هذه قصيدة رائعة جدا. مليئة بالوصف الخيالي . عجيب في تركيب قوافيه .. جميعكم يعرفه . انه المحيط الهادي كما اطلق عليه الشاعر حمد السعيد..

مناسبة القصيدة هي انه الشاعر محمد بن حمد بن فطيس أجرى عملية جراجيه بالليزك . في مملكة البحرين . عند
الأستشاري .. مؤمن الريفي استشاري عيون


يامؤمن الريفي انا جيتك زبون=جيتك على مدح اكثر الناس وعنيت

جيت وتعالى الله عمّا يشركون=لولاه (يامؤمن) لطبك ما اهتديت

راضي بحكم الله علي مهما يكون=عالج عيوني لو بعد طبك عميت

ودي اخاشر فالبصر من يبصرون=واشوف دربي لا سرحت ولا ضويت

والى قنصت اثبت مع اللي يثبتون=واشوف طيري كل ما اوميت ودعيت

ياااكثر ما يضرب خويي (الطابلون)= من كثر ما اكلّته مطباات وكليت

وودي اشوف اللي علي يعرضون=وبعض الليالي ودي اسري دون ليت

وااشوف ناس ٍ فالقفا ما يرحمون=اما وقفت لصاحبي والا مشيت

من دون نظاره ولا هم يحزنون=يااا كثر ما كسّرت كشمات وشريت

لكنٌ يا دكتور جعلك ما تهون=ابغيك كلمت راس دامك ما بديت

اسمع......ولا ابغي اللي وزانك يسمعون=ربي كتب يكشف لك اسراري وجيت

صورة عديل الروح عندك فالعيون=واخاف تقطعها بموسك ما وعيت

ولا عليك امر..اطوها تحت الجفون=وعقبه لو تقطع عيوني ما شكيت

هي راس مالي والعرب ما يدركون=اني على باب الممات و ما حكيت

ياقو قلبي يوم قفن الضعون=اللي على ذاك الموادع ما بكيت

ويا صبر صبري والعواذل يحسبون=اني دلهت من الهوى والا سليت

اسكت عساهم من سكاتي يسكتون=وانا عن اللي في ضميري ما انتهيت

وادور الفرحه مع اللي يسهرون=وان ذكروني خذت فنجال وسريت

اخذت من وقتك يا دكتور العيون=عالج عيوني لو بعد طبك عميت

واستر علي واللي معك لا يفطنون=انت الوحيد اللي بعد ربي دريت

ولا عــلـيـك أمــر اطـــوهــــآ تــحـت الــجـفــون ***** وعــقـــبــــه لــو تــقـطــع عـيــونـي مـا شـكــيـــت

صــح لــسـانـك ولــسـان ابـن فــطـيــس وعــزالـلــــه انــــه شــاعــــــر

ولا هـــــنــــــــــــــــــــــــــت

مشكوووووووووور ياولد الحنيني على نقل القصيدة

وصح ألسان شاعرها

صورة عديل الروح عندك فالعيون=واخاف تقطعها بموسك ما وعيت

ولا عليك امر..اطوها تحت الجفون=وعقبه لو تقطع عيوني ما شكيت

بارك الله فيك ويستاهل ابن فطيس المليون والصيت الطيب

صح لسااااااااانك

صح السانك والسان بن فطيس..