قـصــيــدة لجــمــيــع قــبــائــل حرب ..!! ويمدح بعض القبائل
هذه قصيدة لصياف الحربي ( رحمة الله علية)
يقول الشاعر :

يالله ياخالق اراضين وابحار **** الواحد المعبود رازق عبيده

الخـالـق الغـفـار عــلام الاســرار **** وفــرق شـعـوب الارض فــي كــل يـــده

وابــدي واسـولـف مــن عذيـبـات الاشـعـار **** ابـيـات شـعـر والمعـانـي وكـيـده

اشـري وابيـع واعـرف كـيـف بخـتـار **** واخـتـار مــن جــزل البـيـوت الفـريـده

وذ كـرتـراث وعــز وامـجـاد وافـخـار **** قـبـائـل تـومــن بـديــن وعـقـيـده

وصلـت حضارتـنـا عـلـى سـطـح الاقـمـار **** ابـنـا الجـزيـر والجـزيـره مجـيـده

وحنـا حمـاة الــدار مــن كــل غــدار **** ومــا همـنـا بطـشـه وخبـثـه وكـيـده

قبـائـل مالحقنـاهـم اوعـــار **** وعـشـنـا بـهــذي الـــدار عـيـشـه رغـيــده

والحـمـد لله نحـمـده ســر واجـهـار **** شـعـب تكـاتـف مــن سـنـيـن مـديــده

واذكــر عتيـبـه يــوم للطـيـب مـغـوار **** لا ثــارت الهيـجـا وقــرب ضـديــده

وشمـر هـل الطـولات والجـود مـقـدار **** اهــل الـكـرم واهــل الفـعـول الحمـيـده

وقـوم اعنـزه مـرويـن الاخـصـام الامــرار **** اولاد وايــل مــن عـصـور عهـيـده

ومطيـر قـوم تـكـرم الضـيـف لا زرار **** ويـاويـل خـصـم فــي حـراهـم وعـيـده

واذكــر قبيـلـة حــرب يانـعـم الاخـيـار **** وتاريخـهـم يحـكـي سـطـور مجـيـده

وسبيـع نعـم القـوم ووجيـه الاسـفـار **** **ــن الدخـيـل لـيـا **ــن مــن طـريـده

واذكــر قبيـلـة يــام والطـيـب يـنـدار **** اهــل الـعـلـوم الـوافـيـه والـرشـيـده

