الناس ناموا وانـا العبـرات اجاذبهـا=جذب الدلي من معين وردها إحيامـي
بيـديـن بــدو مشافـيـح تناهبـهـا=في نقضت الجزو والماء وردة إزحامي
اشوف وانكـر مـن الدنيـا مذاهبهـا=تضرب بنا امواجها في بحرها الطامي
ياكثـر روعاتهـا وقـسـوة تقلبـهـا=وما طاب فيها من الأحـوال مادامـي
اللي من أول اركوبـه فـوق غاربهـا=ماحصل اردوفها والمشـي درهامـي
تستدرج اهل الأمانـي فـي مكاسبهـا=لكن هيهات تصـدق فيهـا الأحلامـي
ومن صدق الريـح واعيونـه يكذبهـا=كنه يقـارن غبـاه بفرصـة الرامـي
تمـر الأيــام ماكـنـي مجربـهـا=من تضحكه يوم يبكي باقـي العامـي
يالله يالله تكـفـيـنـا نـشـايـبـهـا=ياواحد عـن قضايـا الخلـق مانامـي
ياعالـم غـيـب نفـسـي لاتعذبـهـا=وتجعل لها حجة من نـور الإسلامـي
نفس ما باقي لهـا إلا شـوف طالبهـا=والموعـد المنتظـر تدنيـه الإيامـي
لنـا مواعـيـد مانـقـدر إنجنبـهـا=توقيتها محكـم فـي وقتـه إحكامـي
تـرم المنايـا ولاتخطـي مضاربهـا=ومن صوبته سهـوم المـوت ماقامـي
ساعـة حيـات إليـا وقفـة عقاربهـا=الروح تصعد ويبقى جرحـي الدامـي
والمـوت ماتصلـح ارواح يخربـهـا=ابا أترك الزوج و الأطفـال الأيتامـي
يالوعـة النفـس مـن فرقـا حبايبهـا=ومن طول فرقا تعثر فيهـا الأقدامـي
لابـد مـن رحلـة مايعـود غايبـهـا=وعن الحقايق تواري كـل الأوهامـي
معـي الوثايـق مختـمـة قوالبـهـا=وأخاف مـن نقطـة التفتيـش قدامـي
في مفترق طـرق ياكافـي مصايبهـا=احد الطريقين واحـد منهـن إلزامـي
اما مع أهـل اليميـن وعـز جانبهـا=ولا مع أهل الشمال وشرهـا الحامـي
رحمـاك رحمـاك يامـذري هبايبهـا=يا وامر المسلمين بوصـل الأرحامـي
دعـوة طريـح الخطايـا لاتخيبـهـا=انا ضعيف الوسايل والهـدف سامـي
إليا وردت النفـس ناضبـة مشاربهـا=يالله من شربة تقطـع ظمـا الظامـي
واجيرنا مـن الجحيـم وحـر لاهبهـا=وانت الذي من لجا بحماك ما يضامـي
الشاعر / محمد عبدالله العسيلي

بيض الله وجهك ولاهنت
قصيده اكثرمن رائعه

شكرآ على المرور

صح لسانك

ولاهنت

..


شاعر غني عن التعريف..
لاهنت يالقرم.



..

اشكرآ الجميع على المرور

واقدم ان شاء الله مايليق بالموقع واهله

صح لسان الشاعر وشكرا على النقل

تقبل مروري

مع تحياتي

صح لسانك وبيض الله وجهك

لا هنت

تقبل مروري

صح لساااااااااااانك يالغااااالي وتقبل مروووووري,,,