بسم الله الرحمن الرحيم

السلام عيكم ورحمة الله وبركاته

أخواني الكرام اليكم مجموعة من قصائد الشاعر الكبير جزاء بن صالح الحربي

مرثية الشاعر (جزا بن صالح الحربي) في الشاعر الكبير:(سبيل بن سند الحربي) رحمه الله

والله يالولا الصبر والامل والظـن
بالله يبـدل سيتـي بحسنـاتـي
ودلال رسلان بها الهيـل والبـن
تحوفهـن يمنـاي ومكرمـاتـي
من حبهن ليـه تقـول يتحاكـن
ومن حبهن عندي تطول سهراتي
لياادبح بهيم الليل وهجوسنا جـن
فنجالهـن يبـرد لهيـب نهتاتـي
لاون ونة من بعود القنـا طعـن
بمشيشل من كف شبـل زناتـي
واني لاشرّح مقدم الثوب وانجـن
وقدام خلـق الله لافجـر سكاتـي
على رجال يـوم فيهـا اتفطـن
لابصرت فيهم عفت تالي حياتـي
لهم وقار داخـل القلـب يسكـن
والصبر عنهم صار من معجزاتي
اقفوا وخلوني وانا صغير السـن
واخذت منهـم طيبـات الصفاتـي
ومن قال للموروث علـم يسكّـن
مافادني بيض الـورق والدواتـي
اجهش فوادي والعيـون يتباكـن
وهليت من دمعي غزير عبراتـي
وليا صفا راسي وقلبـي تطمـن
قلت المقافي مايجـن راحعاتـي
وانـا ادري ان ايامهـم مايـردن
هيهات ترجع ماضـي المقفياتـي
ولولاي ازور ديارهـم واتوطـن
واشرف عليهم بطايـل النايفاتـي
واشـم ريـح ديارهـم واتفطـن
وادله واعيش بماضي الذكرياتـي
لاشك عبثـات الليالـي يصيبـن
ويخلن الرجـال فكـره شتاتـي
وقبل امس جات اخبارهن مايسرن
اخبـار فيهـا طابـع المفجعـات
غديت مثل اللي خطف عقله الجن
واصبح يهوبي مع هوى الذارياتي
على رفيـق بالوفـا مايتهـاون
صنديد ماهو من رجال الشماتـي
وسيف من الفولاذ ماهوب معدن
من ابتع خيار سيوفنا المرهفاتـي
سبيل بـن سنـد ليالـه تقافـن
واضيقتي مـن غيبتـه وافجاتـي
وش عاد لو قلبي تكـدر وحـزن
حكم المنايـا بالبشـر صايباتـي
سنة عزيز الشان والله لها سـن
من جاه يومه مابقى لـه حياتـي
كد قالها صالح وانا اقول صابـن
سر الامور اسبابهـا المحدثاتـي
والادمي لو فيـه الايـام طالـن
لابد ماتركـز عليـه الحصاتـي
ولو كان من يبكي دموعه يفيـدن
ياما بكينـا مطوعيـن العصاتـي
فهود الزراج مطوعة كـل مفتـن
الى جا نهار فيه مثـل الجناتـي
الى جت كراديس السبايا ولحقـن
ولحقوا عليهن ميتميـن البناتـي
بيدينهـم شلـف وطـرم تلظـن
صنعن من الفـولاذ ومشرفاتـي
ليا وردوهن لاحمر الموت شربن
وان صدرن جن غيرهن وراداتي
وشعارهـم وفعولهـم مايهـزن
وتاريخ وفعـول عليهـا الثباتـي
وشعر بليا افعال وامجـاد يمهـن
مافيه لاحكمـة ولابـه حلاتـي



رفـيـقـك الـلــي مـــا يــقــدر مـواقـفــك
تـــرى ربـيــع الـقـلـب بـعــده وفـرقــاه

لـيـا صــار لا رجـلـن مقـامـه يشـرفـك
ولا طـيـبـن تــقــدر تـحـمــل خـطـايــاه
احـرص علـى فرقـاه لـو مـن طوايـفـك
ليـا صـار ماتقـوى علـى شيـل عوجـاه
ليـا صـار دايـم بــا المـواقـف يخالـفـك
ويفرض عليك الراي مـن غيـر ترظـاه

