السلام عليكم


أسعد الله أوقاتكم بكل خير ..


ودنا نستفيد ياسالم ..


استلم ..


سلام ردّه وافيه .. ولابها قصور وهوان = ردّة وفا .. لأهل الوفا .. والخير في مضمونها

ياسالم أقرب جعل عشرك ماتعوّد للثمان ! = ومعك الأمانه .. والأمانه واجب إنــْـك تصونها

وعليكم السلام ورحمة الله وبركاته :

الله الله لي الشرف يا محمد وهذه ابرك الساعات طال عمرك

استلم :


من بعد ماطليت يامحمد ونوّرت المكان //// ارحب مثل ترحيبة ابن مهيد ماهي دونها


عطني علومك دامني جيتك وبعطيلك ضمان ///// ان الامانه ياصحيبي صانها مامونها

الله الله يا شعرائنا

محمد بن عبدالهادي وسالم الدلح

ترانا من المتابعين

عطني علومك دامني جيتك وبعطيلك ضمان ///// ان الامانه ياصحيبي صانها مامونها

الله عليك يابو فيلج

يا جماعة أنا في صف سالم،لا تشيل هم يا بو فليج الصف حامي

تقبلوا تحياتي

ياهلاااااااا ومرحبااااااااااا بالدكتور وجودك بصفي يشرفني عساني ماخلا منك

يـــاسلام ياسلام على شعرائنا
صـــح السانك يامحمد..
وصــح السانك ياسالم..

مـــا عليكم أنا بنظّم الصفوف..




وتقبلوا تحياتي,,,

يامرحبا يابو فليج

والله يبارك بعمرك :)

استلم


دام البقا .. واحسب حسابك .. واربط حزام الأمان = وعسى عباة الخوف ماتضفي عليك ردونها؟


ودّي أشنّ الحرب لكنّى موصّى من فلان ! = وأظنّ عينك ياوسيع العرف تغلي نونها

يامرحبا بالدكتور

أبد صفي وصف أبو فليج واحد :)

وتسعدنا متابعتك ..


:


علي الجميلي

مرحبا يامشرفنا .. ووجودك يسعدنا .. وعساك على القوّه ..

دام البقا .. واحسب حسابك .. واربط حزام الأمان
وعسى عباة الخوف ماتضفي عليك ردونها؟


ودّي أشنّ الحرب لكنّى موصّى من فلان !
وأظنّ عينك ياوسيع العرف تغلي نونها


الله الله

اسمحلي يابو فليج .. بس ابيات بالحجم هذا تحتم علي الانضمام لصف محمد بن عبدالهادي

(مالي خوي)

تابعوا .. وحنا متابعين @@

هههههههههههههههههههههههههههههههههه ماجد على راحتك الله يخليلي الدكتور : )

ومحمد يستاهل من ياقف بصفه

لكن لاتقلب عليه بعد : )

ياسلاااااااااام يا سلاااااااااااااااااااااااااااام ,,, منت بسيط يامحمد

لكن سلم لي على فلان لاواجهته قبلي : )

استلم طال عمرك :

انا احمد الله واشكره لاني ردي ولاجبان(=)وانته تذرّى بالعباة اللي تشابه لونها
وفلان ضحّابك وهو ليّه ضحيه من زمان(=)بتروح مني وانت ربعك خايبات ظنونها

انا احمد الله واشكره لاني ردي ولاجبان /// وانته تذرى بالعباة اللي تشابه لونها


وفلان ضحّابك وهو ليّه ضحيه من زمان///// بتروح مني وانت ربعك خايبات ظنونها

وفلان ضحّابك وهو ليّه ضحيه من زمان///// بتروح مني وانت ربعك خايبات ظنونها

الله الله يا بو فليج

ولايهون محمد

الصراحة محاورة نار

لكن لازلت معك يا بوفليج،وابشر بصف ولعة

تقبلوا تحياتي

ياسلام يالدلح ....

