غريب الدار

الشاعر غزاي الحربي.. الذي نجد به الرقة والصدق في مشاركاته ومخاطبة الروح يجمعنا مع غزاي الحربي كل المحبة والتقدير والساحة القديمة التي كان مطلا بها دائما ومشاركا.

غريب الدار.. من يفهم ظروفه=لا صار بغربته همّه يحوفه

يفكّر بالجماعة والحبايب=يحس علومهم قامت تطوفه

ونار الشوق من يطفي لهبها=ليامنه سرَح ثم مد شوفه

تصوّر في خياله من يودّه=وقامت دمعته تنخى كفوفه

تذكّر موطن قلبه يحبه=غلاه من الصغر في وسط جوفه

مكان تسكنه ناس عزيزه=خصوصاً والده وأَمٍ عطوفه

وطفل مبتدي باول كلامه=حلاته لا تلعثم في حروفه

وطراله صاحبٍ يسكن خياله=حبيبٍ يعجبه كامل وصوفه

يعدّ الوقت ساعات ودقايق=ونوم الليل لا فكر يعوفه

ولكن بالصبر لو كان قاسي=حقايق حلمنا لازم نشوفه

وتعود أيامنا حلوه جميله=وكلٍ بالفرح يضرب دفوفه

شعر/ غزاي الحربي

اخوي وشاعرنا.. غزاي الحربي

صح لسانك..يالغالي قصيده جميله ومعبره

تقبل مروري المتواضع وكل الاعجاب بتميز طرحك

دمت برعاية الله الخالق الباري

السلام عليكم ورحمة الله وبركاته
صح لسانك وعلا شانك ياو نومان

والله يبيض وجهك على هالقصيدةالطيبه
يعطيك العافية والله لا يخلينا منك

الله يجمّلكـ وصح لسانكـ
أبياتك رائعه وشاعريتكـ
وصدقـ أحاسيسك أروع وأجمل

@
@

تحياتي لكــ

الاخ فيصل الغضبان اشكرك على نقل القصيده وتسلم من كل شر وشكرا للاخوه الذين شرفونا بالتعليق على القصيده