حمد شريف
08-27-2007, 04:16 PM
بسم الله الرحمن الرحيم
السلام عليكم ورحمة الله وبركاته
تحيه طيبه .. أعجبتني هذة القصائد وجمعتها لكم هنا في هذا المنتدى
=================================================
تدفعني أشواقي
تدفعني أشواقـي ويرهبنـي البـوح
ماغير األمّح لك عن الحـال تلميـح
ويضيع رجع الصوت واقول مسموح
كم حيرةٍ فيها عن النفـس ترويـح
خطاي محسوب وخطا الوقت مدموح
والنفس تجزع والعـواذل مشافيـح
أصعب سؤال أواجهه وين مـا أروح
به ينبني قصر للأحـلام .. ويطيـح
الصدفة اللي ساقت الـروح للـروح
وش منتهاهـا بالقلـوب المجَاريـح
ظنيتهـا مبـدأ تبَاشيـر وفــروح
وحدٍّ للوعـات الضنـى والتباريـح
مدري صدق ظني وأنا صرت مشفوح
أستعجـل الأيـام للحيـرة اتـزيـح
وأعيش خالي البال والصد مشـروح
مابينـي وبيـن السعـاده سواميـح
أو إنها لـي زود تعذيـب وجـروح
مدري ولاني طالـبٍ منـك توضيـح
أستعذب الحَرمان عن رهبـة البـوح
أخاف تحصل قصة السفـن والريـح
الحميدي الحربي
=============================
سلواك عزت
سلـواك عـزت ياملـيـح الحـلايـا
في عالمـي صـرت القديـم الجديـدي
لـو تبتعـد مسكنـك بأقصـى الحنايـا
حيث إن عيبـك بـس كونـك بعيـدي
قلـبـي شراينـيـه بحـبـك مـلايـا
وعينـي لغيـر مشاهـدك ماتـريـدي
يامقفـيٍ مـنـه المشـاعـر ظمـايـا
عقبـك همومـي ماعليهـا مـزيـدي
سوت بـي اللوعـات عقبـك سوايـا
بيـن العـواذل والـزمـان العنـيـدي
ولاغيـر العـذال صــدق النـوايـا
لك لو يجـور الوقـت حبـي يزيـدي
ماعشت يـوم ركـاب عزومـي ونايـا
أموت وإلا أعيـش عمـري سعيـدي
وإن سجل اسمي في سجـل الضحايَـا
قمـة عـزاي إنـي لحبـك شهيـدي
ياللـي فراقـك مـن كبـار الـرزايَـا
ذكراك لـو طـال المـدى مَـا تبيـدي
أشـوف لـك فـي كـل شـي بقايَـا
في ضحكتي .. في دمعتي .. في قصيدي
الحميدي الحربي
لا تكاثر جيّتي
لا تكاثر جيّتي يـا نظـر عينـي
الله اللي جابنـي لـك ومشّانـي
ماشـي درب مشـوه المحبينـي
بالمـودة راجـح لـك بميـزان
أحسب إني مثل ما اغليك تغليني
ما دريت إنك عـدوٍّ و قومانـي
و اثر لك يا متلف الروح قلبينـي
قلب يبغضنـي وقلـب يتمنانـي
كم هنوفٍ عنـد اهلهـا تمنينـي
كزّت المرسول كله علـى شانـي
تحسب ان الله قطـوع يخلينـي
ربي المعبود مـا عـاد ينسانـي
تحسب إنك يوم قفيـت كاوينـي
يوم تكفى الحوض في وجه ظميان
سيد الخفرات ما توفـي الدينـي
خنتني من غير حـق وبرهانـي
الجفا من بيننـا موقفـه شينـي
من فعل خير يجـازى بالاحسـان
خوفي الله .. لا تصيرين لاثنيني
صفّي النيه و صيـري لفردانـي
يـا حبيبـي اسقنـي لا تخلينـي
لو اموت من الظما محدٍ أسقانـي
سالم الحربي
بجيـش المفاتـن مطـوّق
أقبل يحرك خطوة الرجـل برفـوق
والقاع لمصافـح خطـاه يتشـوّق
مخلوق لكنه مهـوب اي مخلـوق
علـى بنـات آدم وحـوا تفـوّق
عليه لبس يجمع الوسع والضـوق
موسّعٍ بعضـه وبعضـه مضـوّق
مرّ وتعدى ما بـدا منـه منطـوق
إلا إنه بجيـش المفاتـن مطـوّق
خلانى أمشى وأقضب الدرب واتوق
مانيب تايـق عقـل لكـن متـوّق
تقول مرميٍّ على الأرض من فوق
وإلا من السم الصقطـرى مـذوّق
يغشى على شوي واشويٍّ آفـوق
واقـول لاستيقظـت والبـال روّق
مدام لامعـوّق ولاصايبـه عـوق
وراه يمشي مثل مشـي المعـوّق
اللى على حاله خطر من هل السوق
مفروض يمنع مايـروح يتسـوّق!
