قصيدة أبو منصور .. بعد تعرضة لحادث على جيبه في البر لحالة في فيضة المصرعية . بالقرب من وادي العجمان..ظاهر من الشر يا بو منصور..حتى بعد الحادث مبدع ابو منصور .(( على فكرة الخطاء كان على الفيضة ماهو على ضيدان ...))



يقول من وقع علـى تنـدت الجيـب
عصر الخميس بفيضه المصرعيـه
عزي لمن جافـوة روس المعازيـب
واضحت يدينه مـن حزامـه خليـه
ياوجد حالي وجد شالح علـى ذيـب
على طويـق اللـي ركونـه ذريـه
وين انت ياريف الخوي منبع الطيب
يـوم ولـد الـلاش يضهـد خويـه
ياعين لاتبكين تـرى البكـا عيـب
حتى ولـو صكـات بقعـاء قويـه
ويارجـل لوجبارتـك للعراقـيـب
ابدايـه المشـراف حقـك علـيـه
لابد ماتجبر اكسورك وانـاا طيـب
بـاذن الله الرحمـن رب البـريـه
وابدي عصيـر بنايفـات المراقيـب
واجر صوتي عادها الشمـس حيـه
وان كان ماهيضت غيـري فلانيـب
كفوأتلاحـي صـوتـي الراعبـيـه
من طلعتي لين امتلا عارضي شيـب
وأناوراءالهقـوات عينـي شقـيـه
أرقى بلعبي فوق لعب اللاوعيب
ومن المطالع طلعتي عــالمية
اغوص غبات البحر نكـس واجيـب
غنـاه نفـس مـن صباهـا غنيـه
مانيب من يقنـع بهـزل المكاسيـب
ولانيب من يجزي الحسانـي بسيـه
القلب غير الحب مرتـاع اصاحيـب
والنفس غيـر العـز ماهـي دنيـه
والكف غير الجـود تنـدا مواجيـب
والراس غير الشعـر يقـدح حميـه
عاده هل السمراء هل الشيخ وعضيب
لادخنـت يـردون حـوض المنيـه
وان ساقت الدنيا السرايـا مراكيـب
تنطـح سراياهـا سريـه سـريـه
وانا ولد منصور عطب المضاريـب
اللـي كفوفـه فاالشـدايـد نـديـه
لويالـدن مـع الخشـوم الرعابيـب
ماجابـن اللـي جابـت الجابـريـه

صح السان شاعرها
وسلمت يدك على نقلها,,

صح ألسان الشاعر وسلم ذوق الناقل

باااااااااااااااارك الله فيك وبنتظار جديدك

الحمدلله على السلامه وصح لسانك

شكرا على موركم جميعاً

يسلمك الغضيان .. تسلم لي .. ما تفقد غالي