السلام عليكم ورحمة الله وبركاته..

مبارك عليكم الشهر..

واسمحولي على الانقطاع لظروف خارجة عن الارادة !!

وقبل ما ابدا بطرح هذي القصيدة .. احب انوه بان اشهر من كتب القصايد من غير نقط .. هو الشاعر محمد بن لعبون

وكانت قصايده اللي من غير نقط تسمى " الــمــهــمّــلات " !!

وفي اكثر من شاعر حاليا يكتبون "مهملات" .. مثل سعد بن جدلان .. فهد رفاعي .. سطام سرور وغيرهم!!

ولكن انا اخترت قصيدة الشاعر محمد عبدالرحمن ابو ونيان الحربي.. لجزالتها .. وحلاوتها..

وهي منقولة من مشاركة له في احد المنتديات


على صدا ماوصل للرد سار المداد
وسطر على اسطار مرسال صداه الردود

رسم على الطرس حاو للعلوم الوكاد
احساس راع الهوى والسر لاع السدود

سلام سلام لك مرّه ومره معاد
عداد ماهل وامطر ماطر له رعود

واسمع كلام الصراحه والعلوم السداد
مالك ومال الصراع وكل هم كمود

مادام سالم ولا للود حولك مراد
ماحدك الله على دعواه واسلم و عود

راع الموده ولو روحه طواها الوداد
عوّد لحلم الهوى لو كان حلمه صدود

حلم الهوى دوم سلمه للموده لهاد
همٍّ لهد مولع لاعه مودٍ لهود

ماللمولع سعاده لو طمح للسعاد
مهما حلم للامل حلمه محال الورود

حلمه على كل مدلا لو علا معه عاد
ماطال عالٍ ولا له لو طمح له صعود

حلمه كما حلم رامٍ حط حوله رصاد
كود المها لا وصل لحماه صاده رصود

مار المها مارماها رام ودٍ وصاد
دام المها لا رمى للسهم صاد الاسود

علمٍ وكاد وحصل من عهد هودٍ وعاد
مصادره رسمها مع عصر عادٍ وهود

عهدٍ طواه الدهر مع أرم ام العماد
سار الاوادم مساره كل صمدا صمود

اعوام وادهور للعالم مسالك طراد
للوصل سرداد مردادٍ لوهمٍ طرود

ماحد حصل له وصال ودام وصله وساد
ولا حد محى هم ود راس ماله وعود

راع الهوى لو سعى مسعاه ماله حماد
طرّاد لمعٍ كسى الصحرا مراده ورود

حاله كما حال راع السلعه ام الكساد
ما حدها الا على مر الكساد محدود

حصاد محصول كدّاد سعى للحصاد
طوى حلومه عطال المروحه والعمود

طوى حلومه وهو طامع لوصل السداد
لو سدده سلمه وصله وعاد محمود

راع الهوى لو طلع مسرور ساعه معاد
كامل سروره هموم طول عمره مدود

لو طال عمره طواه وراح سهر وكماد
لو هو صمد للصمود المر لاطول حدود

سم المولع سهومه كل روسه حداد
مرمى السهم لا لحم للصدر مرمى سكود

مسار سمه مسار الدم صدر او وراد
للاورده مسلكه مسلك عدوٍ لدود

هدّام دار السعد لداد راع الهداد
لو كل ساعه وطاره للمصاد مهدود

واسلم ودم والعلوم الوارده لك حماد
ما احطها لك على مسلك حمد او حمود

والوعد عهدٍ و وعد الحر ماله سداد
الا وهو مدرك اوعاد الحرار العهود

واكمل سلام المسلّم لك سلامه عداد
ماهل همال رعاد ملا للسدود

وسلامي هو ختامي

اللة يعطيك العافية على النقل الجميل
وصح السان الشاعر والناقل ..


وتقبل تحياتي..

نقل جميل وبارك الله فيك


وصح السان الشاعر


في انتظار جديدك

الله يعافيك يا عريفان..

وصح بدنك :)

==========
والله يعافيك يا بو حرب.. منور مشاركاتي كالعادة :)