احمد هليل العوفي
07-01-2009, 11:30 AM
بسم الله الرحمن الرحيم
الحمدلله رب العالمين والصلاة والسلام علي
اشرف المرسلين سيدنا محمد وعلي آله واصحابه الطيبين
بالبدايه نرحب بالشاعر/ احمد دحيلان الحربي
في موقع قبيلة حرب الرسمي في دولة الكويت وذلك
ضمن سلسلة التواصل مع ابناء القبيله في جميع المجالات
وها نحن نستضيف شاعر يتمتع بسعة الصدر اللي عودنا عليها
شاعر جزل بدأ الكتابه بالشعر منذ سن مبكر
واستطاع اثبات وجوده في مجال الشعر
رحبو معي بالشاعر المبدع/ احمد دحيلان الحربي
::
::
http://www.hrb-kw.net/upload/uploads/images/hrb-kw-net2d616ba9ad.gif
::
::
س 1 / بالبدايه عرفنا عن بطاقه الشخصية .. ؟
اخوكم : احمد دحيلان الحربي
مواليد : 1976
بدأت الكتابه بالشعر منذ 15 سنه تقريبا
متزوج ولدي 4 أبناء
::
::
س 2 / كيف كانت بدايتك بالشعر .. ؟
بدايتي مثل بداية اى شاعر كانت لدي محاولات متواضعة جدا كلها أخطاء والحمد الله قدرنا نعدل من الأخطاء طبعا بأخذ الملاحظات من إلى قبلنا في مجال الشعر
::
::
س 3 / ابو نواف في فترة من الفترات كنت مواظب على النشر في الصحف والمجلات وفجأة توقفت عن النشر ماهو السبب بذلك .. ؟
طبعا اى شاعر في بدايته يريد الظهور وإثبات الوجود عن طريق النشر وتعريف نفسه للمتلقى . ويكون فى ذلك أرضاء لغروره . ومن ثمه يأتي إلى حالة الركود وأكتفاء بما سبق . اضف إلى ذلك مسؤليات الحياة التى تشغلنا عن الالتفات إلى النشر أو متابعه أحداث الساحة الشعرية . خصوصاً أن عمليه النشر تحتاج إلى متابعه ولكن لا يعنى هذا أن من لا ينشر لايكتب
::
::
س 4 / هل كان معك شاعر كان ينشر وبعدها توقف .. ؟
نعم كان معي الشاعر / مناور مران الرجيبان الي أذكره الحين تقريباً كنا مع بعض وكان سابقنى فى موضوع النشر وأنقطعنا مع بعض وكان في ذلك الوقت ننشر عن طريق البريد ماكنا نأتي الى الجريدة
::
::
س 5 / يكتب احمد دحيلان النبط والتفعيله والفصحى أين تجد نفسك .. ؟
الفصحى محاولتي فيها خجولة جداً . أما أين أجد نفسي فى الأثنين { النبطي والتفعيله } مع ميولي الى التفعيله اكثر . لوجود مساحه اكبر في التعبير واللعب فى العبارات
::
::
س 6 / ما هي البحور التي تميل لها .. ؟
أكثر البحور الى اكتب عليها المسحوب والصخري والبحر الطويل وأتعمد الكتابه عليها لأني أجد نفسي فيها
::
::
س 7 / ابو نواف نبي نسمع منك قصيدة تفعيلة .. ؟
الخيانه ,,,
شنهو تعريف الخيانه ,,,
اعتقد ان الخيانه شي مؤلم او
اهانه ...
او تحب اللي عشق يترك
,,, مكانه ,,,
الخيانه عكسها المطلق
نسميها الامانه ..
ياجروحي وين اروح....
ضاقت الدنيا علي....
ومابقا بالروح روح...
... مل صبري ...
وانهدم كل الطموح...
البدايه :
ترسم خيوط النهايه ,,,
والحكايه:
نفسها نفس الحكايه ,,,,,
حب عاشق مستهام / ماعرف لحظه يخون
ماعرف لون الظلام / طيّب وقلبه حنون
وبجنون ,,,
حب ذيك اللي تكون ,,,
في عيونه ,,,
اغلا من ضي العيون ,,,
واخلص لها ,,,
واصبح على بعضه ....
لــــــــــها ,,,
وهي تبادله الحنين ,,,
مجمل كلام المغرمين ,,,
حب وغرام واحلى كلام ,,,
افلام عشق العاشقين ,,,
ولمّا ينــام ,,,
يغيب عنها لحظتين ,,,
ترمي شباك الفانيات ,,,
تنسا عفاف المحصنات ,,,
وهو على فاله يقول ,,,
نامت وعطاها السبات ,,,
وهـــذي الحياة ,,,
ياهيه شفيك انا احمد ,,,
انـــــا احمـــد ,,,
انا اللي يوقد جروحه
اذا ذابت عن طعونك ,,,
وانا اللي يسهر عيونه ,,,
اذا ماشافت عيونك ,,,
انـــا احمــــد ,,,,
انا اللي صار مجنونك ,,,
انا اللي ماعرف لحظه ,,,
يفكّر انه يخــــونـك ,,,
::
::
http://www.hrb-kw.net/upload/uploads/images/hrb-kw-net07203dda2e.gif
س 8 / يقال أن أعذب الشعر أكذبه مارأيك .. ؟
صحيح 100 % 100
::
::
س 9 / لماذا .. ؟؟
لأن ماهو ضروري يكون الكلام كله واقعي بالعكس لازم تبدع في خيالك ومبتدعين الشعر هم قالوا هالكلام وليس أنا
::
::
س 10 / ألا تظن أن الشعر إذا كان واقعي يصل إلى المستمع بسرعه ويعبر أكثر ..؟؟
الشعر يصل إلى المتلقى فى كل الحالات ولكن المتلقى لا يريد سماع قصه خاليه من التصوير والتشبهات