مـنـت أولــد لــه يستهيـنـك ويعـسـفـك
ولا والـدن ودك عـلـى مكـسـب ارظــاه

ولــولا لـزومـه بـــول الـعــام عـايـفـك
ولو شاف طيبـك عقـب يوميـن ينسـاه

وان قلت لـه مخطـي فظحـك ابمعارفـك
وليـا تـجـاوزت الخـطـى عـنـه مـرظـاه

وليـا سكـت و شمـت يجـرح عواطفـك
وضحوك فـي وجهـك وسـودن خفايـاه

وان قمـت مايسـوى هبايـب عواصفـك
وان شلت له عرقـا علـى الكبـد عرقـاه

وان جيـت لـه محتـاج مـا تقـل يعرفـك
ويعطيـك مـع بـيـض المعـاذيـر علـبـاه

ليـا صـار عنـد اللازمـه مــا يساعـفـك
و قـت الـرخـا منـتـه ابـعـازت حمـايـاه

لا تشـتـكـي عـنــده يـكـبــر سـوالـفــك
فـرقـاه تغـنـي عــن مـســرات جـــدواه

وحــاذور عـنــه لا يـســود صحـايـفـك
ولا تـقـربـه مـــادام تــعــرف نــوايــاه

و بعـدك عنـه فـي ديرتـن مـا يشاوفـك
اخـيـر مــن قـربــه وشـوفــه ولا مـــاه

ومـوتــك بـعــزك جـنـتـن مـــا تكـلـفـك
ولا حاجـتـن عـنـد المـنـون و تـرجــاه

و مـوت الكرامـه عـن جنابـه اتشرفـك
ولا مـنـتـه عــســى نـواعـيــه تـنـعــاه

ومن يجهلك في منطق العرف يا صفك
وعــرف الفـتـى تنبـيـك عـنـه مـزايــاه

وتـرى الرفيـق اللـي بهمـك ينـا صفـك
ويفـزع ليـا شـاف الخـلـل فـيـك يـرفـاه

ودايـم صـدوق وبــا الحـمـوه يلاطـفـك
ويقـوم فـي و اجبـك مــن قـبـل تنـخـاه

رجلـن عـلـى كــل المواجـيـب عـارفـك
ودايم طواريق الشـرف سـاس ممشـاه

وان حلـت الرفقـه يشيـد ابــو صايـفـك
مـاكـنــك الا واحــــدن مــــن دنــايـــاه

ليـا جـا مجالـك جــاب عـنـك طرايـفـك
و لـيـا ذكــرك بجمـلـة الـخـيـر مـبــداه

الصاحب اللي يمه القلـب عطشـان
.............................ولا ينجلي حبه عـن القلـب جليـا
اقفوا به البـدوان والقلـب حيـران
.............................وسود الليالـي ماعطتنـي مهليـا
وشدوا وانا من شدة البدو زعـلان
.............................ولا من وساطه بين اهلهـا واهليـا
وجيته وانا في وقتها كنت مرضـان
.............................مـن شـدة العربـان فيـه زعليـا
وقلت السلا م وغادي الفكر شتـان
.............................واللي بغيـت بخاطـري ماحصليـا
وانا عليه بسلـم الاحبـاب شفقـان
.............................ومن غير مشروهي فلا لي دخليـا
وطافت مشاريهي وانا كنت شرهان
.............................سنـه صغيـر وغاطسـآ بالجهليـا
وقلت الوداع وغاديآ وجهي الـوان
.............................متخالطـآ فيـه الزعـل و الخجليـا
وذقت الفراق اللي مشاريبه احـزان
.............................نحـل بحالـي والمحانـي هزلـيـا
عليك ياالمجمـول ياخـدر الاعيـان
.............................سميت حالي ليـن جسمـي نحليـا
والحب مثل النوم والنـوم سلطـان
.............................والله بلانـي فـي محبتـك بلـيـا
وان كان حدوهـا مقـرد وعـدوان
.............................لا ني ببا زيد(ن) ولا انتـي بعليـا



