بسم الله الرحمن الرحيم ......

بالبدايه ارحب في جميع من شرفني في هذه الصفحه

وستكون هذه الصفحه مكان لبعض قصائدي وابياتي التي لم تكتمل

واتمنى ان تنال اعجابكم

اخوكم سالم الدلح

/
/
/



طلعت معي هالابيات بسبب الاحداث التي جرت مؤخرا


الذم في ربعي مهو من طبعي= لكن بعاتبهم مدامي منهم
الصدر ضايق من فعايل ربعي=ومهما حصل مالي غناتن عنهم
يبقون ربعي هم ذراي ودرعي= حاسب حساب اكبرهم واصغرهم
نرفع يدينا للعظيم وندعي= انه يجمعهم ولا يفرقهم


/
/
/




.

/
/
/



صمــتي لا يعنــي جهلي بما يدور حــــولي
.............. ولكن ما يدور حولي لا يستحـق ..( الكـلام )


لــــ (............)


/
/
/

هذه القصيده كتبتها في حبـــــيتي
التي دام العشق معها لعشر سنوات
وعندما مرضت هذه الحبيبه وتنومت
هاضت القريحه وطلعت هالابيات



( والحبيبه هي ) .. ؟؟

:
:
:


سيارتي ( الفــــــرد) : )

اقول فيها


العين هلت عبايرها=وصابتني اليوم نفسيه
الفرد قولو لزايرها =تنوّمت بالصناعيه
لي عشرة سنين اسايرها=وماقصرت فيّ موليّه
تشهد بقولي توايرها=وتشهد خطوط السعوديه
وفي غيرها مانغيّرها=مادمت حي وهي حيه
كم له وقلبي معاشرها=من قبل نرزق بجنسيه




http://www.hrb-kw.net/upload/uploads/images/hrb-kw-net68f3c986c5.gif


؛
؛

::
::

كثر الكــــلام يبرهنـــه بيــــض الافعال
.......... وان كان مـا عنـدك فعــايل تــلايط
يا امـا تجي رجـــال وتــروح رجــــال
...........والا بــلاش مــن الحـكي والمهايط


::
::

.

http://www.hrb-kw.net/upload/uploads/images/hrb-kw-nete4e6d26440.gif




دامي كشفت انك تجاهلني=لاعاد تكشف باقي اوراقك
حسبي على من جفّلك مني=اقفيت والشرهه على اشواقك
المشكله ماخاب بك ظني=لازلت اعيش بنشوة عناقك
مرت ثمان سنين لكنّي=للحين مو مستوعب فراقك





.

لابد من القسوه احيانا : )

وقلت


http://www.hrb-kw.net/upload/uploads/images/hrb-kw-net5229f8689d.gif



لو نفترض خان تعبيرك=مفروض وياي ماخانك
ياليتها جات من غيرك=زلّتك ذي صغرت شانك
ماعاد تنفع معاذيرك=حتى ولو تقطع لسانك





.

من باب ان الرجل يستقبل بهندامه ويودع في عقله

كتبت هذه الابيات


راع الوفا له وسط صدري مكانه=في كل موقف طيب معه آتشارك
احفظ حقوقه مثل حفظ الامانه=وأعد عرفي فيه يومن مبارك
والا انت مالك مع هل الطيب خانه=مدام خليت الردى هو شعارك
ومدام انا وياك نفس الديانه=طيارتك مردّها في مطارك
انا ادري انك منت صاير تكانه=لكن ابصبر لين تشويك نارك
مرسوم صادر واستمع في بيانه=صادر عقب ماضاع منك وقارك
عزي لمن طيّح معاك الميانه=صافح يمينك وانصدم في يسارك
ترى الرجل دايم لسانه حصانه=واصبح لسانك بالمجالس حمارك

.


قرأت قصيده لــ لافي الغيداني واحسست اني انا اللي كاتبها واليكم بعض ابياتها

يقول المبدع لافي الغيداني ....