::
::
س 11 / ما هي نظرتك للساحة الشعبية في الوقت الراهن .. ؟؟
أشوف أن العالم صاروا كلهم شعار في وقتنا الحالي
::
::
س 12 / هل إجابتك تعتبر مدح أو ذم .. ؟؟
والله الأثنين
::
::
س 13 / هل للقصيده أوقات معينه تكتب فيها .. ؟؟
لا يوجد أوقات معينه لكتابه القصيدة فهي تاتي فكرا بناءاًُ على موقف أو حدث
::
::
س 14 / هل تذكر لنا قصيده كتبتها في موقف معين .. ؟؟
يوم ضاقت بي دروبي بالزحام=يوم خلتني على وجهي اهيم
ابتسم في ضيقتي كل اللئام=صار وقتي للفرح فيني خصيم
تو مابان الغراب امن الحمام=وتو مابان الكريم امن اللئيم
يوم كلن ماجداه الا كلام=فز لي حرن كما فزة عظيم
ذاك ابو تركي له العليا مقام=عزوة اللي صارت ضلوعه هشيم
هو يغط شلون وعيونه تنام=يوم عمّه يشتكي ليلن عتيم
ابن اخوي ومسندي وابن الكرام=اشهد اني مازهمت الاّ كريم
الجواد العف من لامه يلام=الشجاع الوافي اللي مايظيم
المراجل صارت لخالد وسام=والشكاله صارت لخالد نديم
مايدنس خطوته بين الحرام=ولايعرف دروبه الا المستقيم
بين ذاك وذاك تلقاه الحسام=مايصوّب كود في وسط الصميم
مايعرف الذل ماذاق انهزام=قايدن لعداه قوده للحريم
عزوتي هو عزوتي جعله دوام=مسندي هو مسندي وامن القديم
لازهمته ارتعد فزعه وقام=يقلب احزاني على راسي نعيم
شالني يوم ارتخت فيّ العظام=يوم غيره ماقوى شيل الفطيم
يوم غيره عادت قصوره هدام=هو بنا عزّه على الدرب السليم
له معزه له وقار واحترام=به شموخ وبه تفاني مستديم
والسموحه يوم ماجاد الكلام=في جناب اللي له القدر العظيم
هو بداية مقصدي وهو الختام=الكريم ابن الكريم ابن الكريم
::
::
س 15 / هل هناك شاعر كنت من متابعينه قبل دخولك لعالم الشعر .. ؟؟
كثيرا من الشعراء مثل الرموز المعروفه { خالد الفيصل
وبدر عبدالمحسن ومتعب التركي } والكثيرين . وأحياناً نقرا قصايد مدرسه بدون لاتعرف صاحبها
::
::
http://www.hrb-kw.net/upload/uploads/images/hrb-kw-net82e7a9f5c0.gif
س 16 / هل هناك شعراء من القبيله تتنبأ لهم بمستقبل مشرق .. ؟؟
كثيرين وبعتقادي ابرزهم عبدالعزيز بن سبيل ونادر بن حباب ولا قصور بحد
::
::
س 17 / مارأيك في فن المحاوره وهل لديك محاولات .. ؟؟
طبعا هو فن أميل له وليس كل شاعر يتمكن منه وليس لدي محاوله بهذا اللون من الفن الشعري
::
::
س 18 / سمعنا قصيدة نبعد فيها عن الغزل؟؟
بدايه نبتدي باللي رجينا منه الغفران
ونسعاله على شان القلوب تذوق غفرانه
مدام انّا على الدنيا وكل اللي عليها فان
ولايبقى سوى وجه العزيز الله سبحانه
نبي نركع نبي نسجد مدام انّا على الايمان
نبي نطلب من الله العفو والصفح واحسانه
ومنهو فوق هالدنيا يصيب ولاطلع غلطان
واذا بان الخطا فينا تعود النفس غلطانه
نعم نخطي ونتعلم وهذه سنّة الانسان
نفوسن تشرب الذل ونفوس العز ربحانه
وترانا كلنا لاصاحت الصيحه نكون اخوان
يفز الرجل فينا كان شاف الضيق باخوانه
على شيمة هل العز وعلى وقفة هل الاحسان
على مدة كريمن مانوى الرحمن خذلانه
ولو حتى عبث مره دخل مابيننا الشيطان
ومنهو مثلنا يقدر على الشيطان بايمانه
نقول الله ياغافر ذنوب الخلق يا الرحمن
ولاغيرك ترجينا وعز الدين باركانه
بدايتنا ونهايتنا رجينا منه الغفران
ونسعى له على شان القلوب تذوق غفرانه
::
::
س 19 / هل لك علاقة صداقه مع أعضاء المنتدي ..؟؟
نعم وهى كثيرا وهذا يعتبر من ثمرة منتدي قبيلة حرب
س 20 / هل لديك مساجلة بينك وبين شعراء المنتدي .. ؟؟
نعم بيني وبين الشاعر / سالم مناع الوهبي الذي تشرفت بمعرفته عن طريق المنتدي
يقوله اللي وقف بالمرقب لحاله
ويسامر أطلال ما قد راح من عمره
يحتار مابين تلويعه وغرباله
ماله جدا إلا يصيح وينثر العبره
ويشوف الأحزان والضيقة تهيّاله
ولا نفعه السكوت ولا نفع صبره
ماغير يصفق يمينه بأوسط شماله
والجوف كنه حوا في داخله جمره
على الذي في يدينه يقطع وصاله
أقفا وخلا الشقي يحتار في أمره
كذا بلا أسباب عن بعده وترحاله
ليته تعذّر وأكابر وارتضي عذره
يا شعري انهج على من طاب منزاله
الصّاحب اللي تعلا للسما قدره
سلّم وقلّه وصلة وشايل رساله
لك من خويّك عساك تشد من أزره
