قصيده للشاعر عبدالله غالب الحربي








المرجلة ماتستويلك مع النوم
ماهي لعشاق المخدة صحيبة
اكربلها محزمك لاتصير محروم
اتعبلها درب الدروب الصعيبة
شباب لاتحيا على اوهام وحلوم
ويجرفك تيار الطبوع الغريبة
لك منهج واضح ولك طيب اسلوم
يابن وطن تستنشق الناس طيبة
بظلال حكامه معزز ومحشوم
وقدامك دروب المرازق رحيبة
لاتعشق المرقد على حال معدوم
اتعب ترى طرق المراجل تعيبة
السعودة مافاختتنا ولايوم
اسمع امناديها بسمعك واجيبة
لاتصير متردد ولابارد اعزوم
اعزم كما اعزوم الرجال اللبيبة
فعل السبب واجب على الناس محتوم
من يترك الواجب يشوف الغليبة
الناس مايطلعبها غير شغموم
يحوش من روس المراجل نصيبة
يكسب من اذراعه مع الناس زيزوم
مانصاع لافكار الضعوف اتغديبة
افكار من عاشوا مع العجز بهموم
قوم التمني والآمال القريبة

منقول

بارك الله فيك

وصح ألسان شاعرها

وسلمت يد ناقلها

صح لساان الشاعر

ولاهان الناقل

ونعم

صح لساان الشاعر ولاهنت على هذه القصيده

لا هنت يا غالي

صح اللسانك الشاااعر..

صح الساااان الشاعر