انقل لكم محاورة جرت بين الشاعرين

تركي الميزاني والشاعر راشد السحيمي


تركي :
الليل ياشاعر السحمان مافيها
النار شبت ولا يمكن تطفيها
لون مال الرعيه غير راعيها
لو ان مالله خلق نفسن وضيعها

صفكم يامطير قومو وقومو يالحروب = العلوم علوم والنار من شبابها

تركي :
ياراشد الملعبه للقوم ميداني
انا لها واتحدا من تحداني
من شان بعدين تذكرني ماتنساني
لو ان مالله خلق نفسن وضيعها

ودي اتوبك ياصاحبي حتي تتوب = لو عليك هموم والنار من شبابها

راشد:
الليل ياشاعر المطران ياويلك
تراي شايفك بدري لاوين ذيلك
وان كان علمك صحيح اوقف علي حيلك
لو ان مالله خلق نفسن وضيعها
افزعي ياربعنا من شمال ومن جنوب = صاحبي له يوم والنار من شبابها

راشد:
العب مدام العلاقه خاربه بدري
الظاهر انك عن الموضوع ماتدري
لاتحسبن السوالف ضيقت صدري
لو ان مالله خلق نفسن وضيعها
تركي الالفين هبت علي راسه هبوب= لاوقع مايقوم والنار من شبابها

تركي :
انت علي الارض منت بواصل القمه
والله لقربلك دام الناس ملتمه
جزاك يوم انت لا مذهب ولا ذمه
لو ان مالله خلق نفسن وضيعها
يالسحيمي صاحبي لاتضيق بك الدروب = ماش حب خشوم والنار من شبابها

تركي :
اعلومك اعلوم مكشوفه ومستوره
والناس قامت تشوتك شوت الكوره
نفسك علي الشين منهيه وماموره
لو ان مالله خلق نفسن وضيعها
لو حسبنا القوم منت من بينهم محسوب=ارض بالمقسوم والنار من شبابها

راشد:
تراك منته بقدي يابعد عمري
والله لتقف وتجلس وانت تحت امري
مسموح لهل القصيم اطرد القمري
لو ان مالله خلق نفسن وضيعها
انت لا هالحين مافيك عيب من العيوب=طيح ولا قوم والنار من شبابها

راشد:
الليله اعصاب تركي جد محروقه
باخذ من النار عود اطشها فوقه
دقني معي وانت راعي دقن محلوقه
لو ان مالله خلق نفسن وضيعها
لاتجي للطايره مالكم فيها ركوب= عفشكم محذوم والنار من شبابها

تركي :
العلم توه طرالي يابعد روحي
نبا نداويك كان القلب مجروحي
ونقول ياعروقي نوحي فالشجر نوحي
لو ان مالله خلق نفسن وضيعها
لو تطوع يمكننك تخفف بالذنوب = انت فوقك توم والنار من شبابها

تركي:
اهل الاسامي نقابلها بساميها
وانتا لحيتك بالدجه مربيها
واهل الهقاوي تبا تاصل هقاويها
لو ان مالله خلق نفسن وضيعها
انت لو انك تعرف الشروق من الغروب= ماسرقك النوم والنار من شبابها

راشد:
انكان خربت طبوعك لاتخاويني
خاويك تشيليني ولا تخليني
ايجوزاذكيك قدم انك تذكيني
لو ان مالله خلق نفسن وضيعها
انت منته صاحبن لي مطيرين كذوب= اكللك ثوم والنار من شبابها

راشد:
اليا بدا شي لاتندش عن الباقي
بلاه لايلتوي ساقك علي ساقي
العام علمت كل دار علاقي
لو ان مالله خلق نفسن وضيعها
بيض الله وجه من جابلك فالعيد ثوب=كرثت المرحوم والنار من شبابها

تركي:
خلوك ربعك تجر الصوت وتلالي
واليوم تومي براسك فالخلا الخالي
ياحرب بعض النقايل مالها والي
لو ان مالله خلق نفسن وضيعها
انت تقبل لان تقبل لان تعلن بالهروب=ياوليد التوم والنار من شبابها

تركي:
عزالله اني ماباك تحصل النكبه
لاكن لاشفت لك قيرن تعلقبه
القير يفداك لابعده ولا عقبه
لو ان مالله خلق نفسن وضيعها
مايصدق واحدن خابرين انه كذوب= البلد محكوم والنار من شبابها

راشد:
لا والله اللي الولد ماهو علي خبري
يبغا المنامه لاكن مضيع الكبري
فالنشره الموجزه جاب السبه هبري

المهم انه نمشيك راوي ومقصوب=ياوليد الروم والنار من شبابها



مع ارق تحيه

السلام عليكم

سالم الدلح..

شاكرلك على نقل هذي المحاورة بشكل كتابي.. وانتمنى انك تنقلها بشكل صوتي ونسمعها

يعلم الله اني اسمع العالم يتكلمون عن المحاورة هذي ولا سمعتها !! وكل من سولفلي عنها .. مايحفظ شي منها!!

وراشد السحيمي داهية :)

بيض الله وجهك وماقصرت

بيض الله وجهك على النقل ومحاورة قوية جدا واخذة صدى قوي

بسم الله الرحمن الرحيم

اخوى / سالم الدلح

بارك الله فيك والله لايهينك على المحاوره

وبنتظار القادم

تقبل تحياتى

اخوك

احمد العوفي

مرحبااااااا ياماجد وشاكر لك مرورك ////

بالنسبه لهاالمحاوره والله ماقليتها الا كتابيه وناقصه بهاللعبه ابيات لراشد السحيمي لان اللعبه اطول من ذالك

لكن اان شاء الله اقدر اجيبها صوتيه

مع ارق تحيه

مرحبا يا الحربي //// شاكر لك مرورك يا الغالي

مع ارق تحيه

الله يبارك فيك يا احمد ولاهنت على مرورك

مع ارقى تحيه

بيض الله وجهك

وما قصرت ع عاذي المحاور

أخوك / الوسيدي

اشكر اخى سالم بن فليج الدلح على هذه القلطه التى امتعتنا كثيراااا،،،،،،،،،

ولك جزيل الشكر ولا تنسانى اخوى العزيز من مشاركاتك التى تتميز بالجمال،،،،،،اخوك//عبدالعزيز محمد الحنينى

ما قصرت يابو فليج

محاورة جيدة

تقبل تحياتي

شكراً على النقل


وبارك الله فيك

مشكوووووووور علىالمحاوره