ماجد العوفي
10-10-2007, 03:54 PM
السلام عليكم ورحمة الله وبركاته
عودة جديدة بعد انقطاع.. لظروف خارجة عن الارادة
وبناءا على طلب الاخ احمد العوفي
قال نبي لغز يشيب الراس
والله ماني رادها بخاطرك يابوناصر
اللغز يقول:
الـهـنــوف الــلــي شـبـيـهــه لأمــهـــا
وأمـهـا مـاهـي شبـيـهـه للهنـــوف .؟
مــن هــو الـلـي ياجمـاعـه ظمـهـا ..؟
واحتضنـهـا وكــل خـلـق الله تـشــوف
مـــع ثـــلاث أخـوانـهــا مــــا هـمـهــا
عاريه !! متبرجه !! من دون خوف !!
الله عطاكم اربع ايام
خالص التحية..
ماجد العوفي
10-14-2007, 02:43 PM
شابت الروس ولا ليلحين؟ :)
اليوم هو اليوم الرابع ..
والله عطاكم عشرين سنة :d
والله ما ودي اعطيكم تلميح .. لأن التلميح راح يوضح اللغز وينحل على طول
لكن انا بعطيكم تلميح وامري لله
الهنوف .. والأم .. واللي حضن الهنوف .. واخوانها الثلاث .. انشوفهم عالخريطة
بانتظار الحل..
حمد شريف
10-15-2007, 05:40 PM
أحترت وصدعت راسي من التفكير
يامــــــــــــــــــــــــــــــاجـــــــــــــــ ــــــــــــــــــد
الرمعة الأولى / بطاقة السحب الآلي ( الكي نت)
الرمعة الثانية / مقراضة الأظافر
الرمعة الثالثة / الساعة وعقاربها
وغير ذلك سلامتك وتراااااااك ذبحتني بلغزك هذا وأشغلتني فيه بالعيد
ههههههههههههههههههه
ماجد العوفي
10-15-2007, 07:32 PM
مرحبا يا حمد :)
نور اللغز بمشاركتك
وبالنسبة للثلاث رمعات.. مالك لوا طال عمرك :)
ودي انطر لين اتشيب الروس :d
والله ما ودي احله ههههههههههههههه
لكن تدري اشلون..
الحل
ماراح اعلمكم فيه الحين.. :D
التلميح السابق كان : (الهنوف والام واللي حضن الهنوف واخوانها الثلاث) انشوفهم في الخريطة
تلميح اخر : اللي حضن الهنوف .. هو الماء
ابي الهنوف .. وام الهنوف .. واخوان الهنوف الثلاث
وبانتظار باقي الحل :)
د / عماش القرن
10-15-2007, 11:56 PM
يا ولد الحلال اشهد بالله انك ذبحتنا بهاللغز
لكن انا برمع وعسى بالأمر خير
أنا أقول شبه الجزيرة
ماجد العوفي
10-17-2007, 11:31 PM
حمد شريف..
يعطيك العافيه عالرمعتين
وحدة بالتسعين .. والثانيه آوت
=============
مرحبا يا دكتور..
وسلامتك من اللغز وشر اللغز :)
انا اقول ان رمعتك جت بين الشريان التاجي والوريد (يعني شوفني فاهم بالطب)
============
أيها الربع المطلوب باللغز :
1- الهنوف
2- أم الهنوف
3- اخوان الهنوف الثلاث
4- اللي احتضن الهنوف (وانا علمتكم فيه .. وهو الماء)
بانتظار بقية الحل..
د / عماش القرن
10-18-2007, 12:35 AM
يا ولد أنا بقولها وعساه الحل
1.الهنوف=شبة الجزيرة العربية
2.أم الهنوف=الجزيرة
3.أخوانها=الخليج العربي،وبحر العرب، والبحر الأحمر
4.وعلى قولتك اللي حضنها الماء
وعساه هو الحل
ماجد العوفي
10-18-2007, 12:46 AM
ابشرك يالدكتور
تراك وصلت خير :)
وانا ادري ان هاللغز مـرسـْــتــَــك و مـفــَــنــْــتـك عالاخر
لكن حبينا انشيب الروس اشوي.. :d
يعطيك العافيه يا عماش.. وبانتظار لغزك .. والله يستر
وشكرا للغالي (دينمو المنتدى) : حمد شريف
وشكرا لكل من اكتفى بالمشاهدة :)
و.. سلملم
علي الجميلي
10-18-2007, 01:18 AM
يامرحبا بابو خلف
وصح السانك على اللغز
وصح السان الدكتور على الحل
عزاللة انك صدعت الراس على اللغز
ولا تحرمنا من ألغازك لكن أسهل..
وتقبل تحياتي,,