السلام عليكم..



راح اجيب قصيدتين رديه بيني وبين احد الاصدقاء..


بنغير الموجه شوي :)




دزلي ابيات وهو ذاهب الى اعمامه وجدانه في الدوادمي وهو الشاعر محمد العتيبي..



يقول العتيبي..


في ديرتي غربه وانا عايش بضيق
............ ياسامعين الصوت مانيب ناجي
مع بارق القمرا هجوسي مرافيق
.............. خلت لذيذ النوم حلوه هماجي
ياللي سمعت الصوت من دون تلفيق
........... رد الجواب اللي سماعه علاجي





انا قلت ..

ياللي شكيت بداخل القلب تحريق
................ من سبة الغربه رفيقك تناجي
ويلوفه الهاجوس يرقى الشواهيق
....................... كثرة همومه سببت له زعاجي
ويقول شوف الحل مابي مضاييق
................ يحسب ترا فايز يعدل عواجي
منته غريبن دام حولك مطاليق
.................... جمعة ربوعك سجة واندماجي
وانا سهرت الليل وانام وافيق
............... سبة همومن عكرت لي مزاجي
ويااما مشيت الدرب لوفيه تضييق
................. ويهفني الهاجوس هف العجاجي
وياما تردى الحال وعزومي تضيق
.................. والغم في داخل حشايه يداجي
هذي ترى الدنيا حظوظ وتوافيق
................. الله فرق مابين حر ودجاجي
هذي نصايح وثق العلم توثيق
............... جعل النصايح في دروبك سراجي



اتمنى ان تعجبكم :)

صح لسانك يا بن جزا انت وخويك العتيبي وتقبل مروري

تسلم يمينك على نقل ابيات العتيبي وصح لسانك ..

وماهور غريب هالابدااع والتميز .. هذا الشبل من ذاك الاسد

تقبل مروري

..

الله يعطيك العافيه وانت ولد شاعر معروف ونعم فيه وصح لسان العتيبي ويستاهل منك المساجله وتقبل مروري

<> صحـــ لسانك انتـ وخويك،، العتيبي وهذا ولد الطيب <>

السلام عليكم..


اشكركم جميعا على المرور..



اسعدني اطلاعكم.. :)

الله الله مبدع يابو جزا انت وخويك الشبابي صح السنتكم

صــــــح السانك يابو جزا..

وصـــــــح السان خويك..

السلام عليكم..


لاهنت على مرورك يابن حباب..

علي الجميلي صح بدنك..


بيض الله وجهك..