السلام عليكم..



الغياب مزعج في بعض الاحياان..


لكن اتمنى ان تشفع لي القصيده بعد هذا الغياب..



اترككم..

وجدي وجود اللي صدوعه عراقيب
يركض ورا بدون وشـدو وقفّـوه
والا وجود اللي تعارض له الشيب
كبروا عيالـه ثـم قفّـو وخلّـوه
والا غريبن جالسن عند اجانيـب
غرّب عن دياره وقاموا وهانـوه
وجد اليتيم اللي تعلـى المراقيـب
امـه توفـت واذكروهـا وبكّـوه
وانا خفوقي فيه ضرب المحاديـب
ضربة سيوفن عند الادباش سلّوه
فريس قومن لااكشفن الرعابيـب
دم حمر بسنانـه السيـف بجّـوه
على الذي ماجاه قـل العذاريـب
ساكن خفوقي والمعاليق ضمّـوه
واليوم من بيني وبينه مصاعيـب
غيّب عن عيوني والاشرار حـدّوه
لامرني طاريه عفـت الخراعيـب
واخشى حسدهم كل مامر شافـوه
ولو الجروح تنام وسط الدواليـب
ماصارت الفرقى ولادمـع هلّـوه
واللي يقول الحـب كلـه اكاذيـب
قلبه ترا ميّت وفي القبـر حطّـوه





وسلامتكم..؟؟

تسلم وصح لسانك على هاذي القصيده الطيبة وعلى ما قلته

وانا شافعلك عن الغياب بس بدون انقطاع يابو جزا

إحساس غير , نبض فاخر صح الله لسانك وطيب فالك قصيده عفويه ورااقيه لا عدمنــا جديدك

صح ألسانك يابو جزا قصيدتن جزله من رجل جزل

وبيض الله وجهك ووالديك بالجنه ولا تقطعنا من القصايد الجزله

صح لسانك يابو جزا علي القصيده الطيبة

صح لسانك يابو جزا علي القصيده الرائعة

تقبل مروري مغليك/فايز المنقدير

بدر ناصر العمري..


صح بدنك..

ولاهنت,,,

الجلهمي .... الكبر لله..


صح بدنكم..


لكم كل تقديري....

سعود باين..

فايز المنقدير..


لاهنتو يالغالين..