بسم الله الرحمن الرحيم

السلام عليكم ورحمة الله وبركاته

اخواني الاعزاء

هذه من المحاورات الرائعه انقلها لكم لقطبين من شعراء المحاوره ( صياف الحربي احمد الناصر الشايع )

احمد الناصر

شليويح بن شلاح المطيري مثل الاشوام
سلامه مرحبا بك من بعيد اليا بعيـدي
تغير واختلف طبعه على ربعه من العام
رمى قلب قديم وشاري قلـب جديـدي
-----------------------
صياف الحربي

شليويح المطيري ما تعدى دين الاسـلام
واقوله بالنيابـه عنـه والعايـد يعيـدي
لعلك يا أحمد الناصر تجي وتـروح قـدام
وتصبح في اوسط الديره شقي والا سعيدي
--------------------------
احمد الناصر

تهرج بالرضا حيث الرضا هو سيد الاحكام
وخلـق الله تفكـر بالقريـب وبالبعيـدي
انا أعرف الليالي السود وبيـض الايـام
وترى ما نيب اعيد لين اوكد يوم عيـدي
-------------------
صياف الحربي

تهرجنـا وفكرنـا وفسرنـا بـالاحـلام
وجبنا لك خبر مضمون بالعلم الوكيـدي
فتشنا في صحنكم ما لقينا خبـز وايـدام
ما غير القدر والطاسه ومسواط العصيدي
---------------------
احمد الناصر

يقولون الضوامي هالليالي ورد وحيـام
ولا ضد الحديد الا القوي مـن الحديـدي
ضعيف الحيل ما ينفع ليا منه طاح ما قام
ولو ينزل بعد بكـره يطـري فالشديـدي
-----------------
صياف الحربي

وقف في دربها مجنون لا صلى ولا صام
لعله عقبها يقعد مـع العالـم وحيـدي
لو ان ام الكباير ما عطوها خرص وزمام
ما يمديها تغني لك بنوع من القصيـدي
-------------------
احمد الناصر

أنا ما نيب احب الظلم مار الناس ظـلام
اجنب خزنه السلطان ابن عبدالمجيـدي
احد يحكم عليه اليا جهل في حكم الاعدام
خطير انه يذكى مثـل تذكـاة الهريـدي
----------------
صياف الحربي

أنا عارف وداري واعرف ان الظلم هدام
ومن يخطي على المسلم ترى قلبه بليدي
ومن يشري لك البندق يبايشري لك حزام
لو ان الموت فوق الحنجرة تحت الوريدي
---------------
احمد الناصر

ترى ما طاب للرجال ياصياف مادم
معك قلب كبير ولا معك رأي سديدي

اللة يرحمك ياصياف
وشكررررررا يابو شريف على المحاورة

كل الشكر لمرورك وتشجيعك وبارك الله فيك