بالله لا تزعـل عليـه ولا تضيـق=ماأقوى زعلك وضيقتك لو دقايـق
تبغى الدليل ..أقسم برب المخاليـق=إنك لياضقـت الوسيعـه تضايـق
وشلون قلبٍ قد عطـاك المواثيـق=والا انـت حبـك مايبيلـه وثايـق
ترقد بقلبي صبح مدري متى يفيـق=وانا مااغير افتح ضلوعي واوووايق
عليك يااغلـى ساكنيـن المعاليـق=في كل صدرٍ من صدور الخلايـق
مادمت تسكن بالضلـوع المغاليـق=أنا كذا ببقى علـى طـول رايـق
وأوعدك لا امر الشعر والطواريـق= واسوق لك من مزن شعري حقايق
هذا انا والشعـر قسمـه وتوفيـق=لو مانقولـك جعلنـا فـي حرايـق
اغليك واحبك واودك يابـو ريـق=يقطر عسل ويقول يااابـو رقايـق
في ذمتي انه عسـل مابعـد ذيـق=واللي خلق ماقلت غيـر الحقايـق
واغليك واحبـك واودك ولا اطيـق=نـاسٍ تـدور للمحبـه عـوايـق
بالله قل للي يبي فراقنا (طووويـق)=لابارك الله فـي اهـل هالطرايـق
تفريـق الله لا يجيـب اي تفريـق=اصلاً علينا البعـد ماهـو بلايـق
والضيق والله مالله محبب الضيـق=ماابيك تزعل يالحبيب او تضاااايق

لا هنت على الموضوع

ولا انت ....

صح اللسانك الشاعر .. ولا هنت يا الغـــالــــي..

ترقد بقلبي صبح مدري متى يفيق=وانا مااغير افتح ضلوعي واوووايق


مـبـدع

صح لسان الشاعر.../ بـدر الـظـاهـري الـحـربـي.
ممـثـل قـبـيـلة حـرب فـي شـاعـر الـمـلـيون.
ولاهـان راسـك عـلى الـنقـل يالـعـلوي.