سالم ومن غير سالم جيت أبلجاله
لا شفت وقتي هوى من عثرة لعثرة
وأنا ادري انّه يغيث اللي تعنّاله
وادري يفرّج على من ضاق به صدره
نعمٍ فبوه ونعم في عمّه وخاله
ومليون نعمٍ تجي في طوعه وأمره
يا صاحبي شف خويّك منشغل باله
وأنت تحس العنا من تسمع النبرة
إجيوش همّه تجي رجلي وخيّاله
دنياه صارت عليه أضيق من الإبرة
ماجيتك إلا وأنا اللي حالتي حاله
يا قو صبري على الفرقا ويا كبره
عامين مدري عن أخباره وأحواله
عامين .. لاوالله الا كنّهم عشره
شفني على الدرب واقف واتحراله
وادريبه إن مرّني ما يرسل النظرة
الناس قالوا هبيل وبيّن هباله
والناس وشلي بها من يزعل ويشره
لاصار بين الضّلوع موثّق حباله
ولاصرت كلّي كذا مسجون في أسره
قلّي على شي واحد واقدر احتاله
أخير من قولتي يا عيشةٍ قشره
يا بخت منهو خفوقه سالي وداله
ما شاف عين الفتون ولا سبح بحره
ولا شاف خدّه وهو ينور على شاله
ولاشاف مبسم غدير ولا لمح شعره
البعد شين وعذابه كيف ابقواله
للموت سكره وأنا من سكره لسكره
ان مت قبله عسا في موتي اشواله
وان مات قبلي عسا موتي على قبره
يا سالم العلم جالك وأنت تقراله
دبّر عسا في يدك يا صاحبي دبره
من واحدٍ واقفٍ بالمرقب لحاله
ويسامر اطلال ما قد راح من عمره
وهذا رد الشاعر / سالم مناع الوهبي على الشاعر / احمد دحيلان
يقوله اللي وصلته منك رساله
وهو طبعه يقدر الشاعر على شعره
يومن كل يصوغ ويضرب امثاله
في مركز الشعر كل عارف قدره
يامرحبا في رجال العز والطاله
ذوي رجيبان والطيب على ذكره
ولاني بجاهل من رجيبان وعياله
الله يقوي بقاه وياسع بقبره
من مات جعل الجنان الخضر منزاله
والحي منهم عسى الله يطول بعمره
ماصيدي انه ولد عمي وانا خاله
لجل امدحه واتملق وانطل الغتره
الآدمي في لسانه تحبط اعماله
ان ماصدق في كلامه حلوه ومره
وكل يقول المثل تشهد له افعاله
والناس تفقد وتنقد كلن وعذره
ويوم ان اخوي العزيز احمد شكى حاله
من ماجراله شكالي عسره ويسره
رقى المراقب وغنى جر مواله
غنى لحون الحزين وضاقبه صدره
يضن حالي سعيد وهو يوراله
يشوفني مبتسم مابين الحسره
عزاه عزاه ليته همه لحاله
هيض شجوني وانا اول كاتم العبره
وهو مادرى ان صاحبه بالهم يرثاله
يخفي مصابه ولاحدٍ داري بامره
من وقتنا اللي تردا مدري وشجاله
وانا اتصبر عليه وراضخ لأمره
عاقبني الله فيه وذقت غرباله
اما الغزل والمحبه مالنا خبره
مالله كتبلي وانا ماني مع احواله
لكني اعرف اعلومه خيره وشره
من خلقت الناس والاحباب شغاله
احد تهنا ونال البدر والقمره
واحدن شقاوي وضايق فكره وباله
واحدن غريق يخبط موجه وبحره
واحدن خذاه الهبال وزود هباله
ولالكل مخلوق يقدر يحتمل صبره
واليوم عزي لحالك وعزي لحاله
كانه تذكر هاك الايام والعشره
تقل من فاقدٍ الغالي من امواله
ولاباقي الا الزهيد ويشتكي فقره
يدق صدره قهر ويهل هماله
تدفق دموعه على ماحل منحدره
لكن يااحمد تحمل واصبر اهواله
الحب قبلك رجال ذايقه قهره
عزيز قوم العرب يرخص له اذلاله
ومن غاب عنك التمس في غيبته عذره
ماهو بوده وقل جا من تصداله
وكاد من جاه دوني وامنعه جبره
والله يعين اللذي يدعي ويجاله
الشكوى لله وعليه الأمر والدبره
::
::
س 21 / المعروف ان والدك دحيلان شاعر معروف عند رجال القبيلة هل استفدت من تجربه والدك .. ؟؟
طبعاً استفدت معنوياً بشكل كبير بالرغم أني بدأت كتابه الشعر بعد وفاته . ولكن كلما أسمع من قصائده يكون حافز لى ان لا اكتب الأ في المستوي الذي يليق بشعر.
::
::
http://www.hrb-kw.net/upload/uploads/images/hrb-kw-net94c3f3f0c5.gif
س 22 / هل تذكر لنا قصيده من قصائد والدك .. ؟؟
(( بعد ما زاره احد الرجال وتقهوى عنده في مجلسه وكان هناك مجموعه من الضيوف موجودين قام هذا الزائر وطلب من الوالد ((دحيلان بن رجيبان)) ان يحادثه على انفراد في الخارج .. فذهب معه الوالد معتقدا ان الموضوع في غاية الاهميه ...
فقال الزائر لوالدي : انا اريد ان اخطب احد بناتك وانا على استعداد لدفع المهر الذي تريده حيث اني ميسور الحال ..
فقال له الوالد : اسمع يا ولدي انا قد زوجت خواتها بدون اي مبالغ فأنا اشتري الرجال .
