بسم الله الرحمن الرحيم ..

السلام عليكم و رحمة الله وبركاته

و االقصيدة هي للشاعر الكبير :- إبراهيم بن محمد بن نابي الحربي " وفقه الله "

و هذي هي القصيدة بعنوان ..

.. الجـــــــار ..


يا عـين معـذوره و مسموح تبكـين
لو البـكى يا عـين سـبب لك سـهاد

الـدايـم الله و المخـاليق فـانـين
مـير الـحضيض اللي من الخير له زاد

والمـوت درب كلـنا فيه ماشـين
مـافيـه بالـدنيا خلـود و مقعــاد

مرحـوم يا جـار لنـا مرت سـنين
حنـا و عيـاله كـل أبونـا له أولاد

راع الوفـاء والجـود زود على الـدين
ما طـاب له نـوم عـن الفرض ورقـاد

ماهمتـه دنيـا وخـوة سلاطـين
الله هـداه وطـاع مـولاه وانقـاد

يـالله عسـى مثـواه جنـة علـيين
يـالله يـا المعبـود حنـا لك عبـاد

ترحـم أبو محمد ومـوتى المسلمين
اللي عن التوحيـد ماجاهم حـياد

يابن وصل حنا لك اليـوم داعـين
إن الولي يرحمـك في يـوم الاشهـاد

فقيدة المسجد وربعـك والأقصـين
ما حد شكى منـك المغثـه ولأنكـاد

عساه من اللي يثـقلن له مـوازين
عز الله إنه من هل الخـير الأجـواد

جيرانه عنده كل ابـوهم حشيمين
ما فيـهم مطـرف ولا فيـهم إبعـاد

عون الضعيف ليا ظلمـوه القويين
يا ما دفـع للخـير من مالـه و جـاد

وام عيـال له بالسعد دايـم تعين
يشهد لهم اللي ما هـوت قلبه أحقـاد

عاشوا بها الـدنيا وراحـوا على الزين
ما عقبـوا شـين السجـايـا للأحفـاد

وصـلاة ربي مخـلص لله الـدين
على النبي من دون حصـر بالأعـداد



منقول

لاهنت ياحمود على القصيده الرائعه وبيض الله وجهك...