بسم الله الرحمن الرحيم

اخوانى وزوار منتدى قبيلة (( حرب))

اهلا وسهلا بكم

واليكم هذه قصيدة يا عزوتي يا بدر للشاعر

عبد الله بن زويبن المعمري

http://www.dewan.harb-tribe.com/image.php?type=photo&id=24




ياعزوتي يابدر مااقرب حضايبـك=على الخطا والصبح حبك نقـازي


نوب تنسينا الشقا فـي عجايبـك=ونـوب تولعهـا بليفـة وقـازي


ادناة مايرضيك وأدناة مااغضبـك=تلقط الغلطلـت لقـط الجهـازي


ماهي عداوة يوم اطالبك واضربك=أنته حفيد جدودنا ماانـت نـازي


لاشك انا يابدر ابنصحـك وادبـك=واعطيك عن كل المعاني أجـازي


تلقى فوايدها ليـا خـط شاربـك=بها على كل الوصايـا أمتيـازي


خلك شمالي عنـد زلـة قرايبـك=وعلى الحقوق الليا نصنك حجازي


لاتذخر المذخور من دون واجبـك=اوف الحقوق اللازمات بنجـازي


للضيف والجيران ليّـن جوانبـك=وبالطيب جاز وبالردى لاتجـازي


احلم على زل رفيقـك وصاحبـك=ادمح خطاهم لاتصيـر انتهـازي


يابـدر والله ماتخونـك مناسبـك=لك منسب طيب وساس عـزازي


أفرح ليا قالوا هاك العود جاذبـك=يصير عندي مفخـرة واعتـزازي

وتقبلوا منى خالص الشكر والاحترام

اخوكم

احمد هليل العوفي

السلام عليكم ورحمة الله وبركاته

مشكور يابو ناصر على القصيده

ولها حكم

خلك شمالي عند زلة قرايبك
وعلى الحقوق الليا نصنك حجازي


لاتذخر المذخور من دون واجبك
اوف الحقوق اللازمات بنجازي


للضيف والجيران ليّن جوانبك
وبالطيب جاز وبالردى لاتجازي


احلم على زل رفيقك وصاحبك
ادمح خطاهم لاتصير انتهازي


اخوك .... حامد الشعيفاني

بسم الله الرحمن الرحيم

هلا اخوى العزيز / حامد مناحي

وكل عام وانت بخير وشرفتنا بمرورك الكريم

ويعطيك العافيه على التواصل الدائم

تحيات اخوك

احمد هليل العوفي

أحمد العوفي

قـواك الله ولاهنت وصح الله لسان الشاعر العملاق.../ عبدالله بن زيبن المعمري.
شاعر غني عن التعريف.

بسم الله الرحمن الرحيم

هلا مشرفنا العزيز

كل عام وانت بخير وعيدك مبارك

مشكور على التواصل والمرور العطر

بس متعوب على الصوره :) :) ياشاعرنا

تقبل تحيات

اخوك

احمد هليل العوفي