ولماذا لم تخطب ابنتي امام الرجال في المجلس لعدم وجود ما يعيب ذالك ؟
لذا انا ابلغك بعدم موافقتي..وكان من ضمن الحضور الشاعر ((هليل بن حمدان الحربي)) وعنده بنت صغيره فانشد هذه الابيات)) :
يـاغـريب الزين يا بنتي غريبه
يـا غـريب الـزين يـا عنق المهاتي
بـنـت عـودٍ ما تحيّل في نسيبه
ولا تحـيّل بــالـعـلوم الــخـايـبـاتي
حـالفٍ عـن بـيـعها والله رقيبه
واقـمـحوا يـاللي تـبـيـعـون البناتي
رزقـنا عـند الـولي ربي يجيبه
رزقـنـا مـاهـوب بـيـع المحصناتي
جـعل بـيّاع النسا يردى نصيبه
يترك الماجوب واعرض للشماتي
ان عـزم في بيعها تصفى قليبه
افـزعـولـه يـالـمـعاطـيب الرماتي
وخبّر اللي راكبٍ كور النجيبه
يـخـبّر اللي يـشـتـرون الـطايلاتي
بيعهن عـند النشامي ما سعيبه
ولا خـبـرنـا بـالــسـلــوم الاولاتي
::
::
فعندما سمع والدي (( دحيلان بن رجيبان )) هذه القصيده انشد مجاريا لها ومحاكيا لنفس الموقف :
::
::
راكـب اللي لا مشى جاله حطيبه
مـوتـرِ يـطـوي بـعـيـد الـنايـفـاتي
فـوقـه اللي يـاخـذ الـعـلـم ويجيبه
يـم اخـو حـسـنه معشي الجايعاتي
كـان ابـن حمـدان ما طالب نسيبه
فـأنا اسوق المال مع جيزت بناتي
جـيـزتـي بـريـال والله لي رقـيـبه
والـشهـود حـضور والكلمه ثباتي
يـوم ولـد الاش عـيـبه مـا دريـبه
يـحسب ان الـطيب بيع المترفاتي
مـن يـبـيع بـعـورتـه يردى نصبه
يـحـاسبه مـولاه مـن بعد المماتي
بـيعة العورات من طرق المعيبه
تـقـصر الـناموس عند الموجباتي
سـبّبوا تـعـطيـلهن صارت غليبه
عـنّسـوا بـبـيوت اهلهن قاعداتي
والـردي لـو يـنتـقدني ويش ليبه
والسـنـافي دامـحٍ زود هـفـواتي
رزقـنا عـند الـولي والله يـجيبه
مـثـل مـا يرزق طيورٍ حايماتي
::
::
س 23 / هل هناك من شعراء منتدي قبيلة حرب في الكويت تحرص على متابعتهم ..؟؟
والله كل شعراء المنتدي أتابعهم وأشوف لهم مستقبل باهر وأتمني لهم التوفيق
::
::
س 24 / هل هناك قصيده قريبه من نفسك .. ؟؟
ماني بلا ضايق ولا خاطري شين=أبشّرك مرتاح بالي ورايق
قالوا غريب وعادته يشكي البين=وأقول لا تطرونها لا تضايق
صحيح لي ونّه من الحين للحين=احتاجها تبقى معاي لدقايق
لأني بشر والله خلقني من الطين=مثلي مثل يا حسين باقي الخلايق
اشتاق .. ايه اشتاق مير الله يعين=لا صار قدام المواصل عوايق
أنا هنا .. وأهلي وربعي بعيدين=هذاك يوقد بالخفوق الحرايق
ما شاقني شوف المزايين=ولاني لدار أهل الملذات تايق
دارٍ بلا أخلاق أو شرع أو دين=فيها الرذيلة تنعرض بالحدايق
في صبحهم عبّاد .. بس القوانين=وبليلهم .. منهو مع الليل فايق
واشلون ما أشتاق واحن والين=وأنا سبيلي بس بالنت أوايق
ياحسين ربعي كلّهم كالسلاطين=وعندي على ماقول صك وثايق
ربعي ليا ضاقت عليك البلادين=صارولك اقرب من قريب الشقايق
ابشر بهم عند اللوازم سريعين=جولك كما سح المزون اللحايق
لا يابعد لندن وروما وبرلين=من غيرهم لمنازع المجد لايق
فيهم يطيب الخاطر وتفرح العين=لاصرت تنشدني وتبغا الحقايق
ياحسين شفني ضايق وخاطري شين=ستين يوم وكل يوم متضايق
::
::
25 / اهميه النقد في الشعر النبطي تكتمن في كفاءة الناقد فهل أصبح النقد الحقيقي مفقود .. ؟؟
طبعا لازال موجود وأصبح من السهل أكتشاف النقد البناء من النقد المجرد .. والنقد مفيد بالنسبه للشاعر وإن لم يكون هناك نقد لن تسمع شعر جيد
::
::
http://www.hrb-kw.net/upload/uploads/images/hrb-kw-nete20b864630.gif
س26 / نبي نختم القاء بقصيده نتمني ان تكون في قبيلة حرب .. ؟؟
يالله انك ماتشمّت بي عذول=يوم بعض الناس قالت وكذبت
ماني مطول عساها لاتطول=كلمتن تكفي مدام اتهذّبت
اذكر الله ثم اصلي عالرسول=واحمد الله واحدن دينه ثبت
عزنا باسلامنا وبما ننول=يوم دين الجهل ولاّ وانكبت
والشكاله ماتجي بين الخبول=نعمتن عن من نساها جنبت
والردى باهل الردى يلقا ميول=بينهم لا شرقت وان غربت
وللمعالي دايمن صعب الوصول=كم نفسن للمعالي عذبت
والبشر من طبعهم حب الفضول=ماتعرف الا على ماجربت
والمراجل بالقلوب وبالعقول=والسوالف باللسان وكتبت
ايه والله لا تباهو بالاصول=اشهد اني من عرب ما استعربت
حرب لادقت مع حرب الطبول=عن ملاقا خصمها ما غيبت
هم هل الفزعات متعبت الخيول=هم صناديدن من الطيب شربت
بالملاقى كم تصول وكم تجول=والثكالى من ورى حرب اندبت
من نخاهم كل ضيقاته تزول=ومن يعادي كل دنياه خربت
ظيفهم في عزهم طاب النزول=دام حرب اللي على الطيب ركبت
مايميّل فعلهم دام معدول=ولاتطفّى نارهم دام الهبت
يوم قلت بحرب ماودّي اقول=فز وردن من على الدفتر نبت
والختام الف الصلاة عالرسول=عد شمسن اشرقت ثم اغربت
::
::
س 27 / كلمة اخيره من شاعرنا / احمد دحيلان .. ؟؟
بيض الله وجيهكم ونشكركم على جهودكم المبذولة وهذا شي ليس بغريب عليكم وعسانا إن شاء الله قلنا شي يفيد ويمتع القارئ.
