الفرم أخو حسناء نطيح الطوابيـر
. لاجاء الكلام اللي يحف الخشومي
شيخ السلف ومجحفلات المظاهير .
. كريم ضيف وللسرايـا دحومـي
يرم العشاء لمهرقل السبع والطيـر
ما ناش طاح ولا لـك الله يقومـي
وأقفى على فعله عسى فاله الخير .
وعقب إشيوخٍ ينطحـون اللزومـي
إفروم للحاجه إسيـوفٍ بواتيـر .
وكلٍ على حقـه عـزومٍ جزومـي
وعليك بمحمد زبـون المخاسيـر .
إليا أوجست من مر الليال السمومي
إن جيت يمه وأنت بالحيل تقصير .
يرفعك كـان الله رفعـك وتقومـي
محمد سمي المصطفى شوفته خير .
ليا كملت كـل الحكـا والعلومـي
ضرغام نطاح الوجيـه المسافيـر
. ريف الضعيف اللي يطيح ويقومي

صح الله لسان شاعرهـآ صالح

ويسسستاهل الشيخ محمد الفرم هذا المدح والاطرا ولو نتكلم ماراح نوفيه حقه

لاهنت يالمزيني على النقل الطيب

ونقولك حياك الله بمنتدا ربعك واهلاً وسهلاً بك

بيض الله وجهك ويستاهل المدح والعلم الغانم