ثــم الـدواسـر تجـعـل الخـصـم منـهـار **** عـيـال زايــد عــز منـهـم سنـيـده

ثـم السهـول اللـي لهـا الطيـب مــدرار **** وعــن منـهـج الـعـادات مـاهـي محـيـده

ثــم اذكــر العجـمـان حمـايـة الـجـار **** والمرجـلـه والـجــاه فـيـهـم عـتـيـده

واذكــر بـنـي مــره طويلـيـن الاعـمـار **** مــا ينـقـد الـمـري ولا لــه نقـيـده

ثــم الهـواجـر لابــة تـقـدح الـنـار **** اهــل الـركـاب الـلـي خطـاهـا بـعـيـده

واذكـر بنـي خالـد قبيـلـة وامــار **** قــوم لـهـم فــي المـجـد قــول ورصـيـده

وبنـي تميـم الـلـي لـهـا الطـيـب مـصـدار **** بـنـي تمـيـم وكــل فـعـل تجـيـده

ثـم الزعـوب اللـي بـهـا الخـصـم يحـتـار **** شجـعـان ماتـرضـى ســوا ماتـريـده

العازمـي وافـي وفـي الطيـب بيـطـار **** روحــه عـلـى كــل المصـاعـب صمـيـده

ثـم الظفـيـري فــي المصاعـيـب جـبـار **** والطـيـب والامــداح باصـلـه وطـيـده

ثـم اذكــر الاشــراف بـجـلال واكـبـار **** اهــل الحـجـاز الـلـي تـفـك الزهـيـده

ثـم الهذيلـي لــه مـواقـف ومـنـدار **** راعــي الفـخـر راعــي العـلـوم السـديـده

ثـم البقـوم اللـي لـهـم جـيـش وامـهـار **** ريــف الضـيـوف لـيـا لفـاهـم ولـيـده

واذكـر ثقيـف اللـي لـهـم مـجـد وآثــار **** ومهـمـا حسبـنـا مــن كــلام نعـيـده

وبلـحـارث اهــل الـعـز بشـهـود واقــرار **** ا لحـارثـي ياطـيـب فعـلـه وجـيـده

والمالكـي معـروف لا صـار مـا صـار **** فـي موقـف اهـل الطـيـب يـبـذل جهـيـده

واثـنـي تحيـاتـي عــدد وبــل الامـطـار **** عـلـى سلـيـم وكــل خـصـم تكـيـده

واذكـر جهيـنـه هــل مواقـيـف وادوار **** تلـقـى الجهيـنـي راســم الطـيـب بـيـده

واذكــر بـلـي والمجـدلـه فـعـل واظـهـار **** وتاريخـهـم يحـكـي فـعـول فـريـده

وبـنـي عطـيـه فــي المواجـيـب حـضـار **** قــوم بـوقـت الـجـد قــوم عنـيـده

ثــم الحويـطـي والكـرامـه لــه اشـعـار **** ثــم الـشـراري لــه فـعـول مفـيـده

ثـم الرشيـدي فــي الصعيـبـات صـبـار **** عـلـى عـلـوم الطـيـب فعـلـه يـزيـده

وباقـي جـنـوب الــدار والـقـاف مــادار **** بـاقـي عـلـى قلـبـي كــلام واشـيـده

زهـران نعـم القـوم فـي وقـت الاضـرار **** والخـصـم عيـنـه مــن لقـاهـا سهـيـده

والغامـدي معـروف لــه عــزم واصــرار **** راعــي المـراجـل والعـلـوم المفـيـده

وشـمـران قــوم والجمـايـل لـهـا اطــوار **** وبلـقـرن ســم للـقـلـوب النـكـيـده

والاكلـبـي والمحلـفـي مابـعـد بـــار **** والـحـارثـي طـيـبـه وفـعـلـه يـشـيـده

وبنـي شهـر وبنـي عمـر سـيـف بـتـار **** قــوم عـلـى الاخـصـام نــار وقـيـده

والاسـمـري والاحـمـري صيتـهـم ســار **** بـيـن القبـايـل والـمـواقـف شـهـيـده

واذكـر عسـيـر الـهـول ذربـيـن الاذكــار **** وابـهـا احتمـوهـا فالسنـيـن الشـديـده

وادهـم والصيعـر علـى حـد الاقطـار **** يحـمـون حــد الــدار مــن الـلـي يـريـده

وامـشـي مــع السـاحـل مــع جمـلـه افـكـار **** رسمتـهـا والطـيـر زان اتغـريـده

وانــزل عـلـى جـيـزان تـاريـخ واديــار **** ورجــال فيـفـا والقبـايـل عـديــده

وارجـوا العـذر واهـل المواجيـب عــذار **** الــي نسيـتـه مانـذكـر فــي القصـيـده

الواهـبـي عــدد ابيـوتـه بــالادوار **** مــن شـاعــر مـاشــل قـلـبـه حـقـيـده

شهـران ربعـي هـم هـل المـدح والكـار **** واهـل الكـنـد واهــل السـيـوف الجـديـده

يــوم البـلـد مايـامـن الـزنـد لاثــار **** زيزومـنـا ابــن مشـيـط نـعـم الـولـيـده