عزي لـمـن جدواه عـضة إبهامه
ماله ولا بيديه حـيـلـه وتدبير

رجاي باللي من نــــــواشي غـمامه
يسـقي ثراه / ويكسي ارضه نواوير

هو العـظيم ورب عرش العـــظامه
سبحـانه الخـالـق بديع التصـاوير

يارب قوّم والدي بالسلامـــــــــه
واشفه ومتعني بشوفه على خير


..اللهم اشفي والدي ومرضى المسلمين ياسميع يامجيب



.

في بعض الاحيان لا بد من قبول العذر خاصة اذا جاك من واحد مالك عنه مصد : )

وقلت ,,,,,,,,



من زود ما اغلـيك ما ازعل لو تزعلني ,,,,,, عـذرك قبـلته لـو انـه مـايـكفيـني


مــااقــول ماطــحت من عينـــي ولكــنّي ,,,,, شلتـــك لعيني بعد ماطحت من عيني

اهدي هالبيتين لأخي احمد العوفي




احترت انا ويش فيك اكتب,,,,,,,,تتعب على وصفك كفوفي


عـزالله انـك لـنا مكــسـب ,,,,,,, يا احمد بن هليل العـوفي

هذه ابيات كتبتها وحطيتها بالمسودات ولكن ما اذكر وش كنت ابي بالضبط : )

المهم انها طلعت بالهشكل

القــلب يــدمع وعيــني دمّهــا سال ,,,,, ماهــو تفــلسف ولكن ذي حقيقه


شبت حريقه بصدرن ذاق الاهوال ,,,,, والقلب عرّق من اسباب الحريقه


والدمع من عقب ماهو كان همال ,,,,, وقّف ودمي فـزع واكمل طريقه

احدى محاولاتي بشعر التفعيله عسا ان تنال القبول

اقول

,,

..






...طارت اسراب الحمام....

وغرّدت آخر قصيـده....

يوم روحك فارقتني ,,,,,,

مابقى عندي كلام :::::::

ومابقا عندي مشاعر ,,,,

من مشاعرك البليده ,,,,,

كيف تبغاني احبك !

وانت راسب بالغرام::::

,, ,,

,, ,,

,, ,,

يوم كنت اهواك كنت ,,,,,, غير قـابــل للرحيل

بس تالي الوقت شنت ,,,,,, يعني ابقى مستحيل


,,

مستحيل ابقا معاك

دام تفكيرك عماك

عـــــــــــــن وفـــــــاي

ياخي افهم !!!!!

مستحيل ارجع وراي

,,

,,

,,

لاتغرّك دمعتيني في غيابك ....... لانها ماهي على شانك عشاني

آه ليت الحظ ماخوّن وجابك ....... ليت حظي قبل ياتي بك نساني

,,

,,

لا تحاول

مابقت صفحه جديده

روح دوّر لك حبيب

كل شي قسمه ونصيب


بعدها كانك لقيت """""""""

تكتشف اشيا فريده

كنت سالي عنها

بالغــرام ومنها

ويش هو فرق الحبيب

امــــــن الطبـــــــــــيب


بس تدري ؟؟


؟؟

؟

مستحيل اني اسبّك

حشمتن للحب

مير لا فكرت ترجع

بالك اعصابك تثور

لاني لا شفتك رجعت

قلت عفوا صف دور

ادري انك بتوجّع

..


..

بس سامحني حبيبي


,,


,,

,,

,,

,,

...طارت اسراب الحمام...

زعلت مره على سيارتي (الفرد) اللي بحت لكم عن عشقي لها ودزيت لنادر ابن حباب هالابيات اعلمه عن عشقي

الجديد وابيّن له رغبتي بالجيب وقال ابشر باللي يجيبه لك (( خذاه الحماس الاخ )) : )

والحين اشهدو يا الربع تراني اطلبه جيب وما جابه : )

اخليكم مع الابيات ,,,

,,

يــانــادر الجيــب مــاخــذ كــل تفــكيري ,,,,, ياليـت عندي دراهم وازبن الساير


تــعــــجز بــوصفه يـابــونــوره تعابيري ,,,, كــله جــذبني مــن التنــده ليا التاير


لو هو على الكيف ما يركبه احد غيري ,,,, وارتاح يا صاحبي من فردي الباير

,,

هذه رديه قديمه بيني وبين الخال / احمد دحيلان الحربي واذا فيه ابيات ناسيها فليعذرني الخال

