بدر عتيق الحربي
03-17-2008, 01:28 AM
قصيدة قبل راسي بعدها شيخ من مشائخ مكه المكرمه وهذا جُل طموحي...
ياما حلا المجلاس والبال مسـرور=في مجلسٍ والنار شبـت حطبهـا
نترك مجالس فالدواوين وقصـور=وننسى عنَا الدنيا ونتـرك نشبهـا
ونطلع في برٍ به نواوير وزهـور=ورجـال واحدهـم يكـرم شنبهـا
يازين طلعه مآبهـا واحـدٍ بـور=نفسي بهـا تدلـه وتنسـى تعبهـا
هذا يسولفنـا بقصـة لهـا دهـور=عن ناس بالطيّـب تعـلا رتبهـا
وهذا يغني قاف بالصوت مجـرور=بلحن الهجيني صاغها أو سحبهـا
ونحشم لحانا عن سوالف بها زور=الشاهـد الله مانجـي فـي ذنبهـا
إما جعلنا حكينـا حيـل مطهـور=أو جعـل نارنـا يطفـي لهبـهـا
كم واحدٍ بيـن المخاليـق مقبـور=عايش بذكره رايـةٍ لـه نصبهـا
يمشي معانا بالفكـر بارقـه نـور=خلد شذا عطـره وطيبـه سببهـا
كاسب قلوب الناس بالطيب مشهور=صارت عوايد والمراجـل كسبهـا
وكم واحدٍ بين المخاليـق مغـرور=يحسب حسايب والمقالـب شربهـا
صاغر بعين الناس له عدة شهـور=مسكين صاغر والبلـى ماحسبهـا
يمشي وكنه بالفكر رأسـه يـدور=من جوهر الدنيا خلـق أو ذهبهـا
مهما يطول العمر لابـد مقصـور=وترجع في حفرة غاليٍ لك نصبهـا
قبلك شفيع الخلـق فالقبـر مقبـور=اقفى عن الدنيـا حشـا ماوهبهـا
وقبلك ملوكٍ ودعوا عـز وقصـور=أمسوا بغرفه ضيقـه فـي حدبهـا
أحذر ترى تخلق كما النمل محشور=ويوطئ عليك الخلـق والله كتبهـا
الرجل طيبه بين الأجناس مذكـور=نـوخ ركابـه والمعالـي ركبهـا
لاوقفـه حاجـز ولا وقفـه سـور=لن المعالي تنعطـى مـن طلبهـا
احدٍ بجهده والبذل صار مسـرور=واحـدٍ تعـذب والعزايـم شطبهـا
مايحيي الميت ندا صـوت مقهـور=ولاياخذ العذرى سوى من خطبهـا
صغت القوافي وأنا منهي ومأمـور=ابعد عن الشبهـه لوقلبـي رغبهـا
يالله سترك يوم ماينفـخ الصـور=يوم الصعق, يوم النشر من وثبهـا
يوم الصراط اللي على النار منشور=إما نجت روحي أو نشب قضبهـا
يارب توبة قبـل ماصيـر مقبـور=قبل الفتن توقض وحسابك عقبهـا
ذنوبي كثيره والعفـو منّـك بحـور=يالله عفـوك مـن جحيـم ولهبهـا
ياما حلا المجلاس والبال مسـرور=في مجلسٍ والنار شبـت حطبهـا
نترك مجالس فالدواوين وقصـور=وننسى عنَا الدنيا ونتـرك نشبهـا
ونطلع في برٍ به نواوير وزهـور=ورجـال واحدهـم يكـرم شنبهـا
يازين طلعه مآبهـا واحـدٍ بـور=نفسي بهـا تدلـه وتنسـى تعبهـا
هذا يسولفنـا بقصـة لهـا دهـور=عن ناس بالطيّـب تعـلا رتبهـا
وهذا يغني قاف بالصوت مجـرور=بلحن الهجيني صاغها أو سحبهـا
ونحشم لحانا عن سوالف بها زور=الشاهـد الله مانجـي فـي ذنبهـا
إما جعلنا حكينـا حيـل مطهـور=أو جعـل نارنـا يطفـي لهبـهـا
كم واحدٍ بيـن المخاليـق مقبـور=عايش بذكره رايـةٍ لـه نصبهـا
يمشي معانا بالفكـر بارقـه نـور=خلد شذا عطـره وطيبـه سببهـا
كاسب قلوب الناس بالطيب مشهور=صارت عوايد والمراجـل كسبهـا
وكم واحدٍ بين المخاليـق مغـرور=يحسب حسايب والمقالـب شربهـا
صاغر بعين الناس له عدة شهـور=مسكين صاغر والبلـى ماحسبهـا
يمشي وكنه بالفكر رأسـه يـدور=من جوهر الدنيا خلـق أو ذهبهـا
مهما يطول العمر لابـد مقصـور=وترجع في حفرة غاليٍ لك نصبهـا
قبلك شفيع الخلـق فالقبـر مقبـور=اقفى عن الدنيـا حشـا ماوهبهـا
وقبلك ملوكٍ ودعوا عـز وقصـور=أمسوا بغرفه ضيقـه فـي حدبهـا
أحذر ترى تخلق كما النمل محشور=ويوطئ عليك الخلـق والله كتبهـا
الرجل طيبه بين الأجناس مذكـور=نـوخ ركابـه والمعالـي ركبهـا
لاوقفـه حاجـز ولا وقفـه سـور=لن المعالي تنعطـى مـن طلبهـا
احدٍ بجهده والبذل صار مسـرور=واحـدٍ تعـذب والعزايـم شطبهـا
مايحيي الميت ندا صـوت مقهـور=ولاياخذ العذرى سوى من خطبهـا
صغت القوافي وأنا منهي ومأمـور=ابعد عن الشبهـه لوقلبـي رغبهـا
يالله سترك يوم ماينفـخ الصـور=يوم الصعق, يوم النشر من وثبهـا
يوم الصراط اللي على النار منشور=إما نجت روحي أو نشب قضبهـا
يارب توبة قبـل ماصيـر مقبـور=قبل الفتن توقض وحسابك عقبهـا
ذنوبي كثيره والعفـو منّـك بحـور=يالله عفـوك مـن جحيـم ولهبهـا