هذةالقصيدة لشاعر الكبير / جوهر غالب الحربي


صدفه لقيت الشعر في قسم الأعصاب "=" يبي يشق الثوب ومحجزينه

وأسمع وراه بغرفته صوت وطلاب "=" أحد(ن) يبي يحماه وأحد(ن) يدينه

وسئلت عنه أهل العنايه والأطباب "=" وش صاب حال العود يا معالجينه

قالوا مريض ودخّل أشهار منصاب "=" والظاهر انه مقفيات(ن)سنينه

قلت أبا زوره عجلوا فكوا الباب "=" قالوا مريض ويزعجك في ونينه

قلت أن هجرته عمد يلحقني أعتاب "=" تكفون لا تقفون بيني وبينه

قالوا تفضل دون تقييد وحساب "=" لو كان حال العود ماهي بزينه

وجيته وهو من ضجة الناس مرتاب "=" وقام وتنهض في وقار وسكينه

عليه من لبس العيادات جلباب "=" وسلك المغذي رابطه في يمينه

وحبيت خشمه وأقبل الدمع سكاب "= " وأبطى يطالعني بعين(ن)حزينه

جسمه نحيف ولحيته كلها تراب "=" وبعض الكوايا واسمات(ن) جبينه

معروف ما بين القرايب والأجناب "=" شكل بدوي معروف مله وطينه

قلت انت وشلونك عسى ما بك أسباب "=" وقام يتلقف عبرته في يدينه

قلت أنت لا تبكي ترى عندك أقراب "=" قرابة المولود من والدينه

ومش الدموع وقال ويش أنت يا شاب "=" فلان وبن فلان وفلان وينه

ناس(ن) ثنوا من دون حقي ولاغاب "=" يوم إنهم حيين متوارثينه

متوارثين الصيت والصيت ما خاب "=" ياطيب صيتي عندهم حافظينه

حامينني من كل جاهل وغصاب "=" من مد كفه للعبث خاصمينه

واليوم شوّه سمعتي كل مغتاب "=" يلعب على الحبلين محد(ن) يهينه

إلاّ قليل(ن) من كثير العرب طاب "=" تالي رجايه عقب ذقت الغبينه

لعلهم يبنون بيتي بلا طناب "=" في وجه صلفات الليال المتينه

وحقي عليهم ذبح تسعين كذب "=" ومن فوق هذا شرهتي بالثمينه

وإن ما فعلوا هذا فـ أنا مالي أصحاب "=" بكره تبي تصبح عضامي دفينه

بلغ لي الشعار في كل الأشعاب "=" تراك في حكم الوصيه رهينه

وأنته تنوب وكل شاعر ليا ناب" =" يصبح كما الربان فوق السفينه

إما طلع و ألاّ هفى هفية غراب "=" والشعر ماهو شي لولا سمينه

بلغ شواعير النبط تصدر كتاب "=" عن عالم(ن) شعر النبط ظالمينه

قلت الوصيه واصله مابها أطلاب "=" أبداً تطمن والمراسل أمينه

وقام وتلحف وأنسدح وأغلق الباب "=" وبعد المرض عادت عليه السكينه

صح لساااااااااااااان الشاعر جوهر الحربي ولاهنت يا اخوي حمد على النقل

القصيده هذه بالذات جاراها اكثر من شاعر لروعة موضوعها وفكرتها الواقعيه التي استطاع الشاعر جوهر توصيلها

بطريقه ولا اروع بقصيدته


لاهنت ياحمد

أشكر مرورك وتعقيبك

نعم القصيدة مطلوبه عند كل الشعراء من حيث جوهر موضوعها وقد وصف الشاعر جوهر

بأن الشعر رجل طاعن بالسن ودخل مستشفى الأعصاب وذلك لأختلاف انواع الشعر والكلمات واللهجة والمعنى والأدء

والالقئ

وجوهر أنا أسمية جوهر الشعر وله قصائد كثيرة سوف أنقلها فيما بعد

كل الشكر والعرفان لك اخوي حمد.. ولله انك ما قصرت .. على طرح القصيدة .. لانها لشاعر كبير ومبدع وصور فيها حال الشعر بأنه شيخ كبير . وتصوير اكثر من رائع جدا اقولك بالعامية (( حبيبي على شغلك)) لاهنت

يعطيك الف عافيه

وتسلم وما اتقصر

هذة القصيدة جزله جدا وصح لسااان القايل وسلمت يدا الناقل

وياليت أتثبت حيث أنها من أروع قصائد الشاعر جوهر غالب العلوي الحربي وقد حركة شعراء الساخة الشعبية

وتم الردود عليها ونتمنى من الأخ حمد الشريف أن يحضر بعض الردود عليها

قصيده وله اروع



بارك الله فيك

ولا هنت

مشكور على الموضوع

صح السان الشاعر الكبير جوهر الحربي
ولاهنت على النقل..

