بعيني شفت الموت وبعيني قاومتة
وشفت ملك الموت يحفر بكبري
ادري العمر يكضي بسرعة نوبات
بس العمر لحضات والله ما ادري
علكوا بصدورنا باج الموت
وظل يرجف الموت من هدتنا
ما هبنا الموت بهاي السنين
ويموت الموت بطاري سيرتنا
على أرواحنا علكنا كل المنايا
وعالمنية تضحك اليوم ضحكتنا
دمنا ينزف وما نندج الراس
ومانمسح دمانا باعراض خوتنا
ولا شربنا كاس الذل والمهانات
والغيرة تلكاها بخدود دمعتنا
احنة اصل الاصل وللمجد عنوان
ومن ابو الحسنين خطينا رايتنا
علمنا الوكت ايدين بفرد ايــد
يعني الوحدة معنـــاها قوتنا
ومنحس نفسنا احنة اولياء الله
بس عدنا غيرة مزروعة بكرامتنا
يعني منغدر صديق ولا نخون بأخ
وما نبيع الضمير وندوس خبزتنا

صح لسانك
تقبل مروري

صح السانك

وبارك الله فيك

اللة لايهينك على النقل وصح السان شاعرها..