يا عل عينٍ ما بكت فرقا الاضعـان
تعطي النويفـج ليـن تذبـل ذبليـا

ليا شدوا العربان من عقب مقطـان
والصبح منهـم جانـب العـد خليـا

وتفرقوا مـن نقـرة العـد سلفـان
أحدٍ رحـل جنـوب و احـدٍ شمليـا

وقفوا وراحوا مع وسيعات الاوطـان
وكلٍ على سفن الصحـاري رحليـا

عليهم الخافـق تقـل فيـه نيـران
وتصلاه غمزات الهواجيـس صليـا

وبكت عيوني مثل همـال الامـزان
مـزنٍٍ تحـدر مـن مناشيـه مليـا

على اللذي له داخل القلب مسكـان
وعليه ما اسمع عاذلي لـو عذليـا

عين الفريد اللـي مرابيـه فيحـان
الريـح لاعـه و استـذار و جفليـا

وسمع الحساس وشاف بالعين زيلان
واستاكده بيـن الوعـر والسهليـا

الصاحب اللي منه القلـب عطشـان
و لاتنجلي حبه عـن القلـب جليـا

اقفوا به البـدوان و القلـب حيـران
وسـود الليالـي ماعطتنـي مهليـا

شدوا وانا من شدة البـدو زعـلان
ولا من وساطه بين اهلهـا واهليـا

وجيته وانا في وقتها كنت مرضـان
مـن شـدة العربـان فيّـه زعليـا

قلت السلام وغـادي الفكـر شتـان
واللي بغيت بخاطـري مـا حصليـا

وانا عليه بسلـم الاحبـاب شفقـان
ومن غير مشروهي فلالـي دخليـا

طافت مشاريهي وانا كنت شرهـان
سنـه صغيـر وغاطـسٍ بالجهليـا

وقلت الوداع وغاديٍ وجهـه ألـوان
متخالـطٍ فيـه الخجـل والزعلـيـا

وذقت الفراق اللي مشاريبه احـزان
وانحـل بحالـي والمحانـي هزليـا

كني كسيـرٍ شملـه ريـح ريحـان
نوبٍ يفيـق و نـوب يذهـل ذهليـا

عليك يالمجمول يا خـدر الاعيـان
سميت حالي ليـن جسمـي نحليـا

والحب مثل النوم والنـوم سلطـان
والله بلانـي فـي محبتـك بلـيـا

وجاني الربيع وربعت كـل الاوطـان
وانـا معاليـك الضمايـر محلـيـا

وطال الرجا واللي مضى تقل ما كان
واللـي بنينـا لغدّنـا مـا كملـيـا

لاشك خبرني عسى ما أنت خسـران
او شايـف اللـي بالطويلـه تعليـا

وأن كان حـدوك المقـرد وعـدوان
ماني لا ابـا زيـدٍ ولا انتـي بعليـا

شعر الحكمة

قالو علامك دايم تقل زعلان ** وياعل ما انته يابوصالح زعولي

قلت اسمحوا لي ياكريمين الايمان ** تراي من نشداتكم ضاق جولي

ولا كل من يبحث ورى سر الانسان ** يكشف عن اللي بالضماير يجولي

ومن قال انا افهم غاية القلب غلطان ** القلب دونه مبهات القفولي

ولاني على بعض المواضيع شفقان ** ولا احط راسي يم ضل يزولي

وامشي مع الطيب على قدر الامكان ** ولانيب اطاول شخص مهوب طولي

وانا اليا شفت الاعور وسط عميان ** اجنبه من خوف لا يصير حولي

واصد منه مع وسيعات الاوطان ** لو كان حفيانه مواطي ذلولي

والناس كل له محبه وصدقان ** وكل على محبوب قلبه ميولي

ورجل بلا هيبه مع الناس خسران ** لو يحسب من رجال زحولي

والضحك في وجيه الرجاجيل نقصان ** ان كان ماللضحك وقت واصولي

هذا وكل له محبه وصدقان ** والله فرق ما بين صنف العقولي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،

