مبدع أبو حمود حتى عندما يغضب.. لا يستعجل باللحكم . لا يتسرع . الأكثر تأني يراجع نفسه بنفسه .. ولكن عندما يهدفها تأتي في الصميم . نبيل في أخلاقة حاد في تفكيره .. عميق في نفسه .
لك كل الأحترام يا بو حمود .. امال ان تحوز على رضاكم ..



يامكثرين الهرج لااسمع ولااجيب =تريحوا من فضلكم واسمحوا لي
تريحوا لاتلحقون المشاهيب =على الردى ماني شفوق عجولي
بالعقل والصبر ادب النفس تاديب =والا لها مده تصول وتجولي
خلج ترازم في سياج المحاديب = مافيهن اللي بالعقال معقولي
اشد وطية زور من شمخ النيب =اليا ضاع مفعو ل الحيل والحلولي
انا لاقلت ارتب القول ترتيب=حتى يجي كي على فك قولي
اليا ارسلت لافكار القريحه مناديب=ترايعن من عقب ماهن جفولي
لكن مالي من وراها مكاسيب =لو كان عشاق القشر صفقوا لي
مامستفيد الا العدو والاجانيب =ولاني مطيع مقرقعين الطبولي
خليتها تعطي فجوج مجاديب =جربا تجود في رسنها مهبولي
والله لااجنب دام لي درب تجنيب =من شرهة حشام الرفاقه خجولي
لو انها بين النحر والتلابيب =من الحيا وجهي مهوب مغسولي
طبع لنا نشب عليه ونشيب =وطبيعةٍ لعلها ماتزولي
على الجماعه للجماعه مواجيب =الا جهلوا قدر الرفيق الهتولي
ماني على ربعي قريب محاضيب =ادناة مايخليني اسرج خيولي
ان جات من طيب شقاها على الطيب =لو انها اعوج من رقبة الذلولي
وان جات من مسكين منطق واساليب =حطيتها بين الثرى والنعولي
لاحركت شعره ولاطلعت شيب =ولاضيقت صدري ولاطق جولي
وان كان في صبري على ميلهم عيب= العيب تفتيش الصرر والحثولي
لاقمت تذكر في رفيقك عذاريب =وتبين عيوبه لذولي وذولي
صبرك على ربعك علاج وتطابيب =يقصر حبال السالفه لاتطولي
حتى مايلقا في طرفها مقاضيب =كراه خير وللمشاكل ميولي
واليا بليت بتايه شره وصعيب =يقول انا العراف وانت الجهولي
قل الله الله ياحصان الاطاليب =يالفاهم العالم عطيب الفعولي
هذا الكلام اللي مافي صحته ريب =لانيب لاحولك ولانتاب حولي
حصان وبن حصان طيب مجاذيب =وبالمعرفه رجل محلي ودولي
خله يروح يخطي الدرب ويصيب =يقول مابالناس عرضي وطولي
والفرق ماهو باللحى والاشانيب =الفرق بين الناس فرق العقولي
كم واحد تحسن به الظن ويخيب =السن يضحك والفواد معلولي
واللي غدت به كلمة مالها غيب =ماهو من اطيب ربعي اللي غود لي
يالله عساها صيحة في قفا ذيب =وقلع النيا بيني وبينه يحولي
الرجل مايغصب على الطيب تغصيب =اليا صار ماهو دل ضمن الدلولي
ومن عادة اللي طيبه يحضر ويغيب =لاطالت الرفقة زهوق ملولي
واليا بلنك غبر الايام بصحيب =في مستوى طيبه صعود ونزولي
اعرف ترى الدنيا دروس وتجاريب =والكامل الله والنقا للرسولي
لاتصير مشذاب يقص العراقيب =خله وراع الاوله وش يقولي
اخذت حكمه من كلام اللواعيب =للطيب ناس وللعذارى فحولي

كـــم واحــد تـحـســن بــه الـظـن ويـخـيــب ***** الـســن يـضـحــكـ والـفــؤاد مـعـلـولــي



صــح لــســانــكـ يا ولد الحــنــيــنــي ...

وابــو حــمـود يـعـجــز عــنــــه الـتــوصـيـــف ومــا نــقـــوول الــى صــح الــســانـــه وعــســـاه عـلــــى الــقـــوه ...

ولا هــــنـــــــــــت يالــشــيــــــــخ

اشكرك على اهتمامك ومرورك

بارك الله فيك

وصح السان الشاعر

وشكراً على النقل

مشكوووووووووووووور وصح لسانك انت والشاعر

تقبل مروري

صح السانك والسان شاعرها...