ملحوظه : الرديه قديمه ولا تمت للواقع بصله : )



اقول انا ,,,,,,,


سالم شكا يا خال مــن ماجــرالـه ,,,,,, شــاف الغضـي زفــوه والورد يـزهاه


حيل الله اقوى صار وصله محاله ,,,,,, مـــدري وش الحيله بعد يـــوم فرقـاه


لا قلت ابــي انســاه يطري خيـاله ,,,,,, يـــــالــيتـــني مــاقــد تــلاقـــيـت ويـاه


سالـم يبــيــله حــل جاوب ســؤاله ,,,,,, تكفى وش الحيله وانا ما اقدر انساه


يالخال تكفــا صارت الحال حــاله ,,,,,, غــديــت مثــل اللي جـروحه من دواه


جيتــك وثلثين الولد مــن خــواله ,,,,,, يعنـــي اكيـــد انــك فهمــت المعــانـاه



رد استاذي يقول :


يا مرحبا يــوم البنـــاخي لجــالــه ,,,,,, خــالـــن يــرحــب بــه وله مـد يمنــاه


تشكي هواك اللي يسوق ارتحاله ,,,,,, وكم واحــدن يشــكي حبيبــن تــمـناه


الادمــي مــا يــاخـــذ الا حـــلالــه ,,,,,, واللي كــتبــه الله اكــيد انت تــلــقــاه


ان راح واحـــد فيــه ميــّه بــدالـه ,,,,,, واللـي تــبـي يـا ســالــم الـدّلح جـبناه


نجــيبــلك منهــو يشــوقك جمــاله,,,,,, واللي طبــوعه بلــسـم الجرح ودواه


وهذا كــلام الخــال والــخال قاله ,,,,,, مـنــظوم لــك يــا ســالم اليـوم واقراه

,,

ماشاء الله عليك يا ابو فليج

ابيات جميله ورائعه

صح لســـــــانك

وانا الصراحه متابع جدا لقصائدك الجميله

استمر وابدع في صفحتك الشعرية

وكلنا عيونن صاغيه لما تكتبه اناملك الذهبية ...

أخي وحبيبي سالم فليج


تعرف أني ماني من هواة الشعر ولكن وبدون مجاملة شدتني أبياتك الجميلة وخصوصا الردية مع خالك أبو نواف وفعلا أبداع ممزوج بأبيات الترفيه وفعلا أجبرتني علي أن أسجل اعجابي في شخصك الطيب وكذلك في شعرك الجميل

أنطلق وأنا من متابعين صفحتك الجميلة

مبدع ماشاء الله عليك ياسالم ,,

واسسسسجل اعجابي بماكتبت,,

وارفع لك عقالي,, يابن العم,,

الاعزاء على قلبي ,,,,

طلال مفرح العوفي

فيصل بن غتر

حسن السالمي

وجودكم بصفحتي يثلج صدري ويعلم الله انه يفرحني

واشادتكم تعتبر فخر لأخوكم

الله لا يخليني منكم

مع ارق تحيه

تذكرون شريط توقيع ؟؟؟؟
اللي كان يتحدث عن الام ,,,,,,

جاني في احدى السنوات الماضيه صديق لي وقال لي انه يبي ينزل شريط يتحدث عن عقوق الابناء بالآباء وابي منك يا سالم قصيده وقلت له ابشر وقالي عن قصه واقعيه في ابن عاق رمى ابوه بالشارع وقال ابي تقول قصيده بهالقصه
ولكن للأسف لم ينزل الشريط
عاد اخوكم فعلا تأثر بالقصه

