قصيدة الشاعر عبدالله بن زويبن


يقولون العرب فيهـم حميـا=وانا ما اشوف للفزعه مبادي
عليهم من عرب غزه غشيا=سواد ما يجي بعده سـوادي
لخوض المعركه محدن تهيا=كفى ياللي تنادي بالجهـادي
تنادي عالـمٍ ماهـو هنيـا=على قول المثل تايه وغادي
( ولقد اسمعت لو ناديت حيا=ولكن لا حياه لمن تنـادي )
ليا قلنا لبوش وبـوش عيـا=مسكنا عن مواقفنا الحيـادي
نحسب انّا تعدينـا الثريـا=وحنا خافسين ابطـن وادي
تجينا الطايرات من العليـا=وحنـا واقفيـن بالهـوادي



شعر : عبدالله بن زويبن الحربي

اشكر لك يالحنيني على قصيدة الشاعر عبدالله بن زويبن

وهذا فصيدة لعبدالله بن زويبن

....
يا سيد الاحباب زحت الهم عن بالي=عندك بكسب الحبايب دبلوماسية
لك فرصة تجمع الغالي مع الغالي=من غير موعد تجي وتروح عفوية
أخذتني من معاصير أشهب اللالي=ورمستني رمس بأجواك الرومانسية
غطيت وجه السماء بغيوم وخيالي=والأرض غطيتها بورود سحرية
متشابكٍ نبتها من كل الأشكالي=من كل الأشكال تقل انقوش زولية
وصممت طيارةٍ تصميمها عالي=ما صممتها الولايات المريكية
من غير كبتن تجول فوق الأطلالي=وغمزت زر المحرك وأقلعت فيّه
طارت عن الأرض مليارات الأميالي=شوي وإلا لمست الشمس بيدية
وتحطمت بالمضامي والخلاء الخالي=جيعان ضميان لا هذي ولا ذية
متعلقٍ في عمود الياس بحبالي=متلولحٍ ما تطب الأرض رجلية
جميع ما شفت بس أشياً تهيالي=أفكار وضنون وأوهامٍ خيالية
يا سيد الأحباب تضرب فيك الأمثالي=من سابق الوقت لك حسنة ولك سية
حسنتك تجمع لك أجيالٍ مع أجيالي=العالم الميته والعالم الحية
وسيتك تدفن بوايق كل ختالي=من السباع الضوراي والحرامية

قصيدة رااااائعة
ومشكووور على النقل الجيد يا الحنيني

مشكور يالذيب والله لايهينك على المجهود الي تسويه لا هنت يا كحيلان---
تقبل مروري

شكرا على النقل اخي الحبيب وشكرا على ذكر شاعر من فطاحلت الشعر المهضومين اعلاميأ

مشكور علي نقل القصيدة