هذه محاورة جرت بين الشاعرين/ حبيب العازمي و / محمد الربيقي







محمد الربيقي
هلا يامرحبا ترحيبـةٍ مضمونهـا التقديـر=بكل الحاضرين بحفل من جينا على شانـه
حبيب جابه الله فالقصيم و قلت فرصة خير=نبأ بعض العلوم إذا وقف يجعلهـا خانـه













حبيب العازمي
يدوم إلك البقاء حصل اللقاءو اللي يصير يصير=لكنـك شـب ضـوك لايقـوم يزيـد دخانـه
اروح لكل ديره و أتحدث و أحسـن التعبيـر=و أنا مانـي براعـي كلمـةٍ ماهـي بمليانـه














محمد الربيقي
حبيب ياحبيب وش حصل فالماقـف الاخيـر=يقولون الكتاب محرفٍ فـي نـص عنوانـه
و انا لاقمت ما افكر بوزن الصفر و القصدير=أفكر فالبحـر و أجيـب لولـوه و مرجانـه














حبيب العازمي
ترى كل الكتب فيها تلاحظ نسبـة التزويـر=لكنـي ماقريـت إلا كتـاب الله سبحـانـه
من أول يجلب التاجر من المرجان حمل بعير=لكن اليوم دوب أن البعيـر يجيـك ببطانـه














محمد الربيقي
أظن المشكلة يالعازمي بالبث و التصويـر=ولو مافيه دعوى ماتعـذر ريـس الدانـه
ترى اللي راح راح ولاتعده . لو تعده غير=عليك أنك تراعي في وطنك و حال سكانه













حبيب العازمي
نعم هذا السنة حتى العلف يخلط ذره و شعير=على قول المثل هوشة حضر كلاً في دكانـه
و ألا ياطير لو يكثر عليك الريش و أنته طير=تخاف من العقاب و من مخاليبه و جنحانـه














محمد الربيقي
ترى مالك ياكود أتردها فـي مكتـب التاجيـر=و قل بكره تجي من فضل رب البيت و احسانه
حبيـب ياحبيـب عقـب ماشفنـاك بالتطويـر=ترى بعض الكلام يجوز ذكـره مثـل نسيانـه





منقوول...

نقول ممتاز وخصوصاً ان للمحاوره بحضور حبيب مع اي شاعر حربي لها نكهه خاصه
تقبل تحياتي

يامرحبا يا سالم

ولاهنت على المرور..,

تسلم ياعلي على النقل وصراحه محاوره أكثر من رائعه وصح لسان حبيّب ولايهون شاعرنا محمد الربيقي صراحه مبدع

ولكن شنو الموضوع اللي يقصده محمد وحبيب يحاول يقلل من شأن هـ الموضوع . . ؟

تسلم ياعلي على النقل وصراحه محاوره أكثر من رائعه وصح لسان حبيّب ولايهون شاعرنا محمد الربيقي صراحه مبدع

ولكن شنو الموضوع اللي يقصده محمد وحبيب يحاول يقلل من شأن هـ الموضوع . . ؟



الـــلــــة يسلمك



وشــــــــــــــــكرا على المرور,,