لقد نشرت هذه القصيدة قبل يومين هنا وتم الرد عليها من قبل الاخوه باكثر من اربع مشاركات ولكن لااعلم من قام بحذفها؟؟


وانا انشرها هنا مرة اخرى واتمنى ان نعرف السبب اذا كانت غير صالحة للنشر والقصيدو كتبتها بعد الاتصال الهاتفي اللذي تم بيني وبين الاخ حمد غازي المعباسي وقد طلب مني المشاركة مع شعراءحرب ولكم القصيدة

دعاني حمد غازي بالمشاركه ولاغيب = واحضر قصيدة بالمهمة وارتبها
وانا لادعوني الطيبين من العرب مانيب = أخالف لدعواهم ألبي ووأوجبها
سوا كان ابن عمي او ان كانوا اجانيب= من الواجب ان اهل الوفا مانجنبها
وانا لاحضرت بواجبي مالحقني عيب= اعد القصيده وادهش الروس واطربها
أجيب القوافي وأتخيّر بعد وأجيب= بشعر النبط من اجمل الحون واعذبها
بحفلة قبيلة حرب ماعاد به تجنيب= انا كيف اجنب اطيب الناس واقربها
هلا مرحبا وأهلين يامرحبا ترحيب= على قو مد الصوت حنا نرحبها
على العز والنوماس والمرجله والطيب= تلاقت قبيلة حرب ماغاب غايبها
تحت ضو زينه وبالمباخر يساق الطيب= على وجيه سفرين المخاليق وأطيبها
وتساق الدلال الصفر هيل يا شرييب= من البن الاشقر مد يمناك واشربها
وكبار المفطح نصبت بالصحن تنصيب= من خيار غالي السوق ترخص لواجبها
على حساب ربعي حرب يفضى رصيد الجيب= كرمها علمها في ولدها وشايبها
ماهو قصور في حق القبايل ولاتعييب= عن الشين تكرم في لحاها وشواربها
لكن حرب حرابة دول غصب ماهو طيب= لولا فعلها وفرسانها من ينصبها
ولاني بقايل من ذبحنا بسهل وشعيب= مانبغا الفتن مادونا الناس نغضبها
وزمان مضى مابه قنوات فيدو كليب= ولا به صحافي بالمجلة يلقبها
هذاك الزمان اللي يخلي الشباب يشيب= يومن القبايل ماتومن جوانبها
رست حرب بالافعال من دون شك وريب= رست بالسيوف الحدب والدم خضبها
تدوس الخطر حرب الحرايب لوانه صعيب= يلين البيارق في علا المجد تنصبها
حرار تعشت من لقاها عرب واعريب= حرار قرانسين حدادٍ مخالبها
على اللازمه والطيب ترمي الهدف وتصيب= على السلم ولا كان شبت حرايبها
لنا الشاهد الله والقبايل عن التكذيب= وشهد متحف اسطنبول والكتب تكتبها
وحل الزمان اللي به حكومه وترتيب= ولازال حرب تفوز بأعلى مناصبها
اهل دين واهل علم والحربي دايم ذيب= يسد بلزومه واكثر الناس يكسبها
وتحت ضل اخو مريم صباح الوفا والطيب= امير الكويت اللي يحقق مطالبها
صباحييٍ مجرب مايحتاج له تجريب= قيادي مخضرم يعجب الناس يعجبها
نعاهده ونواعده بمواصل التدريب = وخدمة بلدنا نعتلي في مراتبها
ونفدا بدمانا دونها عن هل التخريب=نعادي العدا ونصاحب الي يصاحبها
وصلاة من الله عالم ماخفا بالغيب =على محمد الهادي ماهلت سحايبها

صــــــح الــــسانـــــــــك

وبيض اللــة وجهك

على القصيدة الرائعة


وتـــقبل تحياتي,,

الاخ الكريم علي الجميلي صح بدنك واشكرك على التواصل والاشاده
وحرب تستاهل اكثر من ذلك الله يقدرنا على اللي يجملكم ويرضيكم يابني عمي
وتقبل تحياتي

تستاهل الطيب لانك من هل الطيب قصيدة رائعه جدا. والله لايهينك وتقبل مروري ومبدع

الاخ ولد الحنيني ماعليك زود ووجودك انت وامثالك من الرجال الطيبه شرف ان قروا قصيدتي واعجبتهم ولاهنتوا ياحرب ياعصابة راسي

..
...




اخي العزيز سالم


صح لسانك وسلم بنانك على هذه القصيده وروحك الموجوده فيها .. ونحن نفتخر بكل شاعر يخط بيت في القبيله .. ولكن لمجرد حفظ حقوقك كشاعر وصاحب لهذا النص ليتك كتبت اسمك لكي نعرف شاعرها




اما من ناحية حذف القصيده فهذا يومي الأول في الإشراف :)




تقبل مروري

صــــــح اللسانك يا الغالــــي ..

الاخ الكريم صالح الحربي
يشرفني اشادتك بالنص يابو جزا والف مبروك على الاشراف ولو انه مازادك بشيء بل انت من زاده وجعل له بريق وبخصوص اسمي انشالله بنتواجه وبتعرفني اكثر انا سالم ابن مناع الوهبي الحربي ولو ان لي نضرة سلبية بخصوص ان انا اقول وهبي وذاك يقول وسيدي وذاك يقول علوي فكلنا معروفين من اول مااقول ابن فلان ولنجعل تعريفنا الحربي وكفا خصوصاًاناا بالكويت لسنا بعدد كبير وتقبل تحياتي

الاخ مبارك صح بدنك ولاهنت يابن عمي

صح اللسانك وبيض الله وجهك على القصيده

الاخ جراح صح بدنك ولاهنت

صــــــح الــــسانـــــــــك

وبيض اللــة وجهك

على القصيدة الرائعة


وتـــقبل تحياتي,,

اخوك/ فايز المنقدير

صح لسانك مليون ولا يكفون


ما قصرت ولا هنت ، ان شاء الله نرى القصيدة تصدح في سماء الملتقى

لا هنت يا الغالي على القصيدة الرائــــعــــــــــــــــــــــة

و الله يعطيك العافية

اخوك : فهد الفريدي

السلام عليكم ورحمة الله وبركاته
صح اللسانك ابو عبدالله وبيض الله وجهك

لا هنت يالذيب وصح الله لساانك يالقرم

ونعم فيك يا سالم وصح الله لسانك

تقبل مروري وألف شكر على هالقصيده الرائعه

تحياتي لك ..