الصييفي
06-10-2009, 11:29 PM
هذه القصيد كتبت في اليابان بالثمانينات
الهجري أضعها هنا استجابة لطلب الأخ بدر ناصر العمري:
أنا اشهد إني ضاق صدري و مشتاق= للديرة اللّي رحت عنها و اهلْها
أقفيت أنا و القلب كنّه بمعلاق= كسّر حنايا الصدر، خَلّخلْ وصَلْها
الديرة اللّي جيتها مابها فاق= حتى اللّغة كثرت عليّه عللْها
و وجيه أهلها تقل عجز(ن) بمشراق=كبار(ن) مناخرها، صغار(ن) بدلْها
لا جا الصباح و حكّ ساق(ن) على ساق= ما تنعرفْ زوجاتها من بعَلْها
العلم متقدّم بها، و العمل شاقّ= لكن اهلْها للصعوبات وَلْها
ما فيه فرق(ن) بين عالمْ و حلاّق= كلّ(ن) درس له حرفة(ن) و اشتغلها
ناس(ن) خذوا من ديننا كلّ ما لاق= إلا الشهادة ما به احد(ن) وصلْها
يبو سعد عساك للخير ملحاق= و عساك تسلم من خفايا حبلْها
لا جاك خطي اللّي كتبته بالاوراق= قَبِّل جبين أمي و ملبس حللْها
ودّعتها و الدّمع مال(ن) الاحداق= وكنًّيت عبراتي بصدري لاجلْها
وأسألك يا رب(ن) كفيل(ن) بالارزاق= تحفظ بلاد(ن) ما ندوِّر بدلها
وصلاة ربي عد ما لاح برّاق= عليك يا أحْمَدْ، و خاتم رُسُلْها
الهجري أضعها هنا استجابة لطلب الأخ بدر ناصر العمري:
أنا اشهد إني ضاق صدري و مشتاق= للديرة اللّي رحت عنها و اهلْها
أقفيت أنا و القلب كنّه بمعلاق= كسّر حنايا الصدر، خَلّخلْ وصَلْها
الديرة اللّي جيتها مابها فاق= حتى اللّغة كثرت عليّه عللْها
و وجيه أهلها تقل عجز(ن) بمشراق=كبار(ن) مناخرها، صغار(ن) بدلْها
لا جا الصباح و حكّ ساق(ن) على ساق= ما تنعرفْ زوجاتها من بعَلْها
العلم متقدّم بها، و العمل شاقّ= لكن اهلْها للصعوبات وَلْها
ما فيه فرق(ن) بين عالمْ و حلاّق= كلّ(ن) درس له حرفة(ن) و اشتغلها
ناس(ن) خذوا من ديننا كلّ ما لاق= إلا الشهادة ما به احد(ن) وصلْها
يبو سعد عساك للخير ملحاق= و عساك تسلم من خفايا حبلْها
لا جاك خطي اللّي كتبته بالاوراق= قَبِّل جبين أمي و ملبس حللْها
ودّعتها و الدّمع مال(ن) الاحداق= وكنًّيت عبراتي بصدري لاجلْها
وأسألك يا رب(ن) كفيل(ن) بالارزاق= تحفظ بلاد(ن) ما ندوِّر بدلها
وصلاة ربي عد ما لاح برّاق= عليك يا أحْمَدْ، و خاتم رُسُلْها