وقلت ,,,,,,,,


حســافـــه يــا وليـدي كم حسافه ,,,,, وفيــنــي كيــف ربــك مـا تـخافه


رمــيــت آبــوك ثــم صديت عنه ,,,,, نسيت اللــي لحــافــك مـن لحافه؟


انا ماكــنت متــوقــعــها مــنـك ,,,,, يــجـي لــك يــوم والــوالد تــعــافه


غريبه كيف هنت اليــوم عندك ,,,,, وصــارت عيشــتي عنـدك كلافــه


وانا اللي هقوتي كانت كبيــره ,,,,, ودربـك ما تصــورت انــحــرافـــه


نطــقـها قال انا ما ابيك عندي ,,,,, كســر قــلبي حســافــه باعتــرافه


كبـــيــره حيـل يا وليدي بحقي ,,,,, حـســافه يـاحـســافه يـا حــســافه


وانا اللي كل ما املك عطيتك ,,,,, وقــلبــك للأســف مـابـه مـرافــــه


رمــاني ايـــه يــا عـالـم رمــاني ,,,,, وظــنــي فــيــه بيــّن لــي خــلافـه


وبعــد الله محــدن ســد جــوعـــي ,,,,, يكثّر خــيــر عـمـّال الــنــظافـه


يجــيــلك يــوم يــا وليــدي وتــندم ,,,,,تشــوف اللــي ابوك اليوم شافه


الا يــا نـاس جـــيبــولي ولــيــدي ,,,,, وحطّو صورتي وسط الصحافه


عساه ان شافنــي حن ورجع لي ,,,,, واظمّــه من بعد طول المسافه


يالـيتــه قبــل يــرميــني نطــرنـي ,,,, اطيـــّب خـــاطـــري ليلة زفــافه

,, ,,

مشكله السهر : )



الضيقه اللي بصدري مالها مخرج=استوطنت بالضلوع العوج بالقوه
اقول تفرج وانا ما اظنها تفرج= واللي عجبني بها ما تجحد الخوّه

شهر 9 عام 2007 كان مليئا بالاحداث بالنسبه لي

3 / 9 / 2007 مرض ابي ( اسأل الله العظيم رب العرش العظيم ان يشفيه )

20 / 9 / 2007 ولادة ابني فليج ( أسأل الله ان يصلحه ويبارك فيه )

27 / 9 / 2007 وفاة عمتي ( أسأل الله ان يتغمدها بواسع رحمته)

والحمدالله على قضاء الله وقدره

وكتبت هالابيات اهديها لشهر 9

اقول :


في شهر تسعه حصل لي ما يكفيني=والنفس في ماكتبه الله منشرحه
الحزن فيه ابتدى بي وانتهى فيني=وبه عشت فرحه ولا طولت بالفرحه
اللي يجيني: يبارك ثم يعزيني=ثم يتمنى لابوي بوافر الصحه


,,

ابيات من قصيده لي ,,,,,,,

اقول ,,,,,,,


الود لو نرجع ليا عام الالفين=ونعيد في هالعام ترتيب الاوراق
وآعاشر الطيب واكب الرديين=واعرف عدوي واحرق الصحبه احراق
مشكلتي اني ما اعرف صاحبي وين=لان الصداقه صارت جسور وانفاق
والصاحب اللي صار عمله لوجهين=اكيد تالي صحبته تصبح فراق
..

الزم حدودك يا الغضي واحذر تمادى ياغزال....احـفــظ لســانك لايــجيــلك يـوم تــنـدم يـاصـــغيـر


بيني وبينــك قصـتن خــذها على اقــرب مثال....افرض بدون اهل الكرم هل ياترى عاش الفقير؟


اســمع كـلامي لاتكثــّر بالســوالف والجــدال....ان كــنــت فعــلا عاشقك ماني ترى عندك اسير


كيــد النســا ماينفــعك دام الحيل عــند الرجال.... خــل القصيــده كلها وافطن على الشطر الاخير

اهدي هالبيتين لأخي احمد العوفي




احترت انا ويش فيك اكتب,,,,,,,,تتعب على وصفك كفوفي


عـزالله انـك لـنا مكــسـب ,,,,,,, يا احمد بن هليل العـوفي






بسم الله الرحمن الرحيم

:


الى اخي وعزيز الغالي سالم تعجز الكلمات عن التعبيروالسطور عن الكتابه

فــ / شكراً جزيلاً على الابيات التي والله اعتبرها وسام على صدري

اخي سالم انت دائما رائع باحساسك الفياض

كلماتك بحر تغرف منه دوما ولا ينتهي او اعتبره شلال

لن يمضي بمضي الزمن وسيبقى يسيل حتى ولو جفت احاسيس الاخرين

وتبقى كلماتك كالقلب الذي ينبض بالحياة

سلمت اناملك

:

