السلام عليكم ..

وهذا لغز .. انشالله انه محبوك بمافيه الكفاية..

والوعد بعد اربع ايام :D

ويـش مـزيـونـة مـاهـيـب مـطـلــّــقـه
ولا لـهـا زوج وبـيـت يـلـمـهـا

امـهـا فـي صـون وهـي مـعـلــّـقـه
ولـو تـقـطـع مـا يـقـطـر دمـهـا

تـجـتـهـد فـي عـمـلـهـا وتـغـلــّـقـه
وتـعـزم الـعـالـم عـلـى بـطـن امـهـا

مـن صـواديـف الـزمـان مـفـلــّـقـه
شـي يـخـطـيـهـا وشـي يـخـمـهـا

تـنـتـهـي بـثـيـاب غـبـر مـهـلــّـقـه
وامـهـا فـي حـالـهـا مـا هـمـهـا


بانتظار الحل :)

اللغز محبوك عدل عدل بس ما يظر انجرب حظنا فية
نقول الساعة قبل ما نفكر فية عدل ....

يوسف .. انت اللي قلته مو حل

انت الحين قلت لغز ثاني هههههههه

اشلون الساعة ؟

مالك لوا يالغالي

شكرن حاول مرة اخرى :)

يامرحبا يابو خلف
وان ما خاب ضني القمر مع الشمس..

يا هلا يا عريفان..

ارحب ارحب :)

وانشالله ما يخيب ظنك..

اما بالنسبة للشمس والقمر.. مالك لوا يالغالي

رمعتك بعيدة عن الحل..

تحياتي وسلامي..

لغز صعب

نبي أنجرب حظنا

التلفون أو الجوال

وأن شاء الله يكون صح

بارك الله فيك على اللغز

هلا يابو حرب :)

بالنسبة للتلفون او الجوال..

مالك لوا طال عمرك

نبي نشارك معاكم
الحل ماهو (( اللوحة الارشاديه عن الأماكن اللي في الطريق أو الشارع ))

مرحبا يا بو عرب

والله انها جت بالعارضه :)

بس تدري اشلون .. لك ضربة جزاء

تراك منت بعيد عنها

وتذكر انها تعزم العالم على بطن امها

مرحبا يابو خلف الرمعة الاخيرة ان صابت ولا فلا
وأقول الشبة .....

خذها وأنا ولد ابوي

الإشارة

ههههههههههههههههههههههه

عريفان .. ثـــَــــنــْـــهــــــــا

=============

ابو عرب.. انت ولد ابوك وانا ولد ابوي

رمعتك لاهي بنت امها.. ولاهي ام بنتها

هههههههههههههههههههه

تراك بعدت :)

السلام عليكم ورحمة الله وبركاته..

بما ان اليوم هو اليوم الاخير للغز..

فمن المفترض اني اعطيكم تلميح

وانا قلت ان رمعة ابو عرب الاولى كانت قريبه من الحل

ابو عرب قال الاشارات الارشادية اللي بالشارع

تلميح اخر : المزيونة هذي انشوفها فالاسواق وعند المحلات التجارية :)

و سلامي هو ختامي..

ههههههههههههههههههههههههه

أنا في الثانية ضيعت ركلة الجزاء

وان شاء الله هذه المرة ما أضيع الفاول
الاجابة
(( لوحة المحل الاعلانية ))

إذا غلط أبي كرت أحمر من الموضوع أو نعمل تبديل
:)

اللغز صعب ولكن لنا محاوله اظن اشارة المرور

ماشالله عليك يابو عرب ..

صكيت على رونالدينهو.. خخخخخخخخ

رمعتك في محلها بالفعل المزيونة هي اللوحة الاعلانية

====================

مرحبا يا غزاي .. وشاكرلك مرورك الكريم على اللغز

وبو عرب ما قصر .. ضيع بلنتيين وجاب الفاول

====================

في النهاية اشكر كل من شارك بهاللغز .. تحياتي