بسم الله ، والله أكبر ؛ ؛




يا سلامي سلامٍ نبتدي به . . في حضور الجماعه
عد وبل المزون اللي من المنشى . . ترازم رعدها


سالم العرم شاعر ماعليه غبار . . عنده مناعه
هقوتي فيه كبر طويق وجبال . . السراة وعددها

ياهلا مرحبا في ساعة ٍ ماهي مثل كل ساعه = جات في موعدٍ ثاني بعد ما غيرو في وعدها
نعرف الذيب يادحمان لو هو جاع ماكل ذراعه = ياعسى الاوله ياصاحبي تغفر لها اللي بعدها

ياهلا مرحبا في ساعة ٍ ماهي مثل كل ساعه = جات في موعدٍ ياناس ماهو وعدها
عارف الذيب يادحمان لو جاع مايأكل ذراعه =ياعسى الاوله تغفر لها اللي بعدها





تسلم على الرد الطيب في المعنى والمختل في الوزن ؛ أخوي سالم صدر بيتك الأول وزنه ممتاز والباقي دمار :D

واين الصف وينك ياسمي الله الله يادحمان اخاف اقول صح لسانك وتسري

الصفوف نايمين الله يحييهم ، مالنا الا نأجر صفوف ذيب الشمري

أما من ناحية صح لسانك خلاص عندي مناعه ;)

استلمت التعديل

صدر البيت الثاني يبي له صبغ وسمكره ، شد عليه شوي :)

خلاص يادحمان عز الله اني اراهن عليه تبيني احط نقط .......!!!!

ماني فاهم طال عمرك ؛ وش تقصد .. ؟

اقرا الابيات ولحنها يابعدي وشوف 100/. ما فيها كلام

ياهلا مرحبا في ساعة ٍ ماهي مثل كل ساعه = جات في موعدٍ ثاني بعد ما غيرو في وعدها
نعرف الذيب يادحمان لو بات جايع ماتعشى ذراعه = ياعسى الاوله ياصاحبي تغفر لها اللي بعدها



هذا آخر تعديل لك على الأبيات ولازلت عند موقفي عن صدر البيت الثاني ؛ وبعدين الله يحييك من العين المجرده

أعرف وزن البيت مافيه داعي تقول لي لحنّها وش قالوا لك ( أنور عبدالله ) :D

سالم العرم



تصبح على خير أنت ومن تواجد معنا ؛ إختلافنا راح يطول على هـ الموضوع ولكن . . . الأيام بيننا يا إبن العم.

وانت من اهله ومعك حق وتم التعديل

سالم العرم


أسعد الله صباحك ؛ وصراحه يعجبني إصرارك على الرد وكفو والله كفو ياسالم


إستلم :


جعل يبقيك ربي يابن عمي . . والخبر والإشاعه
حط مخرج طواري فـ البنايه . . للعجوز وولدها


المطر قيل بـ أطراف العجاجه . . إسأل إسأل خزاعه
مايبيّن عجيب وماخفي ياسالم . . أمر وأدها

ماعليكم قصور وماعلينا . . لو تبث الاذاعه = والمثل قال من هو عز نفسه . . يارفيقي وجدها
ابشرو بالحياء والخير كله . . دون ديرة قضاعه = جنب واد الرمه تلقى الذيابه . . والاسود وفهدها

بسم الله , والله اكبر

ها :)

فك نفسك الحين ياالدحمي


سالم العرم احييك على اخلاقك العاليه

سالم العرم



عشت والله ولكن البحر تبطي . . ما تاصل لـ قاعه
لو تركّب زعانف ذيبة البحر . . وذنبها ويدها


بارك الله بها ويكفيّ الرجّال . . كنز القناعه
لا كسب من ثلاثه واحده مرّح . . ذلوله وحدها

بسم الله , والله اكبر

ها :)

فك نفسك الحين ياالدحمي


سالم العرم احييك على اخلاقك العاليه




ههههههههههههههههههههههههههههههههههههه

يارجال سالم أنت ويّاه بالأسماء تشابهون وبالأفعال تختلفون ، مايرد بيتين وينحاش :D

صاحبك ياطويل العمر مثل . . النور يجلي شعاعه = والزعانف لحيوان البحر. . وإلا النشاما جهدها
يوم خليت الام الطيبه . . واقفت بك ام الرضاعه = اعرف ان العقود المبهمه . . يبلش بها اللي عقدها

: )

اشوا انك للحين تذكر اني رديت عليك فبيتن وصديت عنك يا القرم النبيها

بالمناسبه ترا انت الوحيد اللي انحشت عنه : )

سالم العرم


اليوم الصبح الظاهر المنتدى جايه حنشل :) ، ترفعونه على سيرفر سعودي والا كويتي الهكرز وراكم وراكم

إستلم :

يا عقاب العواجي صرت رمزٍ . . للعرب فـ الشجاعه
يوم غيرك كحل عينه بالاثمد . . وإبتلش في رمدها

تشرق الشمس وتعوّد لمغربها . . بوصل وقطاعه
جبت لي حجةٍ عصما وأنا . . عوّدت لك في سندها

: )

اشوا انك للحين تذكر اني رديت عليك فبيتن وصديت عنك يا القرم النبيها

بالمناسبه ترا انت الوحيد اللي انحشت عنه : )



تذكرني في بيت الشاعر اللي يقول: :rolleyes:

إن جيتني حطيت في خشمك وبــ . . . . . عود
وأصبحت عود بعود من داخل ومن برانيّه

يوم راكان بن حثلين قال الحق . . مابه طماعه = ياصدوق المخايل وقفي . . همالها مع بردها
فيه حاجه وأنا صاحبك تحفظها . . حقوق الطباعه = دارنا عامره من فضل مولانا . . وحنا عمدها

سالم العرم


بعد نادى المنادي للفريضه . . قلت سمعاً وطاعه
الجنازه تكفّن بالكفن قدام . . يحفر لحدها


عندي ملاحظه وأرجوك تاخذها . . سواة الوداعه
قبل ترفع عمدها ليت ياسالم . . تثبّت وتدها

الله اللي خلق خلقه وحنا اللي . . صنعنا الصناعة = صنعة ٍ مالها إلا من يغطيها . . ويستر جسدها
من ورث عن جدوده شيء يادحمان . . ما يوم باعه =في بلاده مسكن ناس قبل العام . . خلت بلدها