:

اخوك / احمد هليل العوفي

اخي احمد العوفي تأكد ان هالبيتين قليلين في حقك

واشكرك على كلامك الجميل الذي يدل على نبل اخلاقك

مع ارق تحيه

ما اجمل ما قرأت وما اجمل ما ستقرأون


قال الامام الشافعي

احب الصالحين ولست منهم ,,,,,, لعلي ان انال بهم شفاعه


واكره من تجارته المعاصي ,,,,,, ولو كنّا سواءن بالبضاعه



ورد عليه الامام احمد ابن حنبل



تحب الصالحين وانت منهم ,,,,, رفيق القوم يلحق بالجماعه


وتكره من تجارته المعاصي؟ ,,,,, حماك الله من تلك البضاعه



ورد احد المحققين وقال :


وما قال الامام اراه حقا ,,,,, ومن كالشافعي علما وطاعه


اوا ليت النساء يلدن يوما ,,,,, كمثل الشافعي في كل ساعه


ويارباه فارحمنا جمــيعا ,,,,, اله الخلق وامنحنا الشـــفاعه

هذه ابيات دزها لي الغالي نادر الحباب بعد عرسي بيوم وقبل لا يعرس هو : ) ومدامه تزوج اسأل الله ان يوفقه في

حياته الزوجيه



يقول نادر :


الدّلح اعرس وخلاني=عسا اللي يرزقه يرزقنا
ماعاد به صاحبن ثاني=مثلك يابوفليج يفهمنا
من يوم شفته بالاعياني=في حفلته يوم جمعنا
والبشت من فوق الامتاني=عزالله انّا تهيضنا
ياالله يالله يارحماني=تسعد حياته وتسعدنا



والحمدلله انه تزوج واخذته بنته نوره مني وفكتني منه : )

صــــــــــــــــــح لسانك يابو فليج




لاهنت على ها القصايد




وبيض الله وجهك

يامرحبا بعبد الرحمن شرفني مرورك يا الغالي

لاهنت واسلم وسلم

حــــقـــيــــقه ,,,,,,,,


مشكور يا البارق اللي ماصدق نوّه .......... صحيح ما اقسى من الهقوه ليا خانت


ماعــاد فيها حيا وانعـــدمت الخــوه ....... النــاس جــاهــا بــلا ونــفوسها شانت


(...............)




حقــــــيقه اخـــــــرى


لا تفـــــرح ان صـــار صيــتك مــثل حـــجم الجبـال ...... مـا عـاد تخــطيك حــتى الرمــيه الطــايشه

(.....................)

للعلم اي ابيات مذيّله بقوسين معناها اني لا اعرف صاحب هذه الابيات

وشكرا : )

سالم فليج الدّلح ..

كتبت فأبدعت ,, متابعين وبقوه ..

لآ هنت يـآ سـآلم ..

أخـــوكـ/ خالد الحربي ..

يا مرحبا يا خالد ومروك افرحني ومتابعتك تسرني

مع ارق تحيه

انا رصيـدي بني سـالم ومسـروح ,,,,, يوم ان كلن له حساب برصيده


قبيــلتي يا حيّـــهــا مــن قــبــيــله ,,,,,, افعالها ما تنحصر في قصيده


والله ما قلــته وقصــدي مجــامل ,,,,, الا علـــومن ثـابـتـات واكـيـده


اكبر فخر عشته وانا سالم الدّلح,,,,, انه تقـفـّى اسمي قبيـله مجيده


من دون قاصر في جميع القبايل ,,,,, والطيب ماحاشه قبيله وحيده

:
:
بسم الله الرحمن الرحيم
اخي العزيز والغاااالي : سالم الـــدلح ,,

|

أحاسيسك أكبر من أي تعليق ,, ومفردة أنيقة ,, لله دره نبضك
طبت وطابت قوافيك ,, ابداااع لايختلف عليه اثنان ,, صح لسانك والله لايهينك
على هذا الجمال الشعري المتدفق ,,
http://www.hrb-kw.net/upload/uploads/images/hrb-kw-net074ea696f8.gif

:
:


اخوك / ابــو ناصر ,,

ياهلا يابوناصر ويامرحبا بمرورك

ودك ان الواحد اليا ضاق خلقه ........ ما يفضفض غير فالوقت المناسب : )

(........................)