هذي النهايه لو تجيب الف تبرير
وفر كلامك ماله اليوم داعي

ماعاد انا اصدق كلام الأساطير
ومن غفوة احلامي انا صرت واعي

وتلاشت الحيره ولا احتاج تفسير
وزال الغموض اللي مسبب ضياعي

المسرحيه اللي دبرت تدبير
حانت نهايتها وعليك استماعي

يكفي خداع وبس كافي معاذير
حبك حرام ابذل عليه المساعي

من حب يعطي دون منه وتفكير
ودايم على خاطر حبيبه يراعي

وانا عطيتك طيب ماجاك تقصير
وان قلت ساعدني عطيتك ذراعي

وجزاي منك تجرح القلب وتصير
انت السبب في عبرتي والتياعي

الشكوى لله قربتنا المقادير
والاّ أنا ما جيت للحب ساعي

لكن ترى دنياي مازالت بخير
وعمر الزمن مازال فيه اتساعي

ياصانع دموعك ترى اليوم انا غير
ولا يمكن ارضى تستمر بخداعي

اللي انقرص ماظن يحتاج تذكير
حتى الحبل يُطري عليه الافاعي

ومادام بحرك صار موج وأعاصير
انا نويت اليوم اطوي شراعي

اعلان مني لك ومن دون تحذير
سلم على يمناي هذا وداعي

سرياقلم واكتب من الراس تعبير = ابيات من راس السليس العطاوي

من هاجس مابين ورد مصادير = هاجوس يسرحبه وهاجوس ضاوي

هذيك تقفيبه والاخرى مناحير = ليا ادلهم الليل والذيب عاوي

لي مهنه تعرف على غير تفسير = لاساكن (ن)قريه ولاني بشاوي

سائق سفينه بر وواصل السير = ياما على الجرمن قطعت الدهاوي

درت الجزيره كلها دوره تاخير = وليا بغيت الدرب ماني بثاوي

ودرت الخليج بدوره البحر تدوير = دوره رحى من كل ذيك النحاوي

لو الصحافه قابلتني بتحرير = اظهرت صوره سهلها والنزاوي

من كثر ماسفرت مرات تكرير =الله خلقني في حياتي شقاوي

اللي قضيته من حياتي مشاوير = اواصل الرحلات كني جلاوي

ماولعني مترفات الغنادير = مالوعني ذابحات المهاوي

لين عرظتلي وحده شكلها غير =زملوق عشب ناعم في المطاوي

مدري كما موز على ساقي البير = علاه ظل ومشرب العرق راوي

من يوم شفته غير عليه الفكر تغيير= غير عليه منهجي والهقاوي

من يوم شفته صادني صيدةالطير = عليه قلبي كن يلويه لاوي

كل النهار اقضيه غفله وتفكير = والليل يمضي شارد الفكر وداوي

موجات قلبي ياخذن له تصاوير = مع العرب لكن كني خلاوي

ماظهرت له من رمز حبي مذاكير = خفت وخشيت مولفين الدعاوي

بغيت ابرر له عن الحب تبرير = ولاني بواثق من ظبي العثاوي

ولزمت عنه الحب سر ومجاهير = لانه قريب ومن قرابه الدناوي

ليا كشفني ماتفيد المعاذير =يصعب على اللي من قريبه حياوي
مالي وماله مار هاذي مقادير = لو اجتنبته كان صرت متشاوي

ماصار صار وماكتب لك يبا يصير =وش عاد ينفع ماتفيد الشكاوي

لزمت صمتي لاتبين الغثابير = ماعاد لي مدخال درب رجاوي

وقررت احيله للرجال المناعير = ومن يسند الموضوع ماهوب غاوي

يأهل الونيت اللي بغيت المحادير = اخذ الكتاب ان كان للشرق ناوي

اخذ الكتاب وجعلها لك مسافير = لأهل الكويت مدلهين الفداوي

سلم علاهم جعلهم زود في خير = وانشد عن الحربي وحذرا تراوي

جزاء ولد صالح زبون المخاسير = حلال عقد معقدات البلاوي

مروين حد المرهفات البواتير = اليا جاء نهار فيه هوش ونخاوي

الياجاء لعجات السبايا معاصير =تعرف مزينه يوم شهر العزاوي

تلقا دلاله في المناره مباهير = دلال شاميات والنجر ماوي

دايم يرحب في محله ليازير=ماهوب من اللي يكثرون الزراوي

وقل يالمزيني ياعشير المناعير =انته هدف خطي وراس الحراوي

وان قال ماعرف صاحب الخط ياخير = قله عرفك وصرت عنده رهاوي

قله سمعك تصخر الشعر تصخير = وأنته على رد التماثيل قاوي

وسجلت لك من واقع الحال تقرير = بينت موضوعي برمز الشكاوي

ولا ارسلت ابي من حر مالك دنانير = انا احمد الله في حياتي غناوي

تبدلت باليسر عقب المعاسير = صار الغني هو والفقير متساوي

قصدي وتهديفي من الوقت تقزير =نبا نقزر وقتنا بالسلاوي

ويكفيك مني يافتى الجود تقدير = وأبا مرد يسمعه كل راوي

وارجو السموحه كان فالقول تقصير =ماكامل الا الله بديع سماوي

وصلو على خير البشر فاعل الخير = اللي طمس بالدين ملحد واوي

ختام ماقلته من الراس تعبير = ابيات من راس السليس العطاوي

الشاعر المرحوم بأذن الله سلمان السليس رحمه الله

شكر خاص لك ومع التحيه والاحترام من منا لايعرف هذا الشاعر الكبير الذي هو اصبح رمز من رموز الشاعر

صح اللسان الشاعر ...
والله لا يهينك على القصايد....

وشكرا...

مشكووووووووووووووووورين على التعقيب والتشجيع والمرور

مشكور على القصائد

وصح السان الشاعر الكبير

تحيه كبيره للشاعرالكبير جزا صالح

الأخوين أبوحرب وفيصل الغضيان

الله يعطيكم العافية وبارك الله فيكم

لمروركم وتشجيعكم

وجزاكم الله خير