عزوز ياعزوز.....! [الأرشيف] - منتديات قبيلة حرب الرسمي في دولة الكويت

ابن حباب

12-03-2007, 07:32 PM

السلام عليكم ورحمة الله وبركاته الله يمسيكم بالخير يا اخواني

شفت القسم مافيه حركه قلت اخذ شوط مع اخوي عبد العزيز السبيل اذا ماعنده مانع

ونفيد ونستفيد..........

به شاعرٍٍ لامن حكا يرفع البوز=نبا نصفي معه بعض الحسابات
عزوز ياعزوز قرب ياعزوز=يابن سبيل ماش قدمك سلامات

حربي صغيرون

12-05-2007, 10:09 PM

راح نمسك الصف مع ابن حباب لين يقلط عبدالعزيزالسبيل

ورحت فيها يا عزوز ورحت فيها يا عزوز

ابن حباب

12-06-2007, 01:16 AM

يامرحبا حربي صغيرون شاكرين لك على مرورك وبيض الله وجهك

سالم الدّلح

12-06-2007, 04:27 PM

معك يا عبدالعزيز قلبا وقالبا

بانتظارك

عبدالعزيز السبيل

12-08-2007, 12:53 AM

::

حـربـي صـغـيرون... وراكـ مـارحـت للـعـيـال فـي "الـمـلاهـي"

سـالـم الـدلّـح...
أتـشـرف فـي حـضـورك الـممـيّـز عـن غـيره..

إبـن حـبـااب..
سـامـحـناا عـلى الـتـأخـير.. ووصـلـنـاا الـقـطااار

دوك:)

يامرحبا باللي رقى قمة القوز=ياواحدٍ معيه يبيله دعاياااات...!
زيود يازيود ماتلحق الفوز=قدمك رجالٍ صامله للطويلاااات...!

ابن حباب

12-08-2007, 03:54 AM

مرحبا مرحبا ومسهلا مطول الغيبات جاب الغنايم

استلم

من كلمةٍ يالاجودي صرت مهزوز=عليك عكسيه ترى كلمتك جات
ترى الدعايه تندرج منها رموز=ماتشتهر ياكود ويا البنيات

عبدالعزيز السبيل

12-08-2007, 05:46 AM

البقاا

وإبشر بالغنايم

ماقلت لك خذ صورةٍ جنب فيروز=لكن ودك في كلام البشاوات...!
لن كان تعرف وين وشلون ويجوز=بكره ندفك في جميع القناوات...!

.

ابن حباب

12-08-2007, 07:31 PM

كفو كفو يابن العم

استــــــــــــــــــــــــلم

لا ما علي اخلاف وبخير وانوز=واستاذ في حبك المعاني والابيات
يوم ان غيري مع هل الشعر محجوز=واليا مشى يمشي قصار المسافات

عبدالعزيز السبيل

12-08-2007, 11:24 PM

لي يوم ماجتني كنايات ورموز=يالأجودي هل تنتظر منناا هات.؟!
بعطيك شاهي يتبعه فستق ولوز=ولاتناشبناا بطول العبارات..../

ذعار متعب الديري

12-09-2007, 10:34 AM

ياسلام
ياسلام

ابن حباب والشاعر الفذ عبدالعزيز السبيل
محاوره رايقه وشعار عليهم الكلام

وانا معك يابن سبيل قلبا وقالب :) ولايهون اخوي ابن حباب

متابع

صالح جزا الحربي

12-10-2007, 12:21 PM

..
...

ااااااااااااااااالله اااااااااااااااااالله

انا ماسك الصف مه ابن حباااااااااب ...

محاوره بمزااااااااااااااج :)

متابع

ابن حباب

12-10-2007, 08:00 PM

مرحبا بالجميع ذعار وبو جزا ومروركم شرف لنا

استلم يامشرفنا الجديد واحين لازم انظبط وياك على شان المنصب
[يابن سبيل جوز يالاجودي جوز=انتم رجالٍ عاكسين المسارات
والعلم بصدور المخاليق مركوز=قامو يذيعونه فبعض الاذاعات

عبدالعزيز السبيل

12-10-2007, 11:18 PM

::

الشـاعـر.../ ذعـار الـديـري.
أتـشـرف بـوجـودك مـعـي يالأمـير.
الشـاعـر.../ صـالـح جـزا.
مـرحـباا مـلـياار مـنور.

إبـن حبـاب دوك:)

حناا رجالٍ نفعل الطيب ونحوز=يازيد مختلفه معك الإتجاهات
بعض البشر نضغط على حكيه close=ياحيف حقتنا وحقتك هيهات
::

ابن حباب

12-11-2007, 08:52 PM

خلوووووووووووووووووووووها

ابنصحك ياقرد رح دور الموز=وخل الشعر واهل الشعر والكتابات
يوم انها طافتك ابجلدك بالهوز=حتى تدقق بالبيوت الخفيات

زيد الحباب

12-12-2007, 02:56 AM

توضييييح

حبيت أوضح لأخوي الشاعر عبدالعزيز أن اللي يلعب معك هو أخي (نادر) وليس زيد00

وأنا ترى ماسك الصف معك 000

عبدالعزيز السبيل

12-12-2007, 09:52 PM

دوك :) :)

خل النصيحه وإدرج بالأفنيوز=وإخذ معك ببسي وحلوى وكتكات
يالأجودي لامن ظرب عندك إفيوز=خل القصايد يارجل والحكايات

زيد الحباب

12-13-2007, 12:12 AM

سوى 000 سوى 000

الليل 000 الليل

ابن حباب

12-13-2007, 01:43 AM

صح لسانك يابن سبيل شاعر ولا فيك حيله اتعبتني وبيض الله وجهك وعز الله اننا استفدنا ولنا لقاءات اخرى ان شاء الله

اشكر كل من مر علينا والاخوان اللي مسكو الصفوف ولاهنتم

طلال مفرح العوفي

12-13-2007, 02:21 AM

بيض الله وجيهكم

استمتعنا معكم في هذي المحاوره الجميله

ونشكركم جزيل الشكر

ونطمع في المزيد من المحاورات الرائعه

عبدالعزيز السبيل

12-13-2007, 12:44 PM

ابن حبااب

لناا الفايده في كل حال يالأمير..
وصح بدنك.. والله يجمعناا على خير..

لــ.جميع العابرين من هناا .. ألف شكر لكم وعلى متابعتكم

::

حمد شريف

03-03-2008, 01:15 AM

صح ألسانكم ويعطيكم العافية

ومن غلاكم نبي نشجعكم وحنا متفرجين