تدرون ويش اقسى من الدمعه على خد اليتيم؟ ........ بسمة عقيمن تلعب بحظنه حدى بنيات اخوه


انسان ماليه التعب يامـا سمـع كــلمة عقيم....... من اقرب اقرب هالبشر تخيلو منهو ؟ ابوووووووه!!!!!!

(.........................)

لله درك يابن فطيس

http://www.youtube.com/watch?v=ymMN6fcTHNM

لاهنت يابو فليج على ها القصايد الطيبه ...


ولاهنت على ها القصيده...

وتقبل مروري...

ياهلااااا ياعبدالرحمن ولاهنت على مرورك

مع ارق تحيه

احد الاخوان عسكري وموظف بالسجن المركزي

يقول ,,,,,

انه كان يتفحص الزانزين لمراقبة المساجين وبينما هو يقوم بعمله لفت نظره بيتين من الشعر مكتوبات على احد

جدران هذه الزنازين.

بيتين مؤثرات بالفعل ولكني لا اعلم هل الذي كتبها على جدران هذه الزنزانه هو صاحبها بالفعل ام انه ناقل لها


والبيتين هما :


ياحرق قلبي من صدوف الدهر حرق ......... والنفس من جور الزمان امحروقه


كيف المطر يمطر ولا اشوف له برق.......... والناس مــن حــولي تخايل بروقه

الله الله تسلم يمينك على النقل يابو فليج

تدرون ويش اقسى من الدمعه على خد اليتيم؟ ........ بسمة عقيمن تلعب بحظنه حدى بنيات اخوه


انسان ماليه التعب يامـا سمـع كــلمة عقيم....... من اقرب اقرب هالبشر تخيلو منهو ؟ ابوووووووه!!!!!!

(ذبحتي يا الدلح على الكلام الاكثر من طعن خنجر العدو
واسمح لي ابدي اعجابي بقلمك وتميزك واسلوبك الراقي وتالقك )

يا هلا يا نايف ولاهنت على المرور

مع ارق تحيه

يامرحبا ياحامد وصدقني اعجابك وسام على صدر اخوك

وبالفعل هالبيتين قمه بالروعه


الله لايهينك على كلامك الطيب

مع ارق تحيه

مره من المرات اخطأت في حق شخص غالي علي

ومن باب انه غالي اعتذرت له

بس المشكله ماقبل اعتذراي : )

الى ان هداه الله عقب هذه الابيات اللي كتبتها فيه


اقول :,,,,,,,,,,,,,,,,,,,,,,

الى متى بتقول يافلان وآقول,,,,,,, ترى الكلام الشين اعدّه سخافه

الواضح ان العذر ماكان مقبول,,,,,, ولو ماهو بمقبول ماهو حسافه

انا ضميري حي وآقول وآطول,,,,,, وشجاعة المخطي يسوق اعترافه

يشره علي الـــوزن والقــافــيه ,,,,,, غيبتــك ياسالم مهي عاديه

قلت السموحه مير انا بنشدكم ,,,,,, الشعر تال الوقت وش داعيه

دامه ماحرر قدسنا المحــتــله ,,,,,, لاعاد نكتب عاشــت الحـريه

هو اي حــريــه نتــكــلم عنها !,,,,,, مـــادام لاهــذي ولاهــذيــــه


هذه ابيات من قصيده سأنشرها بموقعنا قريبا

عساها تجملني قدامكم

ياسلام عليك يابو فليج مجرم مشاعر

لله درك يا ابو فليج مبدع بكل كلمة .. ومتابعين وياك :)

تقبل مروري ..,,

يامرحبا بالحنيني وابو صالح

شرفتوني

مبارك عليكم الشهر وكل عام وانتم بخير