عندما تتحدث الحكمة تلجم كل ناعق بدعوى العنصرية
فالذي بين قبيلة حرب وعتيبة أكبر من يزيحه حقير بحجم كديميس او بحجم قناة الساحة
الشاعر / محمد بن سعد الفريدي يرد على كديميس العصيمي بقصيدة مدمرة
تحفظ حق قبيلة حرب ولا تهضم حق قبيلة عتيبه وتضع كديميس وقناته في حجمهم الطبيعي
يا صاحبي قم سجل القول تسجيل = ماهي سواليف الوجيه القطيبه

اللي من الهزلات ساق الأباطيل = من شين نفس للخزا مستجيبه

ما يدري إن القول يؤخذ تدليل = والا العمى رمي الهدف ما يصيبه

ما ودنا ندخل بطول الأقاويل = لكن حدانا جعل ربي حسيبه

نبي نرد الصاع بالصاع تدبيل = ورماحنا من دون أهلنا صويبه

حرب هل الطولات والعز والخيل = وأهل الكرم دين وشجاعة وطيبه

اليا عطوا مثل المزون الهماليل = اللي تحدر سيلها مع شعيبه

واليا ارفعوا حد السيوف المصاقيل = سبع الخلا يشبع ونسره وذيبه

يوم المواقف تذهل العقل تذهيل = والموت الأحمر قام يخطب خطيبه

خويهم يفداه سبعة رياجيل = وعدوهم عينه لنومه حريبه

ديارهم حد الجزيرة إلى النيل = وأطهر بقاع الأرض مكه وطيبه

وإن قام واحدهم عن الكل تمثيل = واحد يمثل كل حرب العريبه

ولا عذرب اللي تاب ماض الأفاعيل = وأنشد خلف ينبيك باللي بليبه

وعتيبه الهيلا نهار المصاويل = كم فارس حطوا عليه النصيبه

لطامة العايل وذباحة لحيل = وعز الخوي يوم المواقف صعيبه

جاورتهم نعم الرجال المشاكيل = وخاويتهم نعم الصحيب لصحيبه

أفعالهم تغني عن القال والقيل = والدنفسه والكدمسات الغريبه

وأنته مع عتيبه ترب المعاميل = ولا لك مع الأجواد قدر وهيبه

تنقل أثرك بيدك جيل بعد جيلا = ولا عقلك عارضك لو زاد شيبه

والساحة اللي كل أبوها بهاذيل = أم الفتن سب ونميمه وغيبه

متحجبه لكن عليها بناطيل = ولا بينت منها يا كود الشطيبه

بالعنصرية تشعل النار تشعيل = تشبها بين القريب وقريبه

يلقى بها الفتان صفقة وتطبيل = ماهيب ساحة لنعبوها زريبه

فيها خوي أريام راع المواويل = يدفها بين الدروب المريبه

وظف بها حجله وحجلان وحجيل = والكل منهم قام يفتل شنيبه

وجابوا بها كديميس شيخ المجاعيل = يبحث عيوب الناس ما شاف عيبه

يا فهيد يا كديميس يالثعل يا ثعيل = وش غير اسمك في حياة كئيبه

مدري طمان الفعل أو خوف ترحيل = والا تحرش بك عريف الكتيبه

متجمع فيك الردا بالتفاصيل = ذل وضعافة نفس شيبه وخيبه

عفن وبليد احساس قتات وبخيل = مجوع ضيوف الدار مشبع كليبه

لا يا قليل المعرفة والمحاصيل = اللي على نفسه يجيب المعيبه

تذكر رجال نكلوا فيك تنكيل = وما بينهم حطوك مثل اللعيبه

يوم القصايد تعتزي كنها السيل = ومن كل بركان تصالي لهيبه

لو هي بغيرك يا زبون الغرابيل = يمكن تكفن في لباس الحبيبه

واليوم جيت تهزهز الراس والذيل = تبغى الفحول أهل الفعول العجيبه

ومن الجذع ومطير قد جاك تمويل = لكن يالماخوذ نفسك رغيبه

مثل الذي يمشي بليا سراويل = ومن فوق علباته يعلق ثويبه

سبيت ما طمنت شم الأقاذيل = ورداك ما عذرب قبيلة عتيبه

ولا هو عجب صفقة يدين المهابيل = بس العجب صمت العقول اللبيبه

الحكم لو عدل هل العوج تعديل = ما شفت أنا كديميس يرفع ذنيبه

تم الكلام ولانبي فيه تطويل = بس الخزا مردود للي يجيبه

الدرع يعطيك الف عافيه وبيض الله وجه الشاعر/محمدالفريدي على هذه المنقيه اللي خص فيها بليس وحده واتمنى من أخي فيصل مشكور بتثبيتها وتثبية قصيدة الشاعر عضيب والشاعربنيدر مشكور

يعطيك العافيه على النقل لاعدمناك