بسم الله الرحمن الرحيم
السلام عليكم ورحمة الله وبركاته
اخواني عندي اقتراح وراي للكل من غير استثناء
ودي ان بعض الخوات يشاركون ويعرفون بعض الامور عن القبيله
بس يكون هناك شروط من قبل الاداره بانها ما تعرف بنفسها او تكتب النبزها
وارجوامناقشه في الموضوع لانه هذيلي بناتنا والله انهن يشرفن
وخلها تدخل بشروط والشروط تكون عند الاداره
وهذا رأي وما فيها شيء
لانها اذا دخلت تدخل بكرامهومعزه وتطلع بكرامه ومعزه
ورأي الثاني انه ما فيه احد يتصفح المنتدى الا اذا كان مشارك
مو يدش ويطلع واسمه ضيف
لان المنتدى اسمه منتدى حرب
واغلبيت الناس يدشون ويا خذون من المنتدى وينسبونه لانفسهم
واسف على الاطاله ودمتموعسى الله يجمعنا على طاعته قبل كل شيء

يا مرحبا يابو نواف موظوع حامي من اولها

موظوع دخول بنات باسماء انثويه انا ما اايده لانه راح تكون هذي البداية

والبداية تجر ما وراها

بس ممكن تدخل باسم رجولي وتستفيد من غير ما تلفته النظر

اما الموظوع الثاني انا معاك ميه بالمية

السلام عليكم ورحمة الله وبركاته
مساك الله بالخير اخوي ماجد
انا اول المعارضين لدخول البنات وانت عارف الاسباب ماله داعي نفصل ونوضح وهذا المنتدى يعتبر دوانيه والدوانيه ماتجمع الا الرجال مثلك وشرواك وانا اخوك وهذي وجهة نظري
شكرا

كلامكم جميل وانا ما كتبت الموضوع الا ابي النقاش
ويا خوي ابن حباب هذا موضوع وما اضن انه يزعل وانا اخوك
وانت ابديت رايك ورايك والله عين الصواب
بس رأي اخوي احمد جميل بعد لانه ما فيها شيء اذا شاركن باس رجال
وبعض الحريم والله يرفعن الراس يا خوك

حياك الله يا ماجد

وأنا من المعارضين جدا علي تسجيل الأسماء الأنثوية ولا داعي ان نتحاور في هذا الموضوع لأن مشاكله كثيرة فأبعدونا عن هذه الشبهات وعن المشاكل .

والبنت اللتي تبي تدخل الموقع يمكنها الدخول والتصفح والاستفادة واذا أرادت ان تشارك بموضوع مفيد فعليها الدخول بأسم رجل .


أما في الاقتراح الثاني فما المانع من دخول الضيوف ؟؟؟؟ حياهم الله ونتشرف بدخول المطيري والعجمي والعتيبي وجميع القبائل وجميع أهل الكويت . فهم ضيوف علينا ونسعد عندما يستفيدوا من مواضيعنا وكتابنا . فلا نجعل موقعنا كبعض المواقع التي ان أردت قراءة الموضوع فأنه يجب عليك التسجيل وأنت فقط تريد هذا الموضوع للقراءة والاستفادة فقط .

وجزاكم الله خير

أخوي.../ ماجد المواش.
قـواك الله ولاهـنـت عـلـى الـمـوضـوع وأنـا مـعـارض مـع الإخـوان اللـي سـبـقـوني , وكـلامـهم صـحـيح.
وإن كـانـت الـبـنـت عـندهـا مـوضـوع مـهـم أو نـقـاش مـهم , تـدخـل بـإسـم مـسـتـعـار.
ولاهنت.

بسم الله الرحمن الرحيم

بالبدايه ارحب فيك اخوى ماجد ونتشرف فى قدومك الينا

ومن ناحية موضوع دخول النساء فى المنتدى يعلم الله انهم فيهم

الى ترفع الراس وفيهم بنات فاهمين وفيهم بنات متعلمات ويمكن الاستفاده من ارائهم

لاكن هذا منتدي يعتبر مجلس رجال نقوم بالمناقشه واخذ الشوره بيننا

ومنتدى رسمى بالدرجه الاولى ومنتدى تم عمله لكى

نتعرف على ابناء القبيله فى جميع المناطق

وهذه صله تجمعنا بضروف العمل والسفر والدراسه فى الخارج

وها نحن نتعرف على ابناء القبيله يوم بعد يوم والكل شاهد هذا

ونحن نحترم وجهة الراى من ابناء القبيله وهم معارضين تماما بهذا الموضوع

ومن ناحية موضوع التصفح فى المنتدى واغلاق التصفح لكي يقوم الشخص بالتسجيل

انا احترم وجهة نظرك ولاكن يوجد اشحاص لايحبون الكتابه او المناقشه

لايمنع ان يقوم بالتصفح وللعلم ان هناك قسم بالمنتدى ( قسم اخبار قبيلة حرب )

يوجد به بعض من اخبار القبيله من افراح واحزان وترقيات وتخرج ومناصب

وهذا القسم اكثر المشاهدات فيه ويعتبر جريده اكترونيه

ومجبورين بعد اغلاق المنتدى

هذه راى ولك منى جزيل الشكر والاحترام

اخوك

احمد هليل العوفي

انا احترم رايكم جميع
بس عندي نقطة ودي اوضحها لكم
انتو اهنميتو بموضوع وشدكم
والموضوع الاهم ما رد عليه الا ثلاث او اربع
والباقين هجومين
وانا اشكركم لتفاعلكم
واشكر الاخ الي اتصل علي وهو ما شاف الموضوع بس سمع عنه وداق زعلان
ولكم جزيل الشكر

انا مع كلام احمد هليل العوفي


والله يعطيك العافيه

احترم رايك اخوي سعود
مشكور على الرد

بو نواف ..

انا اشجب وادين واستنكر وانفي

اشهد انك كتبت الموضوع وتوهقت هههههههه

انا اقول كب الموضوع .. ومن الحين ورايح .. اي موضوع راح تكتبه للنقاش .. تراني معارض

ههههههههههههههههههههههههه
والله يا السمي انا ما اكبه لانه فيه موضوع ثاني ما انتبه له احد ولا فيه احد رد عليه
اهتمامكم بس للحريم وبس
هههههههههههههههههههههههههه

بارك الله فيك يا ماجد المواش

وبالنسبة لموضوعك الثاني وهو الدخول للموقع يجب أن يكون بتسجيل...... أنا رديت عليك في ردي الأول ووضحت وجهة رأيي فيه وأرجع لردي الأول فوق .

وثاني شي أنت ما أزعجتنا باقتراحاتك بالعكس أنت تشجعنا علي التفكير والرد وأبداء الرأي وأنت عضو مشارك نشيط فبارك الله فيك يا ابن المواش ولازم تتقبل الرأي والرأي الآخر بصدر رحب .

تسلم يا بوغازي
وكلامك وسام على الصدر لي
وأرائكم جميله وتفاعلكم اكبر