ذعار متعب الديري
02-20-2008, 10:06 PM
السلام عليكم ..
الشعر عندي له وقار وهيبه = فرضِِ علي ليا بغيت اجيبه
اجمع افكاري وثمن قولي= وبدي اسم الله قبل لا ابديبه
والجزل يبقى والجزيل بحله= نوادره ماهي علي اصعيبه
انقى الجزيل من الكلام الواقع= واصوره واتعب على ترتيبه
بعض الخيال يضيع المتخيل= يخطى معه درب السنع ويصيبه
مايدري ان نقص الكلام بزوده= يكثر خطاه ليا كثر ويعيبه
الشعر له قيمه ومعنى سامي = وحشمة عزيز شرهته من طيبه
يستدعي الواجب علي احضوره= وما حضر من عقبها وش ليبه
ياحرب ربعي عزوتي واحزامي= هذا مقامه والمديح اصخيبه
شاعر ومجد لابتي واماري= وافخر بمجدٍ كلنا نماريبه
والمدح يزهاكم ويزهى حروفه= وانا اتنومس فيه واغنيبه
حتى لو انه مالحقلي غايه = شان الرفيع من الرفيع الهيبه
نخوة حميا تستفز هجوسي= صوتي صداه من الولد للشيبه
ودي بكسب اعجابكم وارضاكم= والا مداكم ماحدن ممديبه
من الساحل الشرقي لساحل جده= ونجد العذيه كلها ليا طيبه
صبح على كل المكارم نوره= وليل نجوم المعرفه تسريبه
تاريخنا تضرب به الامثالي= ومبدا ومنهج للعرب تمشيبه
بسلومنا للضيف حق وواجب = اول اقراه ليا اقبل نهليبه
ونجود من جود الكريم وجوده= ويمنى الصخي ماتملكه تصخيبه
غير الادب والطيب والفنجالي= سوالف لا نمه ولاغيبه
يامن بنا الخايف وينسى خوفه = ولا يستحس المستجير بريبه
ولايشتكي قصيرنا من زله = وعلى النقا حق الخوي نوفيبه
وحدونا معروفه ومحميه = بسيوف ضد المعتدي تصطيبه
اليا جهلنا اللي مايعرف عنا = بسلوبنا نقدر على تأديبه
بالطيب والا غصب يلزم حده = اللي نشوف انه دوى نداويبه
نصافح كفوف الكبر تواضع= واليا تكبرنا عليه مصيبه
ولانقبل الميله ولانرضاهااا= في مثل مانجزابه انجازيبه
حنا شموخ المجد حنا ساسه = متوارثين العز ونوصيبه
وسلامتكم..!
الشعر عندي له وقار وهيبه = فرضِِ علي ليا بغيت اجيبه
اجمع افكاري وثمن قولي= وبدي اسم الله قبل لا ابديبه
والجزل يبقى والجزيل بحله= نوادره ماهي علي اصعيبه
انقى الجزيل من الكلام الواقع= واصوره واتعب على ترتيبه
بعض الخيال يضيع المتخيل= يخطى معه درب السنع ويصيبه
مايدري ان نقص الكلام بزوده= يكثر خطاه ليا كثر ويعيبه
الشعر له قيمه ومعنى سامي = وحشمة عزيز شرهته من طيبه
يستدعي الواجب علي احضوره= وما حضر من عقبها وش ليبه
ياحرب ربعي عزوتي واحزامي= هذا مقامه والمديح اصخيبه
شاعر ومجد لابتي واماري= وافخر بمجدٍ كلنا نماريبه
والمدح يزهاكم ويزهى حروفه= وانا اتنومس فيه واغنيبه
حتى لو انه مالحقلي غايه = شان الرفيع من الرفيع الهيبه
نخوة حميا تستفز هجوسي= صوتي صداه من الولد للشيبه
ودي بكسب اعجابكم وارضاكم= والا مداكم ماحدن ممديبه
من الساحل الشرقي لساحل جده= ونجد العذيه كلها ليا طيبه
صبح على كل المكارم نوره= وليل نجوم المعرفه تسريبه
تاريخنا تضرب به الامثالي= ومبدا ومنهج للعرب تمشيبه
بسلومنا للضيف حق وواجب = اول اقراه ليا اقبل نهليبه
ونجود من جود الكريم وجوده= ويمنى الصخي ماتملكه تصخيبه
غير الادب والطيب والفنجالي= سوالف لا نمه ولاغيبه
يامن بنا الخايف وينسى خوفه = ولا يستحس المستجير بريبه
ولايشتكي قصيرنا من زله = وعلى النقا حق الخوي نوفيبه
وحدونا معروفه ومحميه = بسيوف ضد المعتدي تصطيبه
اليا جهلنا اللي مايعرف عنا = بسلوبنا نقدر على تأديبه
بالطيب والا غصب يلزم حده = اللي نشوف انه دوى نداويبه
نصافح كفوف الكبر تواضع= واليا تكبرنا عليه مصيبه
ولانقبل الميله ولانرضاهااا= في مثل مانجزابه انجازيبه
حنا شموخ المجد حنا ساسه = متوارثين العز ونوصيبه
وسلامتكم..!