ورد عليه شاعرنا شعيل بن ثقل آل بلعان الهاجري وقاله انه زار الشايب عقب جوهر ولقاه في حال آخر

هيض غرامي واشغل الفكر باعجاب .... شاعر من حروب القرى والمدينه
حربي من حروب لهم سجل وكتاب .... اهل المواقف والعلوم السمينه
ساعي بريد الشعر من مرسله جاب .... رسالتن لاهل القلوب الفطينه
رسالتن فيها تعجاب واعجاب .... داخل مثانيها جواهر ثمينه
جوهر تمثل بالمثل والمثل صاب .... عز الله انا كلنا مايدينه
يقول صدفه صادف الشعر وامصاب .... من شلتن صابوه ومشوهينه
ومصاحبه روع وسبب جن وارعاب .... داخل شهار وتذرف الدمع عينه
وسلم عليه وخاطبه باطيب اخطاب .... من مرهف احساس ولطفن ولينه
والعود قام يسال عن ناسن غياب .... والحربي الحاضر من مناصرينه
قال اطلب اللي تطلبه غاب من غاب .... انا من اللي واجبك حافظينه
قال الكهيل احمل وصيه للاحباب .... اللي هواي ومطلبي عارفينه
والعود ظن بجوهر الطيب ما خاب .... وصل وصاة العود والله يعينه
وصية من شايبن عارضه شاب .... رسمة خيالن فوقها راسمينه
بيديه مسباح وله دقن واشناب .... كنهم تحلوا فيه ومصورينه
ودريت عنه ورحت للعود نباب .... بشوف حاله جعل ماهي بشينه
ولا لقيت بغرفته غير الاسلاب .... حتى العقال وغترته حاذفينه
وضنيت بانه مات والموت غصاب .... ولا انهم عن وجهي مغيبينه
ولقيت قدامي دكاتر وكتاب .... نشدتهم واليا انهم فاقدينه
وجابوا ملف العود من وسط دولاب .... واشوف اسم جوهر ضمن زايرينه
وطلعت منهم مونسن ضيق واتعاب .... من خوف موت العود ميته مشينه
وصدفه لقيته مع صعاليك واغراب .... على عجل من غرفته خاطفينه
ومبدلين لبسه بلبس الاجناب .... ومجودين ساقه وكاسرينه
وبدلين غترة العود بالكاب .... قلت السبب قالوا لي مطورينه
قلت التطور كسر ساقه بمشعاب .... ياالشلة اللي بالخطا مبتلينه
احسابكم بعدين ندبكم إداب .... لين الخدين يقوم يشمت خدينه
باصيح لشعار في راس مرقاب .... واعلن بحربن ضدكم محتسينه
ولا غدا حقن وللحق طلاب .... الحق ما يغدي على طالبينه
ياللي تجمعتوا جماعات واحزاب .... واتعجنون الشعر مثل العجينه
الزيف يذهبه من الريح هباب .... يذهب ويبقى الصح لمصححينه
هذا بعد وصلت شبابن وشياب .... وصية الشايب بلهفة حنينه
ينخابها قومن يفكون الانشاب .... يبنون له بيتن حصونه حصينه
قلته وانا شاعر وناقد ولي جاب .... مالوم جوهر يوم بيح كنينه

ياجوهر الحربي لكم عندنا خطاب
شرح مفصل بالخبر ناقلينه
انقل لكم من واقع الفحص باسهاب
عن حاله اللي عاودته السكينة
يسلم عليك العود وابشرك طاب
وبخير يومٍ جيتكم خابرينه
جيت وخبرته محتشم لابس ثياب
وحاله عقب حالٍ مضى له بدينه
وجهه نشيط ولحيته كلها اخضاب
بس امتأثر من حياة المدينة
ابيض على شمط اللحا وعكف الأشناب
في مجلس النوماس متداولينه
على الشبب عودك يقلط بترحاب
وفي لازمه يمشون ومكملينه
يثني على من جاه رجلي وركاب
حتى الذي بالهاتف مكلمينه
واللي وقفوا من دون حقه بالأنشاب
حقه عليهم دامهم راغبينه
كل ومقدوره ولوعود مشعاب
والآدمي من دون حلقه يدينه
ان ما افزعوا في ساعة اطلاب واشغاب
بكره لمنه راح ما هم لاقينه
واللي سمع صوته ينادي ولا جاب
يا ويش عذره كانكم عاذرينه
والعود بيته بينٍ فوق مرقاب
كريم سبلا وكلكم عارفينه
كم اطلق مسجن وكم اعتق ارقاب
وكم عيطموس وقف لحاجرينه
وكم امور كايدة حيل واصعاب
قد سلها سل الشعر من عجينه
يا ما قضى حاجات خلان واحباب
ليل الشقى مع همهم ساهرينه
والعود في مقدم هل الخيل حراب
فيه الشجاعة والروية قرينه
شعر النبط حزب قوي في الاحزاب
الله على من راد ظلمه يعينه
شعر النبط وقفوا له الناس باعجاب
اللي على ما قيل متذوقينه
يوصل المعنى وباسلوب جذاب
والشعر مصدر قوته ناظمينه
وهبة لابن آدم من ايدين وهاب
المعطي الله والبشر حاسدينه
ومن قال كل الناس مخطي ولا صاب
وانا قصدت اهل النفوس الطمينه
------------------------
الشاعر عبد العالي المولد من المنطقة الشرقية

صح لسانك

ومشكور على القصيده

تقبل مروري

كل الشكر لمرولكم وتشجيعكم

وبارك الله فيكم