذاب الغناديـر= كل العيون تصد عنـك وتخيلـك

خلك لحالك لا تجـي للجماهيـر= دخيلك ابعـد لا تقـرب دخيلـك

ترى صدودك وابتعادك عن الغير= هو منتهى غاية رجـاي وجميلـك

لو انت ما تحتاج نظـره وتحذيـر= في كل ما يعنيـك عقلـك دليلـك

لكن بصبري لا تطول المشاويـر= بـرد غليلـي بـرد الله غليـلـك

في حضرتك ماقدر على كل تعبير= كلمة هـلا مـا كنهـا تستويلـك

خدرتني في نظرة العيـن تخديـر= هذا وانا ما ذقت مـن سلسبيلـك

لو شفتني قدم العرب سالم الزيـر= ياضعف والله موقفي يوم اجيلـك

كان الغلا يخلف اعقول المناعيـر= انا هبيلك واعـرف انـي هبيلـك

لكن تعال وخـل عنـك المعاذيـر= تشيلنـي وإلا احتفيبـك واشيلـك[/CENTER][/SIZE]

حمام ياللي ترفع الصوت شاكـي
زاد الطرب والا الحبايب جفوكـي
بلاه قلـي بالغنـى مـن تحاكـي
هم منهم اللـي بالهـوى ولعوكـي
يوم أنت مثلي ضايق الصدر باكي
ما شفت ما عينت مـا صادفوكـي
ناس تزايد مـن جفاهـم هلاكـي
يا طير منهم كـن بالكبـد شوكـي
حمـام يـوم الله بدربـي رماكـي
وصل خواطـر عالـمٍ سايلوكـي
الحـب بيـن للجميـع أرتبـاكـي
في مشيتي في نظرتي في سلوكي
وين انت ياحلو اللما يـا ملاكـي
مغرور وإلا العالميـن اظلموكـي
كان أنت ظالم عند ربـي جزاكـي
وإنكانك مظلوم قل ما أنصفوكـي
تـراي والله مـا أتحمـل جفاكـي
أدخل على الله وارحم اللي نخوكي
قلبي وعقلي والمشاعـر معاكـي
أسرفتي بحـال الشقـى نعنبوكـي
حتى إني أغليت الوطن من غلاكي
ناصيك مهما عن وطنـا أبعدوكـي
أنته بليت ومـن بليـت ابتلاكـي
وأصبر على بلوى بلى من بلوكـي
لا تشتكي لي والسبايـب خطاكـي
لومك على اللي بالهوى ولعوكـي
ولك مني إني ما تعـدى هواكـي
كان انت ما انته بالمحبة ضحوكي
مهمـا يـدورن الدوايـر فداكـي
ما راودتني في غـلاك الشكوكـي
يا سعد عيـنٍ كـل يـوم تراكـي
ويا سعد أهلك بلحظـةٍ هرجوكـي
يوم إني أنظر في عجايب بهاكـي
ما أهنـي التجـار وإلا الملوكـي
البدر دونك والدجا مـن وراكـي
ومبيسـمٍ مثـل الجنيـه محبوكـي
أصفى من السبع اللوامع صفاكـي
لو تجتمع كل البشر ما أوصفوكي
لا تين لا رندي ولا عـود راكـي
لا خوخ لا تفـاح لـو شبهوكـي
لد النظر في غيبتـك واحتراكـي
ياليتهـم عـن حاجتـي علموكـي
بلاه ما تبكي علـى مـن بكاكـي
ناسٍ شكوا منك وعليك اشتكوكـي
واعزتي لي كان طـول رجاكـي
وأنا مثل عود الجريـد محكوكـي
مقفي و مقبل ميتٍ فـي رجاكـي
ياللي تجامل عالـمٍ مـا أنفعوكـي
ارحم ترانا مـا رجينـا سواكـي
مدخلك بالمعبود وأمـك و أبوكـي
أسمح لي أنزل في طوارف حماكي
لا تستمع للنـاس لـو حذروكـي
أنا فقيرك و أنت جـزلٍ عطاكـي
وجه لوجه وخل عنك الشكوكـي
---------------------
جوهر والمري يتميزان شعراً وحضوراً

النعيرية - محمد الدغيم
تألق الشاعران ناصر المري وجوهر الحربي في إمتاع حضور الأمسية الشعرية الثالثة التي نظمها المخيم الربيعي الثاني بالنعيرية وحضرها بعض المسؤولين و مديري الدوائر الحكومية ورئيس اللجنة المنظمة للمخيم محمد سعود الغنيم ونائبه مانع العباس. وشهدت الأمسية إقبالاً كبيراً من محبي الشعر ومن المتنزهين في بر النعيرية من بينهم شعراء جاءوا من قطر والكويت والاحساء. وفي بداية الأمسية قدم عريفها محمد الحمود نبذة مختصرة عن مشوار الشاعرين ثم توالت القصائد حيث بدأها الشاعر جوهر بقصيدة مطلعها..
------------
فكـرت بالدنيـا وحصلـت ثنتـيـن
هن كل مـا نتعـب عليـه ونقولـه
حرصٍ على الدنيا وحرصٍ على الدين
والكـل منهـا مـا تجـي بالسهولـة

------------------
ثم قصيدة أخرى غزلية مطلعها:

يا ريح من شرق البلد غربـي بـي
وطيري بروحي مع هواء نجد يا ريح
ياريـح سيـري باتجـاه المغيـبـي
برعاية الله عـن جميـع السواميـح
-----
والتي تفاعل معها الحضور كثيراً.
أما الشاعر ناصر المري فبدأ قصائده بقصيدة ترحيبية مطلعها:
-----
يا اهل المكارم والمروة يالنشامى الغانمين
حياكم الله والمعـزة والمحبـة عطركـم
------
ثم قصيدة غزلية ومنها:

طالت الأيام يا صاح وانا في رجـاك
اتلهف لهفة الوالديـن اللـي رجـوك
ما لفاني منك نابـي ولا منـي لفـاك
وان نشدت اللي قريبين منك ما ذكروك
------------------------------

مشكورين على النقل
ويعطيكم العافيه

http://www.3tt3.net/up4/get-3-2008-f8lhihy3.gif (http://www.3tt3.net/up4)