انا معك هالمره.....

على شان ماتقول اني دايم ضدك....

امتعنا يالسلم.....

لاهنت لاهنت يادكتورنا ولاخلا ولا عدم

ابن حباب,,,, الله العالم وش خلاك بصفي هالمره : )

لكن ابشر باللي يرضيك ووجودك بهالمحاوره بالذات يحمسني اكثر : )


لاهنتو جميع

هههههههههههههههههههههههههههههههههه ماجد على راحتك الله يخليلي الدكتور : )

ومحمد يستاهل من ياقف بصفه

لكن لاتقلب عليه بعد : )

اعلن عن قطع علاقتي بالمدعو سالم فليج الدلح :mad:

وان طعتو شوري (يالدكتور ويا بن حباب) اقطعو علاقتكم فيه وتعالوا صف محمد بن عبدالهادي

(واني لكم لمن الناصحين)

مازلت متابع بشدة..

هههههههههههههههههههههههههههه

ياماجد رجاءن لا تربك صفوفي والا بشتكيك عند محمد : )

وجودك ياماجد انت والاخوان يزيد من حلاوة المحاوره لاتباعدون

مع ارق تحيه

ابن حباب يامرحبا

ومنورنا بمتابعتك



:


ماجد العوفي


تواجدك بالصف يدب روح الحماس ويساعد على التصدي للخصم :)


أبد الصف لايبرد وازهل سالم ماعليك


تواجدك أسعدنا


وحياكم الله جميعا ً :)

ههههههههههههههه


خابرينك منت بسيط يابو فليج :)

طيب طيب


استلم


اليا ارتخى شداد المطيّه حاول تمس البطان ! = هذي (نصيحه) يالسنافي لاتجي من دونها ..

وبعض الرجال هروجها دين ٍ على راس اللسان ! = ووقت الفعايل مالقت منهو يسد ديونـها ؟؟

شكلي باقف مع ماجد بصفك يامحمد : )

استلم يا الغالي :

خل النصحيه لك وحاول كيف تكسب بالرهان//// خلك بشونك واترك العالم تمشّي شونها


الواضح انك جيت بحصانك وانا اخذت الحصان/// واليوم ليلى ترسل الشرهه على مجنونها

الله الله :)


والسموحه على التأخير الإجباري يابو فليج

استلم لاعدمناك



انا نصحتك ناوي ٍ لك خير ! واللي كان ؟ كان = وأظنّ كبدك مابعد بِـرْيت قديم طعونها !


اليوم ياسالم حضرنا لأجل نعطيك إمتحان = يالشجره اللي كل ماطالت نقص غصونها ..!

ولايهمك يامحمد سهالات : )


استلم :

ياللي تطرّي مامضى والجرح الآخر فيك حان /// بثبات ثاني بالبيوت اللي نجر لحونها


حنا ندرّس جيل وآخر درس من بعدك يبان /// ياللي دموعك شفتها تعلن فراق عيونها

الله الله


ابو فليج

صح الله لسانك ولاهنت

يعلم الله ان سعيد جدا بمحاورتك

شاعر ونستفيد منك الكثير

لنا لقاء آخر بإذن الله


وشكر خاص لكل من تواجد


أرق التحايا .. :)

صح بدنك يا محمد ويامرحبا بك بأي وقت

شاعر شهادتي فيك مجروحه والاستفاده لي يا الغالي

اسلم وسلّم : )

الله يعطيكم العافيه الصراحه استمتعنا في هذي المحاوره الجميله
الله يعطيكم العافيه مواهب تستحق الشكر جزاكم الله خير
ونريد نكررها ثاني مره لاتبخلون علينا
الله يعطيكم العافيه يا سالم ويامحمد

الله الله الله




صح السنتكم جميع ..



تسجيل حضور معكم هنا ..




انا موجود في الصف الأول ..





:)