هذى قصيده نقلتها لكم

الشاعر / بدر الحويفي


يالله انك ترحم اللي يشتكي لـك حالـه = وادعه سـن الشبـاب وعـاش شايـب
عايش(ن) في مجتمع جيله وتقل لحالـه = الهدف غير الهدف والكيف ماهو طايب
والبشر كل(ن) على طبعه يحب أمثالـه = سنة الدنيا وأهلهـا المعتـدل والعايـب
والنهايه كل شخص(ن) مرتهن بعمالـه = الله أعلم في عباده والخطاء والصايـب
وكل شخص (ن)لآخر الدنيا يشد ارحاله = الحكيم اللـي يفكـر بانتظـار الغايـب
لوتفاخر صاحب الدنيـا بكثـر أموالـه = ماعلى الدنيا قرار ومـا عليهـا ذايـب
ماعلى الدنيا يـزول ولا يـدوم ظلالـه = الحظيظ اللي عن الزلـه لربـه تايـب
كل عبد (ن) لاتوفى له حسيب يسالـه = الجزاءنوع العمل مقبـول ولا خايـب
هايم العقل الضعيف بغفلتـه واهمالـه = والعمل دقه وجله لـه رقيـب ونايـب
كم فقيد(ن) فارق الدنيا وشـوف عيالـه = فارق الدنيا وأهلها واحترامـه سايـب
وين سكان الكيـان وجولتـه وأجيالـه = هادم اللذات مزعهـم شبـاب وشايـب
تضحك الدنيا لأهلها واسمهـا الختالـه = الحلاوه ضدها ذوق المـرار الرايـب
في طريق اللي تغره تنصب المحبالـه = ويسلم اللي من عواقبها مخيف وهايـب
غرت اللي في مكاسبها عرف مدخالـه = متعته مرت وراحت مازهرهـا دايـب
كان مكسبها حـرام احسابهـا غربالـه = السوال اللي يوجـه بانتظـار الجايـب
والسوال احساب عن دق العمل واجلاله = وخاسر اللي باع بالدنيا ثواب(ن) ثايـب

للشاعر الكبير
بدر بن عواد الحويفي الحربي

الشاعر.../ بدر الحويفي.

شاعر المقناص الأول.

لاهنت ياأبو محمد

بسم الله الرحمن الرحيم

ابو محمد الله يطولي فى عمرك ماتقصر والله

دائما تجلب لنا الشى المميز

اتمنى من الله لك التوفيق

اخوك

احمد هليل العوفي

شي مميّز فعلا


لاهنت لاهنت لاهنت

لاهنت تقبل مروري و جهد مشكووور علية

اخوك : فهد الفريدي

لا هنت يا الغااالي..

مشكورين ولكم مني خالص الود