القوه ياحرب
هذي قصيدة للشاعر محمد القسامي العتيبي وهو يتمنا لو انه من قيلتنا قبيلة حرب والقصيده تشرح نفسها

ياليتني من قبيلـة حـرب غيدانـي =وعرقي من عروق ابن بتلاء تعاريبه

من شأن لاقامت القومـان تنحانـي = يشوش من دوني رجالٍ لهـم هيبـه

لاصحت جاء دوني القاصي مع الداني =إزحول ربعي مشايخ حرب وعتيبـه

قومٍ تفـك الدخيـل وتكـرم العانـي =واخص بالمدح شيـخٍ فـارق طيبـه

لاقام في لازمـي ماهـوب بلشانـي = واليوم أنا في ذرا وجهـه ونبديبـه
نذخرك وقت الطلب ياطير حورانـي = حر ٍ ومن هامـت المرقـاب نغزيبـه

وليا غشى الجـو بـارودٍ ودخانـي = فعل الحميدي بـن بتـلاء نماريبـه

له ماقفٍ شاهـدٍ بـه كـل ميدانـي =الصاطي اللي عطيبـاتٍ مضاريبـه

وله وقفةٍ بأمر ربي تطلـق الجانـي= لو دونـه البـاب محكمـةٍ لواليبـه

في عتق الارقاب له وقفه وبرهانـي = يشهدله اللي نجا من سيف ومصيبه

القصيدة ترفع الراس وهذا يدل ان بين عتيبه وحرب كل علم طيب والخلاف الى يحصل من ناس غير عقلاء

بن بتلا هو الشيخ الحميدي بن بتلا الغيداني هو معروف بالخير وفك الرقاب ورجل مادةو معروف عند المسولين ومحبوب عند القبائل

تسلم والله على نقل لهالقصيده الشامخه

مره أخرى لك جزيل الشكر والإمتنان على النقل الموفق

بيض الله وجه قائلها وناقلها

حياكم الله ومشكورين وماقصرتم على هالطلة الحلوه

يعطيك العافيه يالغالي تسلم

شبابه يا شبابه

صح الله لسان قايله
وجعلها ماتنشل يمين ناقلها

تقبل مروري

وامتنع عن الرد علي قبيلة عتيبة


ماينسينى الخطاء حب الخشوم ؟؟؟؟؟

يعطيك العافيه على النقل الرائع