::
::
مع تحيات
إدارة موقع قبيلة حرب الرسمي في دولة الكويت
kw_sms@hotmail.com
الحمدلله رب العالمين والصلاة والسلام علي
اشرف المرسلين سيدنا محمد وعلي آله واصحابه الطيبين
بالبدايه نرحب بالشاعر/ احمد دحيلان الحربي
في موقع قبيلة حرب الرسمي في دولة الكويت وذلك
ضمن سلسلة التواصل مع ابناء القبيله في جميع المجالات
وها نحن نستضيف شاعر يتمتع بسعة الصدر اللي عودنا عليها
شاعر جزل بدأ الكتابه بالشعر منذ سن مبكر
واستطاع اثبات وجوده في مجال الشعر
رحبو معي بالشاعر المبدع/ احمد دحيلان الحربي
::
::
http://www.hrb-kw.net/upload/uploads/images/hrb-kw-net2d616ba9ad.gif
::
::
س 1 / بالبدايه عرفنا عن بطاقه الشخصية .. ؟
اخوكم : احمد دحيلان الحربي
مواليد : 1976
بدأت الكتابه بالشعر منذ 15 سنه تقريبا
متزوج ولدي 4 أبناء
::
::
س 2 / كيف كانت بدايتك بالشعر .. ؟
بدايتي مثل بداية اى شاعر كانت لدي محاولات متواضعة جدا كلها أخطاء والحمد الله قدرنا نعدل من الأخطاء طبعا بأخذ الملاحظات من إلى قبلنا في مجال الشعر
::
::
س 3 / ابو نواف في فترة من الفترات كنت مواظب على النشر في الصحف والمجلات وفجأة توقفت عن النشر ماهو السبب بذلك .. ؟
طبعا اى شاعر في بدايته يريد الظهور وإثبات الوجود عن طريق النشر وتعريف نفسه للمتلقى . ويكون فى ذلك أرضاء لغروره . ومن ثمه يأتي إلى حالة الركود وأكتفاء بما سبق . اضف إلى ذلك مسؤليات الحياة التى تشغلنا عن الالتفات إلى النشر أو متابعه أحداث الساحة الشعرية . خصوصاً أن عمليه النشر تحتاج إلى متابعه ولكن لا يعنى هذا أن من لا ينشر لايكتب
::
::
س 4 / هل كان معك شاعر كان ينشر وبعدها توقف .. ؟
نعم كان معي الشاعر / مناور مران الرجيبان الي أذكره الحين تقريباً كنا مع بعض وكان سابقنى فى موضوع النشر وأنقطعنا مع بعض وكان في ذلك الوقت ننشر عن طريق البريد ماكنا نأتي الى الجريدة
::
::
س 5 / يكتب احمد دحيلان النبط والتفعيله والفصحى أين تجد نفسك .. ؟
الفصحى محاولتي فيها خجولة جداً . أما أين أجد نفسي فى الأثنين { النبطي والتفعيله } مع ميولي الى التفعيله اكثر . لوجود مساحه اكبر في التعبير واللعب فى العبارات
::
::
س 6 / ما هي البحور التي تميل لها .. ؟
أكثر البحور الى اكتب عليها المسحوب والصخري والبحر الطويل وأتعمد الكتابه عليها لأني أجد نفسي فيها
::
::
س 7 / ابو نواف نبي نسمع منك قصيدة تفعيلة .. ؟
الخيانه ,,,
شنهو تعريف الخيانه ,,,
اعتقد ان الخيانه شي مؤلم او
اهانه ...
او تحب اللي عشق يترك
,,, مكانه ,,,
الخيانه عكسها المطلق
نسميها الامانه ..
ياجروحي وين اروح....
ضاقت الدنيا علي....
ومابقا بالروح روح...
... مل صبري ...
وانهدم كل الطموح...
البدايه :
ترسم خيوط النهايه ,,,
والحكايه:
نفسها نفس الحكايه ,,,,,
حب عاشق مستهام / ماعرف لحظه يخون
ماعرف لون الظلام / طيّب وقلبه حنون
وبجنون ,,,
حب ذيك اللي تكون ,,,
في عيونه ,,,
اغلا من ضي العيون ,,,
واخلص لها ,,,
واصبح على بعضه ....
لــــــــــها ,,,
وهي تبادله الحنين ,,,
مجمل كلام المغرمين ,,,
حب وغرام واحلى كلام ,,,
افلام عشق العاشقين ,,,
ولمّا ينــام ,,,
يغيب عنها لحظتين ,,,
ترمي شباك الفانيات ,,,
تنسا عفاف المحصنات ,,,
وهو على فاله يقول ,,,
نامت وعطاها السبات ,,,
وهـــذي الحياة ,,,
ياهيه شفيك انا احمد ,,,
انـــــا احمـــد ,,,
انا اللي يوقد جروحه
اذا ذابت عن طعونك ,,,
وانا اللي يسهر عيونه ,,,
اذا ماشافت عيونك ,,,
انـــا احمــــد ,,,,
انا اللي صار مجنونك ,,,
انا اللي ماعرف لحظه ,,,
يفكّر انه يخــــونـك ,,,
::
::
http://www.hrb-kw.net/upload/uploads/images/hrb-kw-net07203dda2e.gif
س 8 / يقال أن أعذب الشعر أكذبه مارأيك .. ؟
صحيح 100 % 100
::
::
س 9 / لماذا .. ؟؟
لأن ماهو ضروري يكون الكلام كله واقعي بالعكس لازم تبدع في خيالك ومبتدعين الشعر هم قالوا هالكلام وليس أنا
::
::
س 10 / ألا تظن أن الشعر إذا كان واقعي يصل إلى المستمع بسرعه ويعبر أكثر ..؟؟
الشعر يصل إلى المتلقى فى كل الحالات ولكن المتلقى لا يريد سماع قصه خاليه من التصوير والتشبهات