فالجـهـل شجـعـان وفــي السـلـم تـجـار **** مــن بـطـن بيـشـه للتـهـم لارفـيـده

حبـيـت ابـيـن موقـفـي بـيـن شـعـار **** وارجــوا سموحتـكـم عـلـى ذا النشـيـده

ماحـب انـافـق واتعنـصـر تعنـصـار **** ولا نــي باطـيـع اهــل العـقـول البلـيـده

مـا كـل مـن طـب البحـر قيـل بحـار **** ومـا كـل مـن شـل الفشـق جــاب صـيـده

فالشـعـر بسـتـان بـــه ورد وازهـــار **** والـلــي تـعـداهـا بـيـوتـه فـقـيـده

واقولهـا فـي الشـعـر تـكـرار وامــرار **** ضــرف بــلا عـنـوان يلـغـى بـريـده

وبعـض السوالـف لـه مـواقـف ومحـضـار**** وشـعـر بــلا معـنـى لــزوم نبـيـده

وصلوا على المرسول شفاع الابرار**** محمد الهادي وقدوة عبيده

وسلامتكممممممممم

لا تنسونه من صالح دعائكم لراحل الشار صياف الحربي فإنه بحاجة إلى الدعاء

http://www.twbh.com/cards/54.jpg

وألف نعم بالقبايل كلها والله يرحم الفقيد الشاعر صياف الحربي والله يحسن أليه في مماتة ويرزقه الجنة أن شاء الله

أعجبتني هذة القصيدة كثيرا حيث أنني في صدد جمع أكبر تعريف بالقبائل وقد وضعة في منتدنا هذا الجمع بعنوان

مـــعجـــــم الــجـــزيـــرة الــعــربــيــــــة ( أمراء وألقاب القبايل) ‏

على هذا الرابط

http://www.hrb-kw.net/vb/showthread.php?t=1121

وجزااااااااااك الله خير وبااااااااااارك الله فيك وسلمت أناملك على النقل

اللة يرحم صياف
واللة لا يهينك على النقل الجميل..

وبنتظار جديدك..

السلام عليكم

يعطيك العافيه اخوي البياص على نقل هذي القصيدة..

القصيدة مكونة من واحد وستين بيت.. ومعناها جميل

ولكن انا عندي تساؤل بسيط.. هل القصيدة هذي فعلا للشاعر صياف الحربي ؟!؟!؟

وسبب تساؤلي طال عمرك هو :

اولاً :

الشاعر مدح كل القبايل إما في بيت .. او في شطر (ومن ضمنهم قبيلة حرب)

ما عدا شهران .. مدحهم في ثلاث ابيات .. وقال شهران ربعي

شوف الابيات 52 و 53 و 54

52 شهـران ربعـي هـم هـل المـدح والكـار **** واهـل الكـنـد واهــل السـيـوف الجـديـده

53 يــوم البـلـد مايـامـن الـزنـد لاثــار **** زيزومـنـا ابــن مشـيـط نـعـم الـولـيـده

54 فالجـهـل شجـعـان وفــي السـلـم تـجـار **** مــن بـطـن بيـشـه للتـهـم لارفـيـده

وهذا يثبت ان الشاعر شهراني مو حربي

وثانياً :

يمكنك ان تلاحظ انه بدأ في القبايل وانتهى في قبيلة شهران ..

ولو كان صياف (رحمه الله) لبدأ في القبايل .. وانتهى بقبيلة حرب..

او العكس .. لبدأ بقبيلة حرب .. ومن بعدها القبائل

ولكن قبيلة حرب جاء ذكرها في البيت رقم 14

وترتيب القبائل كان عتيبة وشمر واعنزة ومطير -ثم حرب- ثم باقي القبايل

ثالثاً :

8 قبـائـل مالحقنـاهـم اوعـــار **** وعـشـنـا بـهــذي الـــدار عـيـشـه رغـيــده

12 وقـوم اعنـزه مـرويـن الاخـصـام الامــرار **** اولاد وايــل مــن عـصـور عهـيـده

يمكنك ان تلاحظ اختلال الوزن في الشطر الاول من البيتين .. رقم 8 و 12

انا ماعرف الاوزان ولا علم العروض.. لكن الخلل واضح

وما اعتقد شاعر كبير بحجم صياف الحربي رحمه الله يكتب مثل هذه الابيات

قد يكون هناك اخطاء في نقل القصيدة .. او في تدوينها .. او زيادة عليها .. او محذوف منها

لكن القصيدة ما اعتقد انها للشاعر الكبير صياف الحربي رحمه الله

وفي النهاية اخوي البياص .. ارجو ان يكون صدرك رحب لاستقبال ملاحظات اعضاء المنتدى

تقبل تحياتي و مروري.. اخوك ماجد العوفي

أشكر أخوي ماجد ولكن أن أبتثبت من لامر وأبرد عليك لاحقاً


http://www.mr-adobe.com/tsamem/eslami1.gif