السلام عليكم ورحمة الله وبركاته
هذه المحاورة بمحافظة حفر الباطن وقد أحياها عدد من الشعراء الكبار
وقد واصل ابداعة شاعرنا معتق العياضي(اللة يوفقة) وهذه مع الشاعر فواز العزيزي المطيري


معتق العياضي:

مرحبا في محل الطيبين الكرام
في حلال تشرف من تعنالها
يالعزيزي ترى من طاح حظه ما قام
انتبة زين والدنيا على حالها

فواز العزيزي:

البقا عد ما قالو عليك السلام
أنت يازاير الديرة ونزالها
حظنا معتلي فوق القمر والقمام
والشياطين فال اللة ولا فالها

معتق::

خلها يالمطيري ماشية بالنظام
وان تعدت على الروتين يبقى لها
أنت وينك عن الساحة قبل كم عام
يوم جيت الأصيلة صار يرثالها

فواز:

كل شاعر من الشعار عنده كلام
انتبه والمشاكل لا تحمالها
يالعياضي يادوب انك لبست الحرام
وشيدريك عن مكة ومن جالها

معتق::

كل شاعر من الشعار عندة حزام
من حزامي لشق الكبد وأطحالها
ياعسى اللة يفكك من عيال الحرام
مير الأبواب لا نفتح لك أقفالها

فواز:

كيف تحلف علينا وأنت راعي مقام
أبك الأديان هذي مالك ومالها
ياعسى اللة يفكك من لعين الرسام
يوقد النار ويحطك على جالها

معتق::

لاحلفنا على حاجة يا مال الرحام
نوفي الحلف والعربان وأعمالها
يالمطيري عسى ربي يديم السلام
لكن عمامتك لا تطرح عقالها

فواز:

احلف انك ما تفطر في نهار الصيام
ثم روح لديار سود جبالها
حطلك قصر أبيض بين بيض الخيام
ثم تهنالك الدلة وفنجالها

معتق::

أنت لاصمت تسرق يالوليد الإدام
أمه الغالية ما ربت عيالها
احمد اللة شدادي فوق ذاك السنام
ما علينا من الكلمة ومن قالها

فواز:

يالعياضي ترى هرجتك ماهي تمام
خلها في الضمير ودوّر بدالها
ريشت الصقر ما هي مثل ريش الحمام
من يعرف الطيور يميز أشكالها

معتق::

كلمتي ياصحيبي ما عليها ملام
من يدوّر على حاجات يسعى لها
استرح يالمطيري فوق ريش النعام
لا تقرب من الحملة وتشتالها ..

.. وتقبلوا تحياتي..

باااااااارك الله فيك وجزاااااك الله خير

على هالمحاورة الرائعة وسلمت يدك على عرضها لنا

وصح ألسان اشاعران

يــــامرحبا ياحمد
وشكرا على تواصلك


ولاهنت على المرور,.

بسم الله الرحمن الرحيم

مساك الله بالخبر يالغالي

محاوره طيبيه من الشاعرين ونتمنى

للشاعر : معتق العياضى التوفيك

وبدايه طيبه ونتمنى له التوفيق

تقبل تحياتي

اخوك

احمد العوفي

يامرحبا أخ / أحمد العوفي


وشكرا على المرور,,