سر يا قلم مالي على الصبر طاقة
صبري تعدا الحد ماعاد ينطاق

اكتب لمثلي قصته واشتياقه
في خطك الواضح على بيض الاوراق

قصة حزينٍ صافي المر ذاقه
اليا ذكر ما صارله خاطره ضاق

ضاقوبه الاصحاب والوقت باقه
صار الضحية بين باير وبواق

يمشي وهو ما حس في كسر ساقه
امسى على ساقين واصبح على ساق

هذي سوات الوقت شين اصطفاقه
الوقت لو يصفالك ايام دراق

وان شان قطع عنك كل العلاقه
وان زان خلالك مع الناس عشاق

ومن شان عنه الوقت وقلو رفاقه
راحت حياته كلها هم واذلاق

والله خلق خلقٍ تحب اللباقه
كما خلق خلقٍ ماعندها اخلاق

احدن يعيش بخير واحدن بفاقه
واحدن يعوق ايام وايام ينعاق

واحدن معه حكمه وصبر ورواقه
سبحان منهو للمخاليق خلاق

وان كان عندك صبر ووثاقه
ابنصحك كانك للامثال تشتاق

من رغب في فرقاك ارغب فراقه
جاز الذي يجزيك فراق بفراق

وتعلم التعشيق قبل السواقه
ولاتحسبنك بالدركسون سواق

رزقك يجيك من دون تحضر بطاقه
وعند الله المعبود تقسيم الارزاق

يقوله اللي جاير الوقت عاقه
ولا زال في غيبوبة الهم مافاق

من انعزاقه باديٍ بانعزاقه
واللي يوده صار شوفه بالاشفاق

ولاقال هذا القول قصده فصاقه
ما قال هذا غير من نار الاشواق

للشاعر/ بندر بن سرور

صح لسانك ولسان الشاعر

مشكوووووور على القصيده

تقبل مروري

صح السان الشاعر وبارك الله فيك على النقل الجميل الاكثر من رائع


بندر بن سرور

من شعراء الجزيره الاوائل

بارك اللة فيك على النقل الجميل

وتقبل مروري..

بسم الله الرحمن الرحيم

الله يعطيك العافيه اخوى : ماجد العوفي

ودائما مميز في اختيارك الموفق

نتمنى لك التوفيق

ومشكور على هذه القصيده

تقبل تحياتي

اخوك

احمد العوفي

سعود.. صح بدنك .. وحياك الله وبياك :)

==================

ابو حرب.. صح بدنك والله يبارك فيك..

مثل ماقال عنه السديري.. انه ابياته ابكار.. كلها فكر جديدة

وكما قال بندرعن نفسه:

انا اليا مني نويت افتل البيت ** فتلت والشعار ما ينقضونه

=================

عريفان.. حياك الله يالغالي.. ومشكور على مرورك الكريم.. اللي اعتز فيه :)

مرحبا يابو ناصر..

والله يعافيك ويخليك

وشكرا على مرورك الكريم وتعليقك الطيب

خالص التحية