بسم الله الرحمن الرحيم

السلام عليكم ورحمة الله وبركاته


قال ناصر:

خمس طعش فنجال لحنيف صبيت

لو ان بطنـه قربـة قـد ملاهـا

رد عليه حنيف:-


لاتحسب اني من دلالك تقهويت

ماينقه الشراب من كثر ماهـا

وقال ناصر:


يحنيف انا في حمستي ما تدنيت

الدله الصفـرى نكثـر مناهـا


رد حنيف:

وراك ما سويتها يـوم سويـت

مثل العميم اللي يزيـن سواهـا

ناصر ليا مني على البيت سجيت

يرخص حلاله ماحسب مشتراها

وابن عقيل اللي يهلي ليا جيـت

مشرع البيبـان للـي نصاهـا


قال ناصر:

سبيتها يوم انت للضلع لزيت

ضيافتك يا حنيف هذا جزاهـا

ودلال ربعك يوم بالزين ماريت

هم ربعنا قبلك طـوال خطاهـا


رد حنيف:

مانيتي ذمة هل الجـود والصيـت

الملعبـة حنـا نـقـوم سنـاهـا

ياموصي الحرمه على صكت البيت

تقول ماهو فيـه وانتـه وراهـا

ياناصر بحرمتك ويـش سويـت

يوم المره تعسـرت فـي ضناهـا

قالت له ألحق ياعشري تضنيـت

ومسس ولدها لين ينظف غثاهـا

علم الردى يظهر ولو به تهقويت

علم وكاد ويشهـدون اقصراهـا

ياخيبة امك يـوم قالـت تمنيـت

ياخيبـت امـك ياقطيعـة رجاهـا

وين الردود

هذة قصيدة معروف ومشهورة ومازلنا أن ردد أبياتها