لافي حمود الغيدانى الحربى
قصيدة رائعة في حق الأم للشاعر / صالح بن جزا الحربي
الله يومك صغير لو تذكـّرها .......... كنت أصغر إعيالها واكبر أمانيها
كـنـّك مراية لها ، لو ما تناظرها........... ما كحلت عينها ولا حنت ايديها
مرّت عليها ليالي ما تِصورها ........ لو قلت ما قلت ما صوّرت ماضيها
وتحمّـلت من همومك في خواطرها .... من وين ما رحت ولا جيت ماليها
من اول الخطوة اللي في تعثرها ..... حتى آخر الخطوة اللي تو .. ماشيها
تسقيك منها وتلعب في ظفايرها .......... الين تروى عروقك في سواقيها
وان نامت الليل صحّـت لك مشاعرها ......... تخاف تحتاجها ولا تناديها
كانت تحطك بيدها مثل اساورها ....... لو لحظةٍ غبت عنها باح خافيها
كم لعبةٍ قد شرتها وانت تكسرها ........ ثم مــّرةٍ ثانية ترجع وتشريها
تقدر على كل شئٍ بس خاطرها ....... ما يحتمل دمعةٍ في عين غاليها
لو تذكر دروسك اللي ما تذاكرها..... او خوفها وانت وسط البيت ترميها
بشّـرْتـها بالنجاح وهلّ ناظرها ........... يا دمعةٍ للفرح سيلي وضميها
كم ليلةٍ غبتها وابطيت ساهرها ........ نامت وقامت وخافت من تواليها
تجلس ورا الباب وتقـلـّب ستايرها ......وتذوي مثل شمعةٍ بالبيت ناسيها
تذوب وتجفف الدمعة على آخرها ....... يا خوفي انك على هالحال تنهيها
ما هي بحمل السهر حتى تسهـرّها ...... اليوم شابت وحق انك تراعيها
ما هو بحق ٍ عقب هالعمر تنهرها ....... مادام حتى ( أف) ربك قايل فيها
ولْـيا تـزوّجـْت خذ بنتٍ توقرها....... تِـبـرّ فــيــها مثل بـرّك وتغــلـيـها
حتى لو الزوجة اخطت دون خاطرها.... وسوت لها حاجةٍ ما هي بترضيها
اليا احـذفـت كلمةٍ تجرح مشاعـرها..... او عامَـلـتـْها بـنـفـس ٍ ما تدانـيـها
حتى لو امك ما قالت وش مكدرها..... عشان خاطرك شالت جرحها فيها
قل ( يا مره) هذي امي في ضمايرها........ شئ ٍ ولابدها تقول .. وما ليها
ولا يــكــدّرني الا الـلي يـكــدرها.......... ولا يعـنـّيـنـي الا الـلي يعـنـيـها
وشلون اباصبر على اللي ما يقدرها ....... الله لا يخلي ترابي من مواطيها
وصـيّـة الله عـلـيّه ما اتـنـكـّرها........... اول حـقـوقـي وثـالـثـها وثـانـيـها
والزوجة اللي على المعروف اعاشرها.....ان ما عرفت حقها والله لا اخليها
ما ني بمن يترك امه ما يشاورها.........يتبع رضا زوجته والام ناسيها
وصـيـةٍ قـلـتـها لـلي تـذكـرها...........الوالــدة كـلـمـةٍ صـعــبـة معانـيـها
هي سـلـعـة الله وخـيـر الـنـاس تاجـرها ..... يقول له قولةٍ بالحق موفيها
ياللي عيونك على الجنة تناظرها....... طلبك غالي ... ولكن .. تحت رجليها
السلام عليكم ورحمة الله وبركاته
تحيه طيبه .. أعجبتني هذة القصائد وجمعتها لكم هنا في هذا المنتدى
=================================================
تدفعني أشواقي
تدفعني أشواقـي ويرهبنـي البـوح
ماغير األمّح لك عن الحـال تلميـح
ويضيع رجع الصوت واقول مسموح
كم حيرةٍ فيها عن النفـس ترويـح
خطاي محسوب وخطا الوقت مدموح
والنفس تجزع والعـواذل مشافيـح
أصعب سؤال أواجهه وين مـا أروح
به ينبني قصر للأحـلام .. ويطيـح
الصدفة اللي ساقت الـروح للـروح
وش منتهاهـا بالقلـوب المجَاريـح
ظنيتهـا مبـدأ تبَاشيـر وفــروح
وحدٍّ للوعـات الضنـى والتباريـح
مدري صدق ظني وأنا صرت مشفوح
أستعجـل الأيـام للحيـرة اتـزيـح
وأعيش خالي البال والصد مشـروح
مابينـي وبيـن السعـاده سواميـح
أو إنها لـي زود تعذيـب وجـروح
مدري ولاني طالـبٍ منـك توضيـح
أستعذب الحَرمان عن رهبـة البـوح
أخاف تحصل قصة السفـن والريـح
الحميدي الحربي
=============================
سلواك عزت
سلـواك عـزت ياملـيـح الحـلايـا
في عالمـي صـرت القديـم الجديـدي
لـو تبتعـد مسكنـك بأقصـى الحنايـا
حيث إن عيبـك بـس كونـك بعيـدي
قلـبـي شراينـيـه بحـبـك مـلايـا
وعينـي لغيـر مشاهـدك ماتـريـدي
يامقفـيٍ مـنـه المشـاعـر ظمـايـا
عقبـك همومـي ماعليهـا مـزيـدي
سوت بـي اللوعـات عقبـك سوايـا
بيـن العـواذل والـزمـان العنـيـدي
ولاغيـر العـذال صــدق النـوايـا
لك لو يجـور الوقـت حبـي يزيـدي
ماعشت يـوم ركـاب عزومـي ونايـا
أموت وإلا أعيـش عمـري سعيـدي
وإن سجل اسمي في سجـل الضحايَـا
قمـة عـزاي إنـي لحبـك شهيـدي
ياللـي فراقـك مـن كبـار الـرزايَـا
ذكراك لـو طـال المـدى مَـا تبيـدي
أشـوف لـك فـي كـل شـي بقايَـا
في ضحكتي .. في دمعتي .. في قصيدي
الحميدي الحربي
لا تكاثر جيّتي
لا تكاثر جيّتي يـا نظـر عينـي
الله اللي جابنـي لـك ومشّانـي
ماشـي درب مشـوه المحبينـي
بالمـودة راجـح لـك بميـزان
أحسب إني مثل ما اغليك تغليني
ما دريت إنك عـدوٍّ و قومانـي
و اثر لك يا متلف الروح قلبينـي
قلب يبغضنـي وقلـب يتمنانـي
كم هنوفٍ عنـد اهلهـا تمنينـي
كزّت المرسول كله علـى شانـي
تحسب ان الله قطـوع يخلينـي
ربي المعبود مـا عـاد ينسانـي
تحسب إنك يوم قفيـت كاوينـي
يوم تكفى الحوض في وجه ظميان
سيد الخفرات ما توفـي الدينـي
خنتني من غير حـق وبرهانـي
الجفا من بيننـا موقفـه شينـي
من فعل خير يجـازى بالاحسـان
خوفي الله .. لا تصيرين لاثنيني
صفّي النيه و صيـري لفردانـي
يـا حبيبـي اسقنـي لا تخلينـي
لو اموت من الظما محدٍ أسقانـي
سالم الحربي
بجيـش المفاتـن مطـوّق
أقبل يحرك خطوة الرجـل برفـوق
والقاع لمصافـح خطـاه يتشـوّق
مخلوق لكنه مهـوب اي مخلـوق
علـى بنـات آدم وحـوا تفـوّق
عليه لبس يجمع الوسع والضـوق
موسّعٍ بعضـه وبعضـه مضـوّق
مرّ وتعدى ما بـدا منـه منطـوق
إلا إنه بجيـش المفاتـن مطـوّق
خلانى أمشى وأقضب الدرب واتوق
مانيب تايـق عقـل لكـن متـوّق
تقول مرميٍّ على الأرض من فوق
وإلا من السم الصقطـرى مـذوّق
يغشى على شوي واشويٍّ آفـوق
واقـول لاستيقظـت والبـال روّق
مدام لامعـوّق ولاصايبـه عـوق
وراه يمشي مثل مشـي المعـوّق
اللى على حاله خطر من هل السوق
مفروض يمنع مايـروح يتسـوّق!
لافي حمود الغيدانى الحربى
قصيدة رائعة في حق الأم للشاعر / صالح بن جزا الحربي
الله يومك صغير لو تذكـّرها .......... كنت أصغر إعيالها واكبر أمانيها
كـنـّك مراية لها ، لو ما تناظرها........... ما كحلت عينها ولا حنت ايديها
مرّت عليها ليالي ما تِصورها ........ لو قلت ما قلت ما صوّرت ماضيها
وتحمّـلت من همومك في خواطرها .... من وين ما رحت ولا جيت ماليها
من اول الخطوة اللي في تعثرها ..... حتى آخر الخطوة اللي تو .. ماشيها
تسقيك منها وتلعب في ظفايرها .......... الين تروى عروقك في سواقيها
وان نامت الليل صحّـت لك مشاعرها ......... تخاف تحتاجها ولا تناديها
كانت تحطك بيدها مثل اساورها ....... لو لحظةٍ غبت عنها باح خافيها
كم لعبةٍ قد شرتها وانت تكسرها ........ ثم مــّرةٍ ثانية ترجع وتشريها
تقدر على كل شئٍ بس خاطرها ....... ما يحتمل دمعةٍ في عين غاليها
لو تذكر دروسك اللي ما تذاكرها..... او خوفها وانت وسط البيت ترميها
بشّـرْتـها بالنجاح وهلّ ناظرها ........... يا دمعةٍ للفرح سيلي وضميها
كم ليلةٍ غبتها وابطيت ساهرها ........ نامت وقامت وخافت من تواليها
تجلس ورا الباب وتقـلـّب ستايرها ......وتذوي مثل شمعةٍ بالبيت ناسيها
تذوب وتجفف الدمعة على آخرها ....... يا خوفي انك على هالحال تنهيها
ما هي بحمل السهر حتى تسهـرّها ...... اليوم شابت وحق انك تراعيها
ما هو بحق ٍ عقب هالعمر تنهرها ....... مادام حتى ( أف) ربك قايل فيها
ولْـيا تـزوّجـْت خذ بنتٍ توقرها....... تِـبـرّ فــيــها مثل بـرّك وتغــلـيـها
حتى لو الزوجة اخطت دون خاطرها.... وسوت لها حاجةٍ ما هي بترضيها
اليا احـذفـت كلمةٍ تجرح مشاعـرها..... او عامَـلـتـْها بـنـفـس ٍ ما تدانـيـها
حتى لو امك ما قالت وش مكدرها..... عشان خاطرك شالت جرحها فيها
قل ( يا مره) هذي امي في ضمايرها........ شئ ٍ ولابدها تقول .. وما ليها
ولا يــكــدّرني الا الـلي يـكــدرها.......... ولا يعـنـّيـنـي الا الـلي يعـنـيـها
وشلون اباصبر على اللي ما يقدرها ....... الله لا يخلي ترابي من مواطيها
وصـيّـة الله عـلـيّه ما اتـنـكـّرها........... اول حـقـوقـي وثـالـثـها وثـانـيـها
والزوجة اللي على المعروف اعاشرها.....ان ما عرفت حقها والله لا اخليها
ما ني بمن يترك امه ما يشاورها.........يتبع رضا زوجته والام ناسيها
وصـيـةٍ قـلـتـها لـلي تـذكـرها...........الوالــدة كـلـمـةٍ صـعــبـة معانـيـها
هي سـلـعـة الله وخـيـر الـنـاس تاجـرها ..... يقول له قولةٍ بالحق موفيها
ياللي عيونك على الجنة تناظرها....... طلبك غالي ... ولكن .. تحت رجليها