الحميدي المخلفي
10-29-2007, 11:38 PM
هذه قصيدة الشاعر الكبير لافي حمود الغيداني في مزاين قبيلة عتيبة :
"""
وانا اعتبـر نفسـي هنـا بالنيابـه=عن حرب ربعي ,,,بني سالم ومسـروح
اهل الوفاء من قبل عصر الصحابـه=واهل النقاء اللي دونه الوجه ممسوح
سـلام يالهـيـلا قبيـلـة عتـابـه=سلام(ن) اسوقه من الـروح لـروح
نفحة شذى ريضان نبـت السحابـه=معه وعليكم تنبعـث منـه وتفـوح
مـن بيننـا مابـا المعـزه غرابـه=لها وسط قلوبنـا ابـراج وصـروح
للوصل بجسـور التواصـل صلابـه=حقايق(ن) ماهـي بقاويـل ومـزوح
ياللي على صـدره نقشتـوا كتابـه=صدر الكتاب اللي للامجـاد مفتـوح
علـى جبينـه ياجـده مـن قرابـه=تاريخ سيرتكـم مـدون ومشـروح
صافح جبين الشمس عـز ومهابـه=احد(ن) عنه راضي واحد منه مجروح
لولا بيـاض افعولكـم مـن رقابـه=على سفوح(ن) دونها سفوح وسفوح
لطامـت العايـل الياجـاب مـابـه=وذباحة الحايل لـو الـزاد مشحـوح
فيكـم علـى تكفـى غلاثـة اذيابـه=وعلى نعم فيكم ضرم راس مشفـوح
تاريخكـم بالطيـب كـل(ن) درابـه=وعلى ماقيل العلم مقفـي ومنطـوح
الطيـب ياعتيبـه لبستـم ثيـابـه=قول وفعل والكلمـه اللـي لهـا روح
واللي رجاء عفـوه يسابـق عذابـه=حفاظ بيض وسود الاعمـال باللـوح
لو ماني محاسب علـى كـل جابـه=انـي لاقـول بكلمة(ن)حـد ذابـوح
بفعالكـم مـع غيرهـا ماتشـابـه=لكن بظلم النـاس مانـي بمسمـوح
ايه احتـرم حـق القبايـل واهابـه=والظلم عنه العبد منهـي ومنصـوح
ماتنهـب حقـوق القبايـل نهـابـه=حتى اني انسفها على ضهري واروح
لكم اخشرى بالطيب مـن كـل لابـه=الطيـب حق(ن)للاجاويـد ممـنـوح
مثل المجم اللـي عـذي(ن) شرابـه=وكل(ن) بدلوه يـارد الجـم ويمـوح
مايغـط نورالحـق ويصـك بـابـه=الا ضعيف العرف وقصيـر الشـوح
عسى السحاب اليـا تراكـم ضبابـه=وبروقـه تفـرق مثانيـه وتـلـوح
على وطن صقـر العروبـه عقابـه=همالها يروي عطش كـل صحصـوح
غيث(ن) مايذكر للضرر فيه اصابـه=صحه على ماقالو النـاس وصحـوح
ليـن يتشابـك نبتهـا تقـل غابـه=وروس الزبيدي كنه المرو بالصـوح
حاولت تجنيـب الخطـاء ورتكابـه=ون حصل مطلوبي عفو كل طحطـوح
قصيدتـي تختـال كبـر وصبـابـه=على معانقهـا سمـع كـل ممـدوح
وختـام شاعرهـا مثـل مابـدابـه=الا اني بكلمـة شـرف ودي ابـوح
تدرون من اولا البعض مـن شبابـه=برقاء وروق وبني سالـم ومسـروح
"""
وانا اعتبـر نفسـي هنـا بالنيابـه=عن حرب ربعي ,,,بني سالم ومسـروح
اهل الوفاء من قبل عصر الصحابـه=واهل النقاء اللي دونه الوجه ممسوح
سـلام يالهـيـلا قبيـلـة عتـابـه=سلام(ن) اسوقه من الـروح لـروح
نفحة شذى ريضان نبـت السحابـه=معه وعليكم تنبعـث منـه وتفـوح
مـن بيننـا مابـا المعـزه غرابـه=لها وسط قلوبنـا ابـراج وصـروح
للوصل بجسـور التواصـل صلابـه=حقايق(ن) ماهـي بقاويـل ومـزوح
ياللي على صـدره نقشتـوا كتابـه=صدر الكتاب اللي للامجـاد مفتـوح
علـى جبينـه ياجـده مـن قرابـه=تاريخ سيرتكـم مـدون ومشـروح
صافح جبين الشمس عـز ومهابـه=احد(ن) عنه راضي واحد منه مجروح
لولا بيـاض افعولكـم مـن رقابـه=على سفوح(ن) دونها سفوح وسفوح
لطامـت العايـل الياجـاب مـابـه=وذباحة الحايل لـو الـزاد مشحـوح
فيكـم علـى تكفـى غلاثـة اذيابـه=وعلى نعم فيكم ضرم راس مشفـوح
تاريخكـم بالطيـب كـل(ن) درابـه=وعلى ماقيل العلم مقفـي ومنطـوح
الطيـب ياعتيبـه لبستـم ثيـابـه=قول وفعل والكلمـه اللـي لهـا روح
واللي رجاء عفـوه يسابـق عذابـه=حفاظ بيض وسود الاعمـال باللـوح
لو ماني محاسب علـى كـل جابـه=انـي لاقـول بكلمة(ن)حـد ذابـوح
بفعالكـم مـع غيرهـا ماتشـابـه=لكن بظلم النـاس مانـي بمسمـوح
ايه احتـرم حـق القبايـل واهابـه=والظلم عنه العبد منهـي ومنصـوح
ماتنهـب حقـوق القبايـل نهـابـه=حتى اني انسفها على ضهري واروح
لكم اخشرى بالطيب مـن كـل لابـه=الطيـب حق(ن)للاجاويـد ممـنـوح
مثل المجم اللـي عـذي(ن) شرابـه=وكل(ن) بدلوه يـارد الجـم ويمـوح
مايغـط نورالحـق ويصـك بـابـه=الا ضعيف العرف وقصيـر الشـوح
عسى السحاب اليـا تراكـم ضبابـه=وبروقـه تفـرق مثانيـه وتـلـوح
على وطن صقـر العروبـه عقابـه=همالها يروي عطش كـل صحصـوح
غيث(ن) مايذكر للضرر فيه اصابـه=صحه على ماقالو النـاس وصحـوح
ليـن يتشابـك نبتهـا تقـل غابـه=وروس الزبيدي كنه المرو بالصـوح
حاولت تجنيـب الخطـاء ورتكابـه=ون حصل مطلوبي عفو كل طحطـوح
قصيدتـي تختـال كبـر وصبـابـه=على معانقهـا سمـع كـل ممـدوح
وختـام شاعرهـا مثـل مابـدابـه=الا اني بكلمـة شـرف ودي ابـوح
تدرون من اولا البعض مـن شبابـه=برقاء وروق وبني سالـم ومسـروح