ممدوح الوهبي
08-25-2009, 01:25 AM
قصيده للوالد الشاعر المعروف سعد المسعود الوهبي وقد قيلت هذه القصيده بمناسبه
دعوته من قبل الاخ مقبل الردعان بن خشمان لحضور حفل زفاف ابنه فلاح، وناصر الذي ورد
اسمه في البيت الثاني والعشرين هو ناصر فلاح اباالميخ والقصيده مهداه لاهالي الزبيره وتقول :
ياراكب اللي علي اول شد لوحاته *** ماوقفت بالمعارض عند شاريها
مايهم لو ارتفع سعره وشيكاته *** هو منوه اللي بعيد الدار ناويها
من حوش مشرع جديد بستماراته ***يازين زين المواتر عند راعيها
لو ينقص السعر ماقال الثمن هاته *** اركب علي الجيب لين الله يسويها
راعي الجمايل وفعل الطيب عاداته*** يازين فعل الجمايل عند راعيها
مايشري الا من الممتاز بثباته *** كود الذي كمل اليابان مافيها
اليا نظرته لتعجبك نظراته *** بياض شقحاء راعي الخلفات مغليها
بس يتغنج اليا لمست بريكاته *** تغنج اللي غرام الحب حاديها
ماهمه الخط لو كثرت ملفاته *** اسبق من اللي علي الملواح داعيها
يشابه الريم ليمن فز فزاته *** فزات ربدا ذعرها صوت راميها
فزه عديم سمع لصياح جاراته *** جيران بيته من العدوان حاميها
كن لمعه البرق من لمعه صطباته ***لمع جمراتن هبوب الليل قافيها
ثم نصه اللي عنينا في مهماته ***هو مقبل الله يفكه من بلاويها
ذباح حيل الغنم من غير حزاته *** للضيف لاجاه والجيران يدعيها
عزالله انه وصل بالطيب غاياته *** راعي الصحيرا لعله يهتني فيها
ثم نصه اللي علي المعروف فواته *** علومهم طيبه والناس توحيها
اهل الزبيره ربيع القلب ومناته *** كسابه الطيب باولها وتاليها
مستانس الضيف لو تطول قاماته *** علي صيانن فقار الحيل غاطيها
من دون لاخص كلن في مرواته *** كل اهل الطيب بالابيات نعنيها
ثم مر رجلن مبينتن علاماته ***حول الزبيره يذكر في مفاليها
ينطحك في طيب الخرفان بشواته ***ودلال رسلان فوق النار محميها
ياطيب ناصر وفعل الطيب من ذاته***عز الله انه تعلي في عواليها
مجاذب اللي دروب الطيب هوماته *** والناس بحقوقها من دون عانيها
من لابه سجل التاريخ سطواته *** وهوب يوم الفعايل نفتخر فيها
ان كان حس البنادق سمعت اصواته *** والخيل قفت ومعها الدم غاشيها
منا هل الست والافعال بثباته *** تحيزموا والبنادق قفشها فيها
ردوا لهم ميه من غير مشهاته *** من دون قاصر قليل من يسويها
والعمر ماراح لين يجيه ميقاته *** والنارما تحرق الا رجل واطيها
ولااقول قاف توهقني بمتهاته *** واللي بها اثبات ما ينلام راويها
ولاني من اللي علي الاجواد شماته *** كل القبايل فعوله والنعم فيها
وصلوا علي اللي رفع بالدين راياته *** شفيعنا يوم الانفس عند باريها
وسلامتكم
دعوته من قبل الاخ مقبل الردعان بن خشمان لحضور حفل زفاف ابنه فلاح، وناصر الذي ورد
اسمه في البيت الثاني والعشرين هو ناصر فلاح اباالميخ والقصيده مهداه لاهالي الزبيره وتقول :
ياراكب اللي علي اول شد لوحاته *** ماوقفت بالمعارض عند شاريها
مايهم لو ارتفع سعره وشيكاته *** هو منوه اللي بعيد الدار ناويها
من حوش مشرع جديد بستماراته ***يازين زين المواتر عند راعيها
لو ينقص السعر ماقال الثمن هاته *** اركب علي الجيب لين الله يسويها
راعي الجمايل وفعل الطيب عاداته*** يازين فعل الجمايل عند راعيها
مايشري الا من الممتاز بثباته *** كود الذي كمل اليابان مافيها
اليا نظرته لتعجبك نظراته *** بياض شقحاء راعي الخلفات مغليها
بس يتغنج اليا لمست بريكاته *** تغنج اللي غرام الحب حاديها
ماهمه الخط لو كثرت ملفاته *** اسبق من اللي علي الملواح داعيها
يشابه الريم ليمن فز فزاته *** فزات ربدا ذعرها صوت راميها
فزه عديم سمع لصياح جاراته *** جيران بيته من العدوان حاميها
كن لمعه البرق من لمعه صطباته ***لمع جمراتن هبوب الليل قافيها
ثم نصه اللي عنينا في مهماته ***هو مقبل الله يفكه من بلاويها
ذباح حيل الغنم من غير حزاته *** للضيف لاجاه والجيران يدعيها
عزالله انه وصل بالطيب غاياته *** راعي الصحيرا لعله يهتني فيها
ثم نصه اللي علي المعروف فواته *** علومهم طيبه والناس توحيها
اهل الزبيره ربيع القلب ومناته *** كسابه الطيب باولها وتاليها
مستانس الضيف لو تطول قاماته *** علي صيانن فقار الحيل غاطيها
من دون لاخص كلن في مرواته *** كل اهل الطيب بالابيات نعنيها
ثم مر رجلن مبينتن علاماته ***حول الزبيره يذكر في مفاليها
ينطحك في طيب الخرفان بشواته ***ودلال رسلان فوق النار محميها
ياطيب ناصر وفعل الطيب من ذاته***عز الله انه تعلي في عواليها
مجاذب اللي دروب الطيب هوماته *** والناس بحقوقها من دون عانيها
من لابه سجل التاريخ سطواته *** وهوب يوم الفعايل نفتخر فيها
ان كان حس البنادق سمعت اصواته *** والخيل قفت ومعها الدم غاشيها
منا هل الست والافعال بثباته *** تحيزموا والبنادق قفشها فيها
ردوا لهم ميه من غير مشهاته *** من دون قاصر قليل من يسويها
والعمر ماراح لين يجيه ميقاته *** والنارما تحرق الا رجل واطيها
ولااقول قاف توهقني بمتهاته *** واللي بها اثبات ما ينلام راويها
ولاني من اللي علي الاجواد شماته *** كل القبايل فعوله والنعم فيها
وصلوا علي اللي رفع بالدين راياته *** شفيعنا يوم الانفس عند باريها
وسلامتكم