::
::
س 11 / ما هي نظرتك للساحة الشعبية في الوقت الراهن .. ؟؟
أشوف أن العالم صاروا كلهم شعار في وقتنا الحالي
::
::
س 12 / هل إجابتك تعتبر مدح أو ذم .. ؟؟
والله الأثنين
::
::
س 13 / هل للقصيده أوقات معينه تكتب فيها .. ؟؟
لا يوجد أوقات معينه لكتابه القصيدة فهي تاتي فكرا بناءاًُ على موقف أو حدث
::
::
س 14 / هل تذكر لنا قصيده كتبتها في موقف معين .. ؟؟
يوم ضاقت بي دروبي بالزحام=يوم خلتني على وجهي اهيم
ابتسم في ضيقتي كل اللئام=صار وقتي للفرح فيني خصيم
تو مابان الغراب امن الحمام=وتو مابان الكريم امن اللئيم
يوم كلن ماجداه الا كلام=فز لي حرن كما فزة عظيم
ذاك ابو تركي له العليا مقام=عزوة اللي صارت ضلوعه هشيم
هو يغط شلون وعيونه تنام=يوم عمّه يشتكي ليلن عتيم
ابن اخوي ومسندي وابن الكرام=اشهد اني مازهمت الاّ كريم
الجواد العف من لامه يلام=الشجاع الوافي اللي مايظيم
المراجل صارت لخالد وسام=والشكاله صارت لخالد نديم
مايدنس خطوته بين الحرام=ولايعرف دروبه الا المستقيم
بين ذاك وذاك تلقاه الحسام=مايصوّب كود في وسط الصميم
مايعرف الذل ماذاق انهزام=قايدن لعداه قوده للحريم
عزوتي هو عزوتي جعله دوام=مسندي هو مسندي وامن القديم
لازهمته ارتعد فزعه وقام=يقلب احزاني على راسي نعيم
شالني يوم ارتخت فيّ العظام=يوم غيره ماقوى شيل الفطيم
يوم غيره عادت قصوره هدام=هو بنا عزّه على الدرب السليم
له معزه له وقار واحترام=به شموخ وبه تفاني مستديم
والسموحه يوم ماجاد الكلام=في جناب اللي له القدر العظيم
هو بداية مقصدي وهو الختام=الكريم ابن الكريم ابن الكريم
::
::
س 15 / هل هناك شاعر كنت من متابعينه قبل دخولك لعالم الشعر .. ؟؟
كثيرا من الشعراء مثل الرموز المعروفه { خالد الفيصل
وبدر عبدالمحسن ومتعب التركي } والكثيرين . وأحياناً نقرا قصايد مدرسه بدون لاتعرف صاحبها
::
::
http://www.hrb-kw.net/upload/uploads/images/hrb-kw-net82e7a9f5c0.gif
س 16 / هل هناك شعراء من القبيله تتنبأ لهم بمستقبل مشرق .. ؟؟
كثيرين وبعتقادي ابرزهم عبدالعزيز بن سبيل ونادر بن حباب ولا قصور بحد
::
::
س 17 / مارأيك في فن المحاوره وهل لديك محاولات .. ؟؟
طبعا هو فن أميل له وليس كل شاعر يتمكن منه وليس لدي محاوله بهذا اللون من الفن الشعري
::
::
س 18 / سمعنا قصيدة نبعد فيها عن الغزل؟؟
بدايه نبتدي باللي رجينا منه الغفران
ونسعاله على شان القلوب تذوق غفرانه
مدام انّا على الدنيا وكل اللي عليها فان
ولايبقى سوى وجه العزيز الله سبحانه
نبي نركع نبي نسجد مدام انّا على الايمان
نبي نطلب من الله العفو والصفح واحسانه
ومنهو فوق هالدنيا يصيب ولاطلع غلطان
واذا بان الخطا فينا تعود النفس غلطانه
نعم نخطي ونتعلم وهذه سنّة الانسان
نفوسن تشرب الذل ونفوس العز ربحانه
وترانا كلنا لاصاحت الصيحه نكون اخوان
يفز الرجل فينا كان شاف الضيق باخوانه
على شيمة هل العز وعلى وقفة هل الاحسان
على مدة كريمن مانوى الرحمن خذلانه
ولو حتى عبث مره دخل مابيننا الشيطان
ومنهو مثلنا يقدر على الشيطان بايمانه
نقول الله ياغافر ذنوب الخلق يا الرحمن
ولاغيرك ترجينا وعز الدين باركانه
بدايتنا ونهايتنا رجينا منه الغفران
ونسعى له على شان القلوب تذوق غفرانه
::
::
س 19 / هل لك علاقة صداقه مع أعضاء المنتدي ..؟؟
نعم وهى كثيرا وهذا يعتبر من ثمرة منتدي قبيلة حرب
س 20 / هل لديك مساجلة بينك وبين شعراء المنتدي .. ؟؟
نعم بيني وبين الشاعر / سالم مناع الوهبي الذي تشرفت بمعرفته عن طريق المنتدي
يقوله اللي وقف بالمرقب لحاله
ويسامر أطلال ما قد راح من عمره
يحتار مابين تلويعه وغرباله
ماله جدا إلا يصيح وينثر العبره
ويشوف الأحزان والضيقة تهيّاله
ولا نفعه السكوت ولا نفع صبره
ماغير يصفق يمينه بأوسط شماله
والجوف كنه حوا في داخله جمره
على الذي في يدينه يقطع وصاله
أقفا وخلا الشقي يحتار في أمره
كذا بلا أسباب عن بعده وترحاله
ليته تعذّر وأكابر وارتضي عذره
يا شعري انهج على من طاب منزاله
الصّاحب اللي تعلا للسما قدره
سلّم وقلّه وصلة وشايل رساله
لك من خويّك عساك تشد من أزره
سالم ومن غير سالم جيت أبلجاله
لا شفت وقتي هوى من عثرة لعثرة
وأنا ادري انّه يغيث اللي تعنّاله
وادري يفرّج على من ضاق به صدره
نعمٍ فبوه ونعم في عمّه وخاله
ومليون نعمٍ تجي في طوعه وأمره
يا صاحبي شف خويّك منشغل باله
وأنت تحس العنا من تسمع النبرة
إجيوش همّه تجي رجلي وخيّاله
دنياه صارت عليه أضيق من الإبرة
ماجيتك إلا وأنا اللي حالتي حاله
يا قو صبري على الفرقا ويا كبره
عامين مدري عن أخباره وأحواله
عامين .. لاوالله الا كنّهم عشره
شفني على الدرب واقف واتحراله
وادريبه إن مرّني ما يرسل النظرة
الناس قالوا هبيل وبيّن هباله
والناس وشلي بها من يزعل ويشره
لاصار بين الضّلوع موثّق حباله
ولاصرت كلّي كذا مسجون في أسره
قلّي على شي واحد واقدر احتاله
أخير من قولتي يا عيشةٍ قشره
يا بخت منهو خفوقه سالي وداله
ما شاف عين الفتون ولا سبح بحره
ولا شاف خدّه وهو ينور على شاله
ولاشاف مبسم غدير ولا لمح شعره
البعد شين وعذابه كيف ابقواله
للموت سكره وأنا من سكره لسكره
ان مت قبله عسا في موتي اشواله
وان مات قبلي عسا موتي على قبره
يا سالم العلم جالك وأنت تقراله
دبّر عسا في يدك يا صاحبي دبره
من واحدٍ واقفٍ بالمرقب لحاله
ويسامر اطلال ما قد راح من عمره
وهذا رد الشاعر / سالم مناع الوهبي على الشاعر / احمد دحيلان
يقوله اللي وصلته منك رساله
وهو طبعه يقدر الشاعر على شعره
يومن كل يصوغ ويضرب امثاله
في مركز الشعر كل عارف قدره
يامرحبا في رجال العز والطاله
ذوي رجيبان والطيب على ذكره
ولاني بجاهل من رجيبان وعياله
الله يقوي بقاه وياسع بقبره
من مات جعل الجنان الخضر منزاله
والحي منهم عسى الله يطول بعمره
ماصيدي انه ولد عمي وانا خاله
لجل امدحه واتملق وانطل الغتره
الآدمي في لسانه تحبط اعماله
ان ماصدق في كلامه حلوه ومره
وكل يقول المثل تشهد له افعاله
والناس تفقد وتنقد كلن وعذره
ويوم ان اخوي العزيز احمد شكى حاله
من ماجراله شكالي عسره ويسره
رقى المراقب وغنى جر مواله
غنى لحون الحزين وضاقبه صدره
يضن حالي سعيد وهو يوراله
يشوفني مبتسم مابين الحسره
عزاه عزاه ليته همه لحاله
هيض شجوني وانا اول كاتم العبره
وهو مادرى ان صاحبه بالهم يرثاله
يخفي مصابه ولاحدٍ داري بامره
من وقتنا اللي تردا مدري وشجاله
وانا اتصبر عليه وراضخ لأمره
عاقبني الله فيه وذقت غرباله
اما الغزل والمحبه مالنا خبره
مالله كتبلي وانا ماني مع احواله
لكني اعرف اعلومه خيره وشره
من خلقت الناس والاحباب شغاله
احد تهنا ونال البدر والقمره
واحدن شقاوي وضايق فكره وباله
واحدن غريق يخبط موجه وبحره
واحدن خذاه الهبال وزود هباله
ولالكل مخلوق يقدر يحتمل صبره
واليوم عزي لحالك وعزي لحاله
كانه تذكر هاك الايام والعشره
تقل من فاقدٍ الغالي من امواله
ولاباقي الا الزهيد ويشتكي فقره
يدق صدره قهر ويهل هماله
تدفق دموعه على ماحل منحدره
لكن يااحمد تحمل واصبر اهواله
الحب قبلك رجال ذايقه قهره
عزيز قوم العرب يرخص له اذلاله
ومن غاب عنك التمس في غيبته عذره
ماهو بوده وقل جا من تصداله
وكاد من جاه دوني وامنعه جبره
والله يعين اللذي يدعي ويجاله
الشكوى لله وعليه الأمر والدبره
::
::
س 21 / المعروف ان والدك دحيلان شاعر معروف عند رجال القبيلة هل استفدت من تجربه والدك .. ؟؟
طبعاً استفدت معنوياً بشكل كبير بالرغم أني بدأت كتابه الشعر بعد وفاته . ولكن كلما أسمع من قصائده يكون حافز لى ان لا اكتب الأ في المستوي الذي يليق بشعر.
::
::
http://www.hrb-kw.net/upload/uploads/images/hrb-kw-net94c3f3f0c5.gif
س 22 / هل تذكر لنا قصيده من قصائد والدك .. ؟؟
(( بعد ما زاره احد الرجال وتقهوى عنده في مجلسه وكان هناك مجموعه من الضيوف موجودين قام هذا الزائر وطلب من الوالد ((دحيلان بن رجيبان)) ان يحادثه على انفراد في الخارج .. فذهب معه الوالد معتقدا ان الموضوع في غاية الاهميه ...
فقال الزائر لوالدي : انا اريد ان اخطب احد بناتك وانا على استعداد لدفع المهر الذي تريده حيث اني ميسور الحال ..
فقال له الوالد : اسمع يا ولدي انا قد زوجت خواتها بدون اي مبالغ فأنا اشتري الرجال .
ولماذا لم تخطب ابنتي امام الرجال في المجلس لعدم وجود ما يعيب ذالك ؟
لذا انا ابلغك بعدم موافقتي..وكان من ضمن الحضور الشاعر ((هليل بن حمدان الحربي)) وعنده بنت صغيره فانشد هذه الابيات)) :
يـاغـريب الزين يا بنتي غريبه
يـا غـريب الـزين يـا عنق المهاتي
بـنـت عـودٍ ما تحيّل في نسيبه
ولا تحـيّل بــالـعـلوم الــخـايـبـاتي
حـالفٍ عـن بـيـعها والله رقيبه
واقـمـحوا يـاللي تـبـيـعـون البناتي
رزقـنا عـند الـولي ربي يجيبه
رزقـنـا مـاهـوب بـيـع المحصناتي
جـعل بـيّاع النسا يردى نصيبه
يترك الماجوب واعرض للشماتي
ان عـزم في بيعها تصفى قليبه
افـزعـولـه يـالـمـعاطـيب الرماتي
وخبّر اللي راكبٍ كور النجيبه
يـخـبّر اللي يـشـتـرون الـطايلاتي
بيعهن عـند النشامي ما سعيبه
ولا خـبـرنـا بـالــسـلــوم الاولاتي
::
::
فعندما سمع والدي (( دحيلان بن رجيبان )) هذه القصيده انشد مجاريا لها ومحاكيا لنفس الموقف :
::
::
راكـب اللي لا مشى جاله حطيبه
مـوتـرِ يـطـوي بـعـيـد الـنايـفـاتي
فـوقـه اللي يـاخـذ الـعـلـم ويجيبه
يـم اخـو حـسـنه معشي الجايعاتي
كـان ابـن حمـدان ما طالب نسيبه
فـأنا اسوق المال مع جيزت بناتي
جـيـزتـي بـريـال والله لي رقـيـبه
والـشهـود حـضور والكلمه ثباتي
يـوم ولـد الاش عـيـبه مـا دريـبه
يـحسب ان الـطيب بيع المترفاتي
مـن يـبـيع بـعـورتـه يردى نصبه
يـحـاسبه مـولاه مـن بعد المماتي
بـيعة العورات من طرق المعيبه
تـقـصر الـناموس عند الموجباتي
سـبّبوا تـعـطيـلهن صارت غليبه
عـنّسـوا بـبـيوت اهلهن قاعداتي
والـردي لـو يـنتـقدني ويش ليبه
والسـنـافي دامـحٍ زود هـفـواتي
رزقـنا عـند الـولي والله يـجيبه
مـثـل مـا يرزق طيورٍ حايماتي
::
::
س 23 / هل هناك من شعراء منتدي قبيلة حرب في الكويت تحرص على متابعتهم ..؟؟
والله كل شعراء المنتدي أتابعهم وأشوف لهم مستقبل باهر وأتمني لهم التوفيق
::
::
س 24 / هل هناك قصيده قريبه من نفسك .. ؟؟
ماني بلا ضايق ولا خاطري شين=أبشّرك مرتاح بالي ورايق
قالوا غريب وعادته يشكي البين=وأقول لا تطرونها لا تضايق
صحيح لي ونّه من الحين للحين=احتاجها تبقى معاي لدقايق
لأني بشر والله خلقني من الطين=مثلي مثل يا حسين باقي الخلايق
اشتاق .. ايه اشتاق مير الله يعين=لا صار قدام المواصل عوايق
أنا هنا .. وأهلي وربعي بعيدين=هذاك يوقد بالخفوق الحرايق
ما شاقني شوف المزايين=ولاني لدار أهل الملذات تايق
دارٍ بلا أخلاق أو شرع أو دين=فيها الرذيلة تنعرض بالحدايق
في صبحهم عبّاد .. بس القوانين=وبليلهم .. منهو مع الليل فايق
واشلون ما أشتاق واحن والين=وأنا سبيلي بس بالنت أوايق
ياحسين ربعي كلّهم كالسلاطين=وعندي على ماقول صك وثايق
ربعي ليا ضاقت عليك البلادين=صارولك اقرب من قريب الشقايق
ابشر بهم عند اللوازم سريعين=جولك كما سح المزون اللحايق
لا يابعد لندن وروما وبرلين=من غيرهم لمنازع المجد لايق
فيهم يطيب الخاطر وتفرح العين=لاصرت تنشدني وتبغا الحقايق
ياحسين شفني ضايق وخاطري شين=ستين يوم وكل يوم متضايق
::
::
25 / اهميه النقد في الشعر النبطي تكتمن في كفاءة الناقد فهل أصبح النقد الحقيقي مفقود .. ؟؟
طبعا لازال موجود وأصبح من السهل أكتشاف النقد البناء من النقد المجرد .. والنقد مفيد بالنسبه للشاعر وإن لم يكون هناك نقد لن تسمع شعر جيد
::
::
http://www.hrb-kw.net/upload/uploads/images/hrb-kw-nete20b864630.gif
س26 / نبي نختم القاء بقصيده نتمني ان تكون في قبيلة حرب .. ؟؟
يالله انك ماتشمّت بي عذول=يوم بعض الناس قالت وكذبت
ماني مطول عساها لاتطول=كلمتن تكفي مدام اتهذّبت
اذكر الله ثم اصلي عالرسول=واحمد الله واحدن دينه ثبت
عزنا باسلامنا وبما ننول=يوم دين الجهل ولاّ وانكبت
والشكاله ماتجي بين الخبول=نعمتن عن من نساها جنبت
والردى باهل الردى يلقا ميول=بينهم لا شرقت وان غربت
وللمعالي دايمن صعب الوصول=كم نفسن للمعالي عذبت
والبشر من طبعهم حب الفضول=ماتعرف الا على ماجربت
والمراجل بالقلوب وبالعقول=والسوالف باللسان وكتبت
ايه والله لا تباهو بالاصول=اشهد اني من عرب ما استعربت
حرب لادقت مع حرب الطبول=عن ملاقا خصمها ما غيبت
هم هل الفزعات متعبت الخيول=هم صناديدن من الطيب شربت
بالملاقى كم تصول وكم تجول=والثكالى من ورى حرب اندبت
من نخاهم كل ضيقاته تزول=ومن يعادي كل دنياه خربت
ظيفهم في عزهم طاب النزول=دام حرب اللي على الطيب ركبت
مايميّل فعلهم دام معدول=ولاتطفّى نارهم دام الهبت
يوم قلت بحرب ماودّي اقول=فز وردن من على الدفتر نبت
والختام الف الصلاة عالرسول=عد شمسن اشرقت ثم اغربت
::
::
س 27 / كلمة اخيره من شاعرنا / احمد دحيلان .. ؟؟
بيض الله وجيهكم ونشكركم على جهودكم المبذولة وهذا شي ليس بغريب عليكم وعسانا إن شاء الله قلنا شي يفيد ويمتع القارئ.
::
::
مع تحيات
إدارة موقع قبيلة حرب الرسمي في دولة الكويت